花姐

絲打圍爐|花姐被迫在MIRROR+ERRROR十六子揀老公 自揭「追星」黑歷史

最新娛聞

廣告

由蝦頭(楊詩敏)主持的YouTube節目《絲打圍爐》最新一集邀請到花姐—MIRROR與ERROR的經理人擔任嘉賓!話題除了探討上個世紀的追星文化之外,花姐仲被迫從MIRROR及ERROR十六子當中揀選「老公」、「男朋友」以及「情夫」,難怪花姐都笑言感覺似亂倫。

花姐 不過今集就冇連詩雅,另外請咗娟姐做客席主持。
不過今集就冇連詩雅,另外請咗娟姐做客席主持。(圖片來源:《絲打圍爐》截圖)

花姐自揭追星黑歷史

MIRROR與ERROR受盡萬人所愛,是不少人的「追星」對象,每次出現都會導致場合擠得水泄不通。但作為與16子最親近的花姐卻坦言對16子已經沒有對男性的「幻想」,甚至直言即使他們在自己面前換衫亦不會有尷尬的感覺,與鏡粉的心態完全相反!但事實上,花姐其實都曾經有過一段「追星」經歷,仲自爆對張國榮、梁朝偉、金城武最有感覺「望到偉仔會怕醜」。但講到「追星」行為,花姐卻只有追過一位,被問到是那一位時,花姐亦表現得有點尷尬:「其實你而家問我鍾意黃凱芹啲咩,其實,我真係答唔到!」

花姐 唔係城武,唔係偉仔,係凱芹!
唔係城武,唔係偉仔,係凱芹!(圖片來源:《絲打圍爐》截圖)

花姐揀老公一定揀阿Dee!

而提到如何在MIRROR與ERROR當中揀選「老公」、「男朋友」以及「情夫」,花姐就表現得更加尷尬,因為她平時與16子的關係就似母子,笑言似亂倫:「你諗吓我下次見到AK,我揀咗你做我男朋友!」其實花姐都表明,自己對MIRROR已經沒有感覺,但單憑性格和行為去揀的話,一定會揀阿Dee 做老公:「老公我會揀阿Dee,因為阿Dee好識保護佢身邊嘅人,又識講笑話、又溫柔、個人又直,我好鍾意呢啲男仔,阿Dee一定係做老公。」至於男朋友方面,花姐就揀咗Lokman同AK:「佢兩個都係好識照顧人。但AK會突然畀你一啲浪漫,可惜佢而家鍾情於事業,佢話唔拍拖住,而且我係佢「阿媽」,惟有下一世。」同時她提示AK是一個不會講大話的男人,非常可靠!至於「情夫」,花姐反而對193最有興趣:「不過最大缺點佢高,帶佢出街好易畀人見到!」

花姐果然係對AK情有獨鍾!
花姐果然係對AK情有獨鍾!(圖片來源:《絲打圍爐》截圖)

花姐:姜濤最靚仔、阿Jer最醜樣

雖然花姐自認係「外貌協會成員」,但花姐自揭曾經因為揀阿Jer入MIRROR而被質疑,更直認阿Jer外表「衰」,留鬚又八字眉但最後亦「使橫手」留住阿Jer:「早在《造星》比賽第一輪綵排時已經覺得阿Jer唱歌好聽,無理由不入選下一回合,但當時卻被評判以五盞紅燈淘汰,見到阿Jer在後台痛哭覺得好心痛,因為知道見對方辭職來參賽追夢,決定『使橫手』在復活賽把救他回來。」而揀人入MIRROR時,花姐揀阿Jer亦受盡反對壓力,堅持留住她認為唱得阿Jer。至於姜濤呢?花姐笑言:「那時說ViuTV實在幸運,如果姜濤走在街上,一早就被別人簽下了,那時不敢說他一定會紅,但覺得他非常適合這行的工作。」

花姐 直認阿Jer「衰」。
直認阿Jer「衰」。(圖片來源:《絲打圍爐》截圖)

叫花姐喺16子入面揀情人,的確感覺有啲怪!
叫花姐喺16子入面揀情人,的確感覺有啲怪!(圖片來源:《絲打圍爐》截圖)

花姐最後揀了那位成員做老公?

花姐於節目中被逼揀一位Mirror/Error成員做老公,花姐直言對Mirror已經無感覺,但單憑性格和行為去揀的話…詳情請看

花姐為16子最親近的人,其實花姐曾經都追過星?

花姐曾幾何時都有過一段追星歷史,亦只有追過一位,而且提到時都感到相當尷尬,因為當時…詳情請看

撰文:東方新地圖片來源:《絲打圍爐》截圖、[email protected]、IG@mirror.weare