梁浸浸

着姊弟裝 梁浸浸啜爆小陳真

最新娛聞

廣告

要數出鏡率最高嘅星B,梁浸浸肯定穩佔No.1!今日浸浸又有新相,不過今次竟然俾隔離個得意星B搶咗fo!原來梁浸浸同黃伊汶囝囝陳真超級friend,成日見面一齊玩,尤其陳真差唔多5個月大,開始同人互動,而梁浸浸已經歲幾,大個女識得錫住小陳真!

延伸閱讀:

賀宋熙年做人妻 姊妹團旅行鬥晒腿

賣甩蔡康永 小S新節目調戲李治廷

學做船長

梁浸浸自從識行識走後十分活躍,最愛接觸新奇事物,而爸爸媽媽最近帶佢游船河,梁浸浸一上船四圍走,當隻船停下來時,梁爸爸更教佢做船長扮揸船,梁浸浸玩到唔停手!

梁浸浸雖然好動,但亦愛玩公仔,Yumiko指女兒無論瞓覺或行街,甚至出海都帶埋公仔朋友Bieber!

日前梁浸浸同陳真又gathering,兩個小朋友着住藍色姊弟裝,一時深情對望,一時攬實擺pose,梁浸浸仲忍唔住啜咗陳真一啖,而陳真都好配合,隊塊面仔過去之餘,亦笑笑口好enjoy!

梁浸浸走萌爆cutie路線,而陳真明顯係性格小生型,連媽媽黃伊汶都笑佢得幾個月人仔學人玩眼神!

早兩日陳國坤帶埋囝囝去同謝天華食飯,陳真識得望住爸爸甜笑,真係冧到暈!咁啱天華又有個仔,兩個小型男可以切磋下點樣用電眼追女仔喎!

全文完

 

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!