碧咸

去澳門做廚房佬 林雪孖碧咸拍廣告:佢好nice

最新娛聞

廣告

林雪早前去了澳門三日拍攝一個大型廣告,今日廣告teaser終於曝光,原來林雪係同萬人迷碧咸(David Beckham)拍攝澳門威尼斯人的全新廣告,而片中出現的另一香港代表為羅蘭,另外尚有四位國內藝人包括人氣女星柳岩、喬杉、楊迪和超級網紅草圖君。

撰文:東方新地 |圖片:新傳媒圖片、victoriabeckhamdavidbeckham@IG

去澳門做廚房佬 林雪孖碧咸拍廣告:佢好nice

片內,見到碧咸從一間冰室衝出,扮廚房佬的林雪則着白背心綁上圍裙,一臉凶神惡煞,帶住楊迪和草圖君於冰室現身,至於臉容帶點詭秘的羅蘭姐則從簾後走出。

有片睇:

整個廣告 teaser 只見幾位藝人演員在澳門的懷舊氛圍下出場,但相信仍未去到戲肉,要到本月19日廣告正式推出。

林雪雖已拍過多個大型廣告,但今次夥碧咸這個國際紅人拍攝廣告,特別難得。

林雪表示:「以前睇波時已經覺得碧咸好有型,原來真人仲靚仔,又高大,仲高我好多,佢好 nice,冇架子,仲攬住我影相。」

碧咸澳門拍廣告 羅蘭請食葡撻

其實早喺今年4月碧咸去澳門拍呢個酒店廣告,羅蘭姐都有份參與,碧咸一定好享受喺澳門開工嘅日子,見佢係一個post度貼咗成十張相,碌多兩吓碌到另一個熟識嘅人,就係羅蘭姐呀!

碧咸雙手攬實羅蘭姐,羅蘭姐仲畀個直豎拇指畀佢㖭﹗原來碧咸今次去澳門係幫佢代言嘅酒店拍廣告,羅蘭姐都有份參與,羅蘭姐大讚碧咸:「我請佢同我合照同簽名,佢即刻話冇問題,佢好nice,完全冇架子﹗佢知我係香港演員,導演都知呀仲叫我扮龍婆㖭﹗」羅蘭姐透露廣告中佢救咗碧咸一命,又請佢食葡撻﹗羅蘭姐仲話今次係佢從影以來,第一次同外國人合作,第一次就遇上萬人迷,好難唔令人葡萄囉﹗

碧咸將同羅蘭姐兩張合照都放上IG,佢仲留言指認識咗新朋友,真係恨死全球䧳性動物﹗碧咸不但同啲工作人員自拍留念,仲同路過嘅澳門小街坊合照㖭﹗

同Victoria結婚19周年!碧咸豪飲8萬3千紅酒慶祝

萬人迷碧咸嘅老婆Victoria早前被指冇陪老公去為奶奶慶祝生日,上月又傳出二人婚變,但話口未完,7月5日碧咸就在社交網上載兩公婆在巴黎食晚飯慶祝結婚19周年的照片,佢哋仲開咗支八萬幾蚊嘅紅酒,不過對佢哋嚟講呢啲都係散紙嚟啫⋯

碧咸喺IG分享二人恩愛合照,又留言:「19年,WOW…19年前的呢一刻,我由頭到腳趾公都穿着紫色…向最出色的妻子同母親說聲周年快樂…愛你」碧咸仲tag埋四名子女,四名子女更送花及氣球畀父母慶祝。而Victoria也有在自己社交平台轉發照片,並留言:「19年!!!我太愛你。」

而當晚佢哋就開咗一支Chateau Lafite Rothschild 1990紅酒飲,有指呢支酒價值8萬3千港元,真係每飲一啖就冇咗幾千蚊,豪爆!

睇番二人19年前嘅其中一張紫色婚照造型,娘到呢⋯

而前一日Victioria亦上載碧咸攬囡囡夏柏舒芬(Harper Seven)的父女溫馨照及老公參加女兒校運會短片,片中見碧咸與其他學生的老竇一同比賽鬥快用頭傳豆袋,最終碧咸輸咗!係嘅,又唔係比賽踢波⋯

好丈夫好爸爸 碧咸:「父母的陪伴」是子女最好的禮物

早前,碧咸為聯合國兒童基金會錄製了的短片中表示,碧咸也會像很多父母一樣,做了爸爸以後每天晚上起床5、6次照看孩子,即使對已經19歲的大仔布魯克林(Brooklyn Beckham)亦是如此。

他每天早上也會叫醒充滿「起床氣」的小孩,然後為他們親自炮製早餐。

因為囡囡Harper與3個兒子的年齡差距比較大,重新經歷半夜起床餵奶、湊小孩的日子。他表示自己十分享受每天經歷這樣的事,無論一天工作有多累,這些湊仔時光都能令他感到開心、滿足。而當片中碧咸說出這番說話時,隔著屏幕都可以感受到他這項「甜蜜的負擔」。

特別當他談及囡囡Harper時,愛女心切的他眼中更是充滿愛意。

相較於其他普通家庭,碧咸認為自己的孩子比較幸運,可以得天獨厚地擁有更好的物質生活。雖然這些東西能帶給他們快樂,「但絕對不是全部」。

他表示,雖然兩夫婦工作很忙,但他每個星期仍會抽空至少三天,同小女兒Harper一齊行路返學。他直言,這些「陪伴」或許普通父母都難以做到。

碧咸三個仔 唔踢球卻各有所長

「萬人迷」碧咸(David Beckham)與維多利亞(Victoria Beckham)婚後育有4名子女。碧咸自出道以來一直是足球壇上的天之驕子,他的魅力亦吸引了無數粉絲愛上足球這項運動。早前,碧咸在《The Graham Norton Show》節目中透露,自己的影響力並未能令3位愛子愛上足球,雖然他們都有足球天份,惟長大後逐漸失去興趣,他坦言「這令我心碎」。

大仔布魯克林愛攝影

大仔布魯克林(Brooklyn Beckham)長大後熱愛攝影,亦在較早前開過個人攝影展,當然唔少得阿爸阿媽細佬妹到場助陣。

二仔羅密歐步媽媽後路

二仔羅密歐(Romeo James Beckham)先是跟隨媽媽腳步投身時尚圈,為不少名牌發佈會當過童裝模特兒。

十幾歲仔打扮、影相、擺pose已經有型有款。

羅密歐亦十分喜愛排球運動,有球星爸爸鋪路,細細個就同網球選手@kyle.edmund @jameswardtennis 同場較量過。

細仔克魯茲係音樂才子

細仔克魯茲(Cruz Beckham)就鍾意作曲、唱歌。據聞克魯茲音樂天賦非常高,學咗幾堂鋼琴課已經可以彈奏出成首歌。唔講唔知,13歲的克魯茲IG已經有過百萬粉絲。

有爸媽鋪路,克魯茲可以非常幸運地與自己的偶像見面夾歌。

不要以為克魯茲只會玩樂器,其實佢同兩個哥哥一樣咁有運動細胞。踩板、打拳甚至連烹飪都難唔到佢!

囡囡小七Harper係「黃金右腳」繼承者?

幸好女兒小七Harper鍾情踢球,碧咸唯有將希望寄託在她身上。佢指每次見到女兒踢球,會令他想起自己對足球的熱愛。碧咸透露現時哈七每個星期日都會去踢球。

碧咸講起,有一次Harper在男女混合比賽時,被一名男孩撞倒,愛女心切的他當下不知應該如何反應。到底「該像個聯合國兒童基金會大使般,抱抱小孩,然後說句『沒關係不用擔心』,還是以Harper爸爸的身份抱怨一句『你不是吧』」,最後還是他決定讓「視若無睹」地讓事情過去。

結婚17年的碧咸(David Beckham)與維多利亞(Victoria Beckham)至今婚變傳聞不斷,不過,無論再多的荒謬離婚、不合輿論,都影響不了的夫妻感情。

早前父親節時,維多利亞不但上載了出全家合照,仲留言稱讚老公是「貨真價實的好爸爸」,令謠言不攻自破。而三兄弟亦先後貼出與爸爸的合照,大讚佢係「世界上最好的爸爸」。Harper就送上親筆生日卡,感謝爸爸成日有愛的抱抱,仲陪玩、陪做功課。

看過他們一家合照的人一定感受到呢個家庭是幾咁「有愛」。

碧咸細仔Cruz Beckham驚傳參加韓國男團徵選

前英國足球明星「萬人迷」大衛碧咸家族的一舉一動經常成為各界關注焦點,4個「星二代」子女的人氣分分鐘比父母還高,而且3個兒子都一身才華,簡直迷死萬千少女!大仔Brooklyn Beckham熱愛攝影,還舉辦了個人攝影展、出版攝影集等等,二仔Romeo Beckham年紀細細只有16歲便成為時尚界的新寵,他的穿搭吸金力不少,隨時成為潮流的指標;而最小的兒子Cruz Beckham更是天生一把靚聲而且彈得一手好吉他,只有14歲的他已經發行過聖誕單曲了!

一直被外界稱為「Justin Bieber接班人」的Cruz Beckham也有一個星夢,經常在IG po自己拿著吉他的照片,而且經常彈唱熱門歌曲,才華洋溢到爆!不過最近有傳出他去參加韓國徵選的消息,讓大家都震驚了!昨天在韓國論壇「Nate Pann」有人爆料Cruz Beckham去到韓國企劃公司參加海選,有傳已經成為了韓國10人男團「The Man」的演員練習生,有機會以韓國成員出道,消息已傳出立刻登上了韓國網站Naver實時間搜尋第一位!網友指:「老豆咁嘅級別都唔可以直接出道?」、「以後可以係韓國節目見到Cruz Beckham啦!」

消息愈傳愈大,不但是Twitter、韓美都開始關注這件事,令到主辦娛樂公司STARDIUM出面回應:「目前正在確認中大衛碧咸的三兒子是否參加了競選演員組合「The Man」的面試,這次的海選不只是韓國國內,連海外都有很多參加者,現時正在針對申請第一輪書面審查的外國人進行調查中」,到現在還是沒有正面回應,所以網上的討論依然非常沸騰!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
碧咸羅蘭