王寶強

老婆搭上經理人 內地男星王寶強慘戴綠帽

最新娛聞

廣告

近日內地爆出男星王寶強突然宣佈離婚,本來明星離婚好平常,加上王寶強晌香港冇乜人識,少人講都唔出奇。但其實呢單離婚內情非常曲折離奇,原來王寶強老婆馬蓉搭上王寶強個經理人宋喆,兩人有婚外情多年,搞到王寶強懷疑自己一對仔女唔係親生,要去做DNA測試;日前再有疑似馬蓉酒店偷情相流出,咁嘅劇情,真係奧斯卡編劇都未必寫到!

延伸閱讀:

疑似華姐淫片流出!

賺完學費即閃 陳法拉返美國讀多兩年

出身農村嘅王寶強生得唔高亦唔靚仔,不過多年來在電影圈努力拍戲,又接拍多個真人騷如《奔跑吧兄弟》,搏晒命搵錢養家!09年同大學生馬蓉結婚,11年生仔,13年細女出世,表面睇王寶強事業家庭都好美滿,但原來馬蓉背住老公偷搭王寶強經理人宋喆,大大頂綠帽送俾老公!

有傳馬蓉一直嫌疑老公生得又矮又醜,13年王寶強帶老婆去康城出席影展,當時王寶強公開跪地向老婆示愛,更當眾激咀,但有傳媒影到馬蓉個樣一臉嫌棄;年前兩公婆一齊錄影《爸爸去哪兒3》,王寶強喊住對住鏡頭表白,話希望同老婆白頭到老,但馬蓉竟然冇正面回應,只係話唔希望王寶強見到自己變老!

爆出離婚消息後,王寶強連發兩份聲明,直指老婆同自己經理人有婚外情,更決定打官司,除了要求平分兩人共同財產,非常愛錫一對仔女嘅王寶強亦要馬蓉負責贍養費,直到仔女18歲。近日有多個關於王寶強嘅傳言流出,有指王寶強要求同仔女進行DNA親子鑑定:而日前有多將疑似馬蓉出軌照流出,相中女子身處酒店房,上身半裸,有傳王寶強曾帶埋律師等人上門捉姦,未知呢輯相有冇關係。

王寶強多年來拍過無數電影,例如劉德華《天下無賊》、甄子丹《一個人的武林》等,王寶強亦同王祖藍、Angelababy一齊參加《跑男》第一季,同祖藍份屬好兄弟!王寶強現時身家唔少,會向法庭要求分割夫妻共同財產,包括9個物業、美國洛杉磯一層樓以及公司股份等,肯定有排計!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!