碧咸

碧咸拍廣告釀成關公災難? 網民:連羅蘭姐都冇眼睇

最新娛聞

廣告

早前澳門有一酒店重金禮聘「萬人迷」碧咸拍宣傳片,片中仲有林雪、羅蘭姐等港人喜愛嘅藝人,卡士強功,但拍到出嚟竟然大部分留言都一面倒係鬧鬧鬧!究竟發生咩事,連咸爺今次都GG呢?

原文:環球膠報|圖片:《就是這個味道》截圖

碧咸孖林雪羅蘭姐拍廣告

「萬人迷」碧咸早前去到澳門拍攝澳門威尼斯人的全新廣告,片中仲有林雪、羅蘭姐等港人喜愛嘅藝人,林雪早前表示:「以前睇波時已經覺得碧咸好有型,原來真人仲靚仔,又高大,仲高我好多,佢好nice,冇架子,仲攬住我影相。」

其實碧咸早喺今年四月去澳門拍呢個酒店廣告,其中羅蘭姐都有份參與,碧咸一定好享受喺澳門開工嘅日子,見佢係一個post度貼咗成十張相~

其中一張相見到碧咸雙手攬實羅蘭姐,羅蘭姐仲畀個直豎拇指畀佢㖭!羅蘭姐大讚碧咸:「我請佢同我合照同簽名,佢即刻話冇問題,佢好nice,完全冇架子﹗佢知我係香港演員,導演都知呀仲叫我扮龍婆㖭﹗」羅蘭姐又話今次係佢從影以來,第一次同外國人合作,第一次就遇上萬人迷,好難唔令人葡萄囉﹗

碧咸拍廣告釀成關公災難?

不過講到條廣告片先, 事情是咁的,今次澳門威尼斯人就請咗碧咸、林雪、羅蘭外,仲有四位國內藝人包括人氣女星柳岩、喬杉、楊迪同超級網紅草圖君,片名叫做《就是這個味道》,但一出街就就被人圍攻!

北京腔的士司機

段片講述碧咸多年前喺澳門食過一次好好味嘅葡撻,所以今次嚟就想搵返當年嗰種味道。佢一嘢就上咗的士,然後個講北京普通話嘅司機就話:「我地盤!」佢就帶碧咸四圍去搵當年嘅葡撻。

點解段片俾人鬧?就因為段片拍到全部澳門人都係講普通話,除咗林雪、羅蘭姐係講廣東話之外,連碧咸都用普通話:「不是那個味道」。

唔少人就話劇本、演出、剪接、配樂都唔OK,可能請太多大粒明星,所以後製冇晒錢!有人網民插佢「點解要講普通話?」「點解一個澳門人都冇」「澳門拍就講返廣東話啦」「國際級爛片!」,今舖真係GG了!

網民有話兒:

有片睇:

就是這個味道 (完整版) | That's The Taste (Full Version)

【就是這個味道】由澳門威尼斯人代言人碧咸領銜並集合中港影視紅人及國際拍攝團隊的《就是這個味道》正式發佈啦!令碧咸為之心動的沙莉葡撻已經在澳門巴黎人大堂熱賣中,快來嚐一下這個味道吧!【That's The Taste】Starring international superstar David Beckham and celebrities from Hong Kong and China, the long-awaited micro movie "That’s The Taste" is now released! Sally's egg tart which Beckham was craving for is now available at The Parisian Macao's main lobby! Come to have a taste!#澳門威尼斯人 #VenetianMacao #就是這個味道 #ThatsTheTaste #DavidBeckham

Posted by Venetian Macao 澳門威尼斯人 on Thursday, 19 July 2018

延伸閱讀:

點止要敲門? 10項不可觸犯的酒店禁忌

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!