陳山聰

陳山聰爆《逆緣》結局篇劇情 糖妹慘遭賈綽辣手摧花……

最新娛聞

廣告

由黎耀祥、陳家樂、夏文汐姜大衞、林夏薇、黎諾懿、江欣燕等主演嘅《逆緣》進入結局篇,劇情愈來愈緊湊,由陳山聰飾演的「賈綽」為了那大批黃金,不止禁錮孫仔「賈卓斌」,仲對愛恨分明嘅女朋友Macy蔡明詩(糖妹黃山怡飾)恨下毒手……好傷心啊!

撰文:東方新地 │圖片:《逆緣》預告截圖、TVB劇照、新傳媒圖片

陳山聰一人分演兩角

陳山聰一人分演兩個角色—孫仔「賈卓斌」及爺爺「賈綽」,冷凍人賈綽為了尋回及獨吞其在1945年日軍埋下的黃金,而把孫仔「賈卓斌」禁錮並假冒「賈卓斌」,其奸角反派形象已露出尾巴!

陳山聰話賈綽跟賈卓斌對戲的場面,真是把他考起,事關孫仔賈卓斌是警員,為人正直又大男人。但爺爺賈綽,細心得嚟係奸嘅,遇到這個角色正好考驗其演技!

糖妹失蹤

在較早前的劇情講述定國(陳家樂飾)幸運避過衝來的車,但芷蘭(韓馬利飾)不幸傷重不治,定國認定司機蓄意撞過來,當時已懷疑賈綽買通明哥做手腳,定國指賈綽是危險人物,提醒其女友明詩(黃山怡飾) 要加以提防。

而早在糖妹失蹤前,陳家樂憶述之前車禍發生,才驚覺想殺自己的人正是陳山聰,當日山聰仲搵貨車撞佢,搞到韓瑪利被車撞死,而林夏薇就受傷。家樂踢爆山聰惡行,二人爭吵及打起上來,陳山聰仲攞把鎗指住陳家樂個頭,而糖妹在家門外聽得一清二楚,對男友起了戒心,也因此而惹禍上身!

 

但話口未完,糖妹飾演的Macy已告失蹤。而在昨晚的《逆緣》預告,陳山聰一人拎住兩個大黑膠袋棄在公園引水道,劇情耐人尋人耐味!

那邊廂,定國(陳家樂)懷疑佢已被賈綽(陳山聰)殺害,佢同林夏薇一齊四圍去搵糖妹。

為了找出糖妹下落,林夏薇上糖妹屋企,點知見到陳山聰,佢話糖妹自稱有要事會離港一段時間,林夏薇唔相信仲入房找蛛絲馬跡,點知畀佢發現糖妹所有證件喺晒佢櫃內,就知陳山聰講大話!此時陳山聰撞破,林夏薇會唔會有危險?

爆《逆緣》結局篇劇情

正因賈綽呢個角色心恨手辣,對個孫賈卓斌尚且唔留情,何況女朋友蔡明詩Macy!陳山聰早前出席《逆緣》宣傳活動時大爆劇情:「最後阿爺都係為咗利益,為咗批金而衝昏咗頭腦,需要心狠手辣對待糖妹。」

問到拍該場戲有冇對糖妹好兇狠定有留手?山聰笑言當日都拍咗好多個take,而佢都有留手,糖妹都要佢就位!山聰仲話:「場戲都花咗好多時間去研究點樣打得出狼死嘅感覺,始終賈綽係個做嘢去得好盡嘅角色,所以嗰場戲我最後都糟蹋得糖妹幾勁㗎!」大家即管睇吓山聰點將糖妹辣手摧花⋯

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!