袁詠儀劉青雲再合作 網友望再拍《新不了情》續集
廣告
1993年上映的港片《新不了情》是許多觀眾心中的經典，片中的男女主角劉青雲和袁詠儀，更是影迷心中的最佳螢幕情侶。如今事隔25年，這對螢幕情侶再度相遇，袁詠儀今日貼咗張同青雲嘅合照，唔少網民問二人係咪再拍《新不了情》續集⋯
撰文：東方新地｜圖片：袁詠儀@IG
袁詠儀 劉青雲再合作
影帝劉青雲同影后袁詠儀曾多次在大銀幕合作，觀眾印象最深莫過於93年二人主演的電影《新不了情》，今日靚靚在其IG貼相，留言：「拍戲對我来說是一種樂趣，雖然很久沒有拍夜班，而且還要唸一段冗長的對白，但我還是樂在其中；因為對手是久違了的劉青雲，一位自己很欣賞的對手。」見到呢個組合，網民紛紛問二人係咪再拍《新不了情》續集？
但其實二人係為麥兆輝執導的英皇電影《廉政風雲 煙幕》開工，今次佢哋由「情侶」變成敵對角力關係，扮演ICAC要員的青雲與貪污的海關關長靚靚「講數」，聽落都充滿戲味！而今次是兩人繼1996年《大三元》之後，相隔22年再度大銀幕合作，真係相當難得！
《新不了情》93年在香港上映，由導演爾冬陞執導，劉青雲飾演懷才不遇的樂手阿傑，碰上袁詠飾演的街頭藝人女兒阿敏，被她的熱情與活力感染，進而重拾對音樂的熱情與鬥志，但阿敏卻在不久後骨癌復發離世。呢部電影大受歡迎，成為九十年代最具代表性的港產片之一。
袁詠儀早前在微博留言「偶遇，型」，並上載兒子張慕童同劉青雲的合照。11歲的魔童身穿黑色短袖，背著後背包，身高已經快到青雲肩膀！
