談學生壓力大 分享減壓方法 麥明詩：「喊完就可以東山再起！」
廣告
早前一眾《誇世代》演員包括陳豪、李佳芯、龔嘉欣及麥明詩等人出席宣傳活動，向來關心時事的十優港姐麥明詩，談到近日香港有唔少學生因壓力太大而輕生的事件，佢表示自己讀書時、或是依家工作都會有壓力大的時候，睇睇佢有咩減壓方法分享俾大家！
麥明詩：「搵一啲叻嘅地方讚吓自己！」
麥明詩出名貼地又關心時事，對於近日學生因壓力大而輕生的事件佢亦有留意，麥明詩稱好明白喺香港讀書好大壓力， 自己讀書嗰陣一樣有壓力，甚至現時喺TVB工作的壓力更大，因為個個人都又叻又靚。麥明詩同時分享一啲減壓方法，佢經常都會搵一啲自己叻的地方讚吓自己，因為無人係完美的，但自己總會有一啲優點，從而令自己心態更正面 。
麥明詩：「喊完就可以東山再起！」
麥明詩透露自己壓力大時會搵屋企人同朋友開解，佢覺得香港人唔開心的時候會收收埋埋，因為怕被人覺得自己軟弱；麥明詩覺得接受自己的不足、好好抒發出來其實並唔係羞恥，反而可以重新上路。所以麥明詩無論讀書還是選港姐時都不時會喊，喊完就可以東山再起！
