簡淑兒

簡淑兒被飛出《聲夢傳奇2》評判之列 突然宣布離巢:唔想再活喺個框框入面

最新娛聞

廣告

入行十年曾是無綫力捧小花,現時32歲的簡淑兒,昨晚(20日)突然在社交網出po宣布回復自由身,仲話唔想活於框框入面,早前有報道指她要飛到馬來西亞為《聲夢傳奇2》擔任評判及表演嘉賓,簡淑兒更表示會在當地「食好西」,點知最後竟然冇份兼離巢,唔係當事人自爆都真係好難相信係事實。

簡淑兒 32歲的簡淑兒,突然宣布離巢無綫。
32歲的簡淑兒,突然宣布離巢無綫。(圖片來源:IG@kan_jessica)

簡淑兒離巢消息突然

現年32歲的簡淑兒,去年6月被踢爆與麥大力拍拖後,事業一直停滯不前,早前有傳麥大方將棄做幕前返回機師崗位,簡淑兒昨晚(20日)亦突然宣布離巢,她在社交網留言:「曾經有一份執着,好想喺度做到啲成績出嚟,去到有一刻,發覺自己唔想再活喺一個框框入面,慢慢咁失去自己的價值,之後仲有好長嘅路,我會繼續努力。」她在文中多謝公司合作過的導演同監製,多謝大家給她機會、鼓勵同肯定,並續寫:「多謝曾經美好過嘅回憶,最開心喺到認識好多好好嘅同事,跳出框框的勇氣,自由身,新開始吧。」

簡淑兒 簡淑兒話離巢係因為唔想再活喺個框框入面。
簡淑兒話離巢係因為唔想再活喺個框框入面。(圖片來源:IG@kan_jessica)
簡淑兒 簡淑兒向公司及合作過的人道謝。
簡淑兒向公司及合作過的人道謝。(圖片來源:IG@kan_jessica)

原本有份跟《聲夢傳奇2》出埠

簡淑兒曾是女子組合「少女標本」成員,早年憑《愛‧回家之開心速遞》的「年青版熊尚善」而為人認識,一度獲無綫力捧,參演過好多劇集演出,如《平安谷之詭谷傳說》、《踩過界II》、《C9特工》、《智能愛人》、《我家無難事》等,不過演技始終未被認同。原本簡淑兒要跟無綫大隊飛去馬來西亞為《聲夢傳奇2》擔任評判及表演嘉賓,組合出身的她事前更公開話好耐冇唱歌,出發前會練歌,又話有當地同事知她將到馬來西亞,準備帶她四圍去「食好西」,結果簡淑兒冇得隨大隊出發,仲突然宣布離巢無綫,真係耐人尋味。

簡淑兒 簡淑兒曾經在劇集濕身演出地!
簡淑兒曾經在劇集濕身演出地!(圖片來源:《平安谷之詭谷傳說》劇照)
簡淑兒 早前簡淑兒對外透露會做《聲夢傳奇2》的評判加嘉賓,最後卻未能成事。
早前簡淑兒對外透露會做《聲夢傳奇2》的評判加嘉賓,最後卻未能成事。(圖片來源:IG@kan_jessica)
簡淑兒 去年無綫熱播劇《智能愛人》中,除了女主角李佳芯飾演的機械人阿寶被讚神似外,有份演機械人的簡淑兒為了角色原來亦下了不少苦功。
去年無綫熱播劇《智能愛人》中,除了女主角李佳芯飾演的機械人阿寶被讚神似外,有份演機械人的簡淑兒為了角色原來亦下了不少苦功。(圖片來源:IG@kan_jessica)

簡淑兒自爆男友冇呷醋

為了令角色栩栩如生,簡淑兒不惜使出秘密武器,就連男友麥大力都要企埋一邊被冷落,她說:

「我夜晚會不停同『Siri』(語音助理)傾偈,因為想學佢嘅語調,講咗好多嘢畀佢聽,所以佢都知我好多嘢!同埋原來同佢傾美劇,佢係識!我諗我同『Siri』Friend啲,哈哈!男友又冇呷醋喎,依家我再冇同『Siri』傾偈喇!」

簡淑兒自從和麥大力蜜運後,有愛情滋潤下特別精神爽利,日前去行山更做出心心動作。
簡淑兒自從和麥大力蜜運後,有愛情滋潤下特別精神爽利,日前去行山更做出心心動作。(圖片來源:簡淑兒IG)
簡淑兒 麥大力
麥大力自爆對簡淑兒一見鍾情。(圖片來源:簡淑兒 IG)

麥大力入行後一擊即中

簡淑兒自爆因為同Siri溝通而冷落男友麥大力,不過翻查資料顯示,《智能愛人》於前年8月至今年1月期間進行拍攝,而簡淑兒與麥大力於去年6月才被揭發戀情,當時二人都指是剛萌芽,時間上好似有出入喎!照本刊記者推斷,前年12月參加《衝上雲霄大選》勝出入行的麥大力,分分鐘一加入無綫後已極速撻著簡淑兒,不過一直唔公開,至幾個月後被踢爆才認愛。

簡淑兒 麥大力去年12月參加《衝上雲霄大選》,以大熱姿態奪冠。
麥大力前年12月參加《衝上雲霄大選》,以大熱姿態奪冠。(圖片來源:麥大力IG)

對簡淑兒一見鍾情

港英混血兒麥大力由飛機師轉型做藝人,被踢爆與宅男女神簡淑兒合作拍無綫節目後一拍即合,火速成為戀人,二人事後亦大方認愛。麥大力早前在中環出席品牌活動,認愛後首度現身,對於戀事更有問必答。麥大力直認對簡淑兒是一見鍾情,二人拍拖個多月,仍在熱戀階段。對於最欣賞女方係乜?麥大力就話:「我好欣賞佢嘅生活態度,好健康、好有規律,定下目標唔會輕易放棄,呢方面同我好相似。」他又指二人好夾好多共同嗜好,大家都有潛水牌,不時會在「水底談情」,非常浪漫。

簡淑兒 麥大力
麥大力認愛後首度現身,早前在中環出席品牌活動對戀事有問必答。(圖片來源:麥大力 IG)
簡淑兒 麥大力
麥大力指同簡淑兒好夾好多共同嗜好,大家都有潛水牌,不時會在「水底談情」,非常浪漫。(圖片來源:麥大力 IG)
簡淑兒 麥大力
麥大力大讚女友:「欣賞佢嘅生活態度,好健康、好有規律,定下目標唔會輕易放棄。」(圖片來源:簡淑兒 IG)

簡淑兒被斷正當街纏綿

簡淑兒去年年初因拍攝myTV SUPER節目《Super Five》同前機師、參加《衝上雲霄大選》奪冠的麥大力首次合作,一撻即著,曾被斷正當街纏綿,女神正式封盤﹗簡淑兒有一雙腰果眼,甚得宅男歡心,雖然已32歲,但童顏臉加甜美笑容,迷到不少男粉絲﹗之前被爆與分手一年的圈外男友Marcus復合,但戀情原來已告落幕,不過女神唔寂寞,因為身邊已換上35歲的麥大力。

簡淑兒 麥大力
簡淑兒和麥大力因合作《SUPER FIVE》一拍即合,擦出愛火花﹗(圖片來源:簡淑兒IG)

合作《SUPER FIVE》撻著

簡淑兒和麥大力因合作myTV SUPER真人騷節目《SUPER FIVE》,一拍即合。早前簡淑兒和麥大力被斷正在西貢拍拖,在餐廳撐枱腳,並選中最僻靜位置談心,由五點坐到八點,離去時仍保持一定距離。但二人一行去暗黑位等𨋢,在四處無人時,麥大力立即從後攬實簡淑兒,戴住口罩都隔罩錫錫,sweet到爆,之後麥大力更升級雙手在簡淑兒腰間及胸前游走,簡淑兒一臉陶醉如連體嬰,熱戀中的男女份外癡纏﹗

簡淑兒 麥大力
麥大力和簡淑兒首次合作便一拍即合﹗(圖片來源:麥力力IG)

簡淑兒孖麥大力考潛水牌

簡淑兒和麥大力擦出愛火花,全因二人都熱愛運動,同樣支持健康飲食生活,啱傾又啱feel,一撻即著,簡淑兒和好姊妹陳婉衡一直孖住去學潛水,早前突然多出一個麥大力,最後更一起考獲潛水牌,興趣相若,話題自然多﹗

簡淑兒 麥力力
簡淑兒同麥大力一起學潛水一起去考牌,志趣相投﹗(圖片來源:麥大力IG)
簡淑兒 麥大力
(圖片來源:簡淑兒IG)

簡淑兒家族經營珠寶生意,家庭雄厚,麥大力都唔輸蝕,當飛機師時月薪超過二十萬,懂得投資,在海外有不少物業,在英國已有三棟物業,絕對配得上女神簡淑兒﹗

簡淑兒入行8年完美進化史

做幕前靠樣搵食,簡淑兒一早知道現實殘酷,12年參選港姐時眼細鼻扁顴骨大,被指生得一張大媽臉,相隔八年,明顯五官大變,現時擁一雙腰果眼、娃娃臉,再加甜美笑容,被網民大讚有仙氣,還可以駕馭學生妹角色,完全進化版跟初出道時比較面目全非。

簡淑兒 12年大媽樣選港姐
12年大媽樣選港姐(圖片來源:新傳媒圖庫)
簡淑兒 麥大力
入無綫做主持(圖片來源:簡淑兒微博)
簡淑兒 麥大力
現時擁有一雙腰果眼、娃娃臉,再加甜美笑容,被網民大讚有仙氣。(圖片來源:簡淑兒微博)

簡淑兒事業搏殺期唔諗感情事

現實生活中的簡淑兒家族經營珠寶生意,其父母早已把珠寶公司做得有聲有色,成立廿八年除了香港的零售業務及出口生意外,在國內亦自設工廠與辦事處,09年更在香港創建了珠寶品牌「 Dazzle」,近年全力由簡淑兒擔任代言人,成為珠寶店的御用生招牌。早前簡淑兒拍完《一笑渡凡間 》休息了一段時間,再連踩兩劇開拍《智能愛(AI)人》及《我家無難事》,不用開工的日子,她都會抽時間返珠寶店返工。

早前本刊拍得素顏簡淑兒身穿露腰背心加闊腳牛仔褲,步入紅磡一幢大廈,返回家族珠寶公司的總部。
早前本刊拍得素顏簡淑兒身穿露腰背心加闊腳牛仔褲,步入紅磡一幢大廈,返回家族珠寶公司的總部。

對於感情生活,簡淑兒公開表示前年中才跟前度男友Marcus復合,二人分手一年藕斷絲連,仍然念念不忘對方,所以決定再走在一起,她說:「是緣份吧,感覺這回事難以去解釋,既然真的很喜愛對方,想給大家一次機會。」雖然與男友已復合,但簡淑兒表明現階段是工作排第一,除了拍劇和返珠寶公司,她的私人生活好像只有健身做運動,男友對她來說比較像隨傳隨到的貼身司機,她曾表示藝人工作日夜顛倒,以前遲覆短訊會惹男友生疑,會學習互相體諒及磨合。

簡淑兒與男友分手一年,早幾個月成功復合。
簡淑兒與男友分手一年,去年成功復合。
離開公司上車後,男友忙講電話,簡淑兒全程木無表情,到達黃埔海逸豪園寓所,簡淑兒獨自先返家,二人全程甚少交流,不過臨落車都有goodbye kiss。
離開公司上車後,男友忙講電話,簡淑兒全程木無表情,到達黃埔海逸豪園寓所,簡淑兒獨自先返家,二人全程甚少交流,不過臨落車都有goodbye kiss。
簡淑兒多年來非常保護男友,甚至說過之前的經理人公司反對她拍拖。
簡淑兒多年來非常保護男友Marcus,甚至說過之前的經理人公司反對她拍拖。
男友年紀與簡淑兒相若,早前他送完簡淑兒,拎架車去觀塘維修,並與車行職員一齊煲煙。
男友年紀與簡淑兒相若,早前他送完簡淑兒,拎架車去觀塘維修,並與車行職員一齊煲煙。
簡淑兒有個隨傳隨到的男朋友,這日她一身運動服打扮由男友駕車送回寓所,一如以往她都是獨自上樓。
簡淑兒有個隨傳隨到的男朋友,這日她一身運動服打扮由男友駕車送回寓所,一如以往她都是獨自上樓。

簡淑兒因為男友而離巢?

早前有傳麥大方將棄做幕前返回機師崗位,簡淑兒亦突然宣布離巢,她在社交網留言表示「唔想再活喺一個框框入面」⋯⋯詳情請看

《聲夢傳奇2》評判原本有簡淑兒?

原本簡淑兒要跟無綫大隊飛去馬來西亞為《聲夢傳奇2》擔任評判及表演嘉賓,當時更有在社交網上分享⋯⋯詳情請看

關鍵詞
簡淑兒
撰文:東方新地圖片來源:IG@kan_jessica