深宮計

【深宮計】女版吳剛?「南宮司設」當年玩心口碎大石!仲有 康華 那些年性感索爆圖輯

最新娛聞

廣告

康華在熱播中的《宮心計2深宮計》飾演「南宮司設」,獲網友爆like!雖然一直只做配角,但康華喺TVB無論做咩工作都一向唔錫身,試過喺《慈善星輝仁濟夜》玩「心口碎大石」籌款,又試過喺《歡樂滿東華》著低胸裝表演倒吊威吔跳舞,真係睇見都覺得牙烟!

撰文:東方新地|圖片:新傳媒圖片庫、康華微博

深宮計 演「南宮司設」

康華在TVB期間長期演出反派女配角,雖然未曾擔任女主角,但多次演出青樓女子、奸妃的她反而更深入民心。最近她正於熱播中《宮心計2深宮計》飾演「南宮司設」,是四個司設中最冇機心、和善的一個!

康華瞓身籌款

身材纖瘦嘅康華竟然試過學習吳剛師傅,喺02年嘅《慈善星輝仁濟夜》瞓身玩「心口碎大石」籌款!

心口壓住嚿石,康華表情痛苦!

有舞功底子嘅康華,當年係《歡樂滿東華》嘅表演鐵膽,曾志偉都曾經笑佢:「東華你做晒啦!」

上《獎門人》節目玩遊戲,康華一樣瞓晒身!

康華性感的那些年⋯⋯

康華不知不覺已46歲,當年她出身於香港演藝學院舞蹈系,因為參選1994年香港小姐而加入TVB,多年來她拍過不少劇集,但未嘗過做女主角滋味。儘管如此,每次演出她也恰如其份演好自己的角色!

此外近期最令人印象深刻的角色,是2015年《刀下留人》的萬貴妃。

其實康華早在她出初出道時期行小性感,工作都博盡唔錫身,她多次應本刊邀請做專訪及影性感靚相。

康華雖未有非常標緻的樣子,但擁34C上圍的她身形勻稱,而且康華樣子清秀,更獨有種性感又風情萬種的女性氣質!

康華曾透露身邊有唔少追求者,大部份年紀都細過佢,不過佢一直專注事業同家庭,所以選擇咗放棄愛情。

康華出名係孝順女,為咗照顧患病嘅雙親,要身兼幾份副業,包括教跳舞,仲試過拍劇偷偷地攞多份飯盒,留做下一餐,慳得就慳,加上她密密接JOB登台拍劇,山大斬埋有柴,買吓樓投資絕對不足為奇,難怪會成為娛圈小富婆!

46歲康華 凍齡秘訣

康華與《深宮計》「一局四司」美魔女結成好朋友,而她們也會交換美容及養生心得,她的保養的秘密全靠多運動,難怪康華一直保持靚絕身形,所以話,女士們要靚冇得偷懶㗎!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!