蔡少芬

蔡少芬盡顯婆媳相處極尷尬 最後靠一個人打破冷場!

最新娛聞

廣告

蔡少芬(Ada)和張晉結婚11年一直恩愛,是娛圈公認的模範夫婦之一。然而,Ada最近上內地真人騷《我最愛的女人們》時,Ada與奶奶之間的互動一度表現尷尬,不時出現dead air!最後,Ada點樣化解?

撰文:東方新地|圖片:影片截圖、微博

蔡少芬盡顯婆媳相處極尷尬

話說,蔡少芬上內地節目《我最愛的女人們》,點知一開波節目組就已經安排Ada解決世上其中最難處理嘅「婆媳關係」!雖然Ada起初都話自己一向同奶奶相處融洽,但一講到Ada一個人面對面奶奶時就似乎一切都有啲出入…

之後當Ada到達位於重慶嘅奶奶屋企時,竟然首先唔記得夫家係喺幾樓,結果要喺電梯先亂按21及27樓後,才想起是24樓,連按4次唔同樓層先成功搵到奶奶。

踏入家門後,Ada率先打開話題:「嘩!你們家買那麼多吃的!」,而奶奶聽到後只笑兩聲簡單回應:「對呀!」之後Ada問奶奶:「信兒沒來,你為何會買這個?」奶奶聽後未有講任何說話,只尷尬傻笑。

Ada更跌入話題終結嘅地步,故以喝茶遮醜,之後二人亦未有繼續對話,表現非常尷尬!

之後鏡頭一轉,Ada已入廚房打算幫奶奶手煮麵,點知二人無論於煮法及口味方面都唔太一致,結果又陷入另一場尷尬風暴!

煮麵期間,Ada嘗試幫奶奶執拾廚房,趁機逐個抽屜打開問奶奶有咩係唔要,更差點將其「珍藏」花椒面丟去,奶奶當然馬上阻止並指:「你別幫我丟掉,有很多很好的。」奶奶一啲都唔讓步,樣樣都話要,難怪Ada喺鏡頭前會尷尬到暈!

最後靠一個人打破冷場

不過,當張晉入屋後,成個氣氛都即時唔同,就連Ada都多咗嘢講!

最後,Ada問張晉如果佢同奶奶一齊跌落水,張晉會先救邊知先?張晉立即話:「你會游泳,我先救我媽!」雖然擺明心有不甘,但身為新抱嘅Ada喺鏡頭前唯有笑住話:「這你是對的!」

而喺節目預告片中,見到Ada同張晉結婚11年,仍然手拖手一齊睡,非常難得依然如昔溫馨。另一方面,喺節目出街後,Ada特別上載兩公婆嘅童年照,更留言:「我覺得。。。夫妻相是從小就有的!」,真係非常sweet爆!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!