過時過節

過時過節|Anson Lo 角色海報撞樣狄易達? 爆笑留言近千網民讚好

最新娛聞

廣告

毛舜筠再度有咗第二個?今次「毛姐」毛舜筠夥謝君豪、呂爵安(Edan@MIRROR)、盧瀚霆Anson Lo@MIRROR)及馮素波主演的電影《過時·過節》,將於11月24日上映,電影公司近日釋出全新預告及6張角色海報,當中Anson Lo的角色造型,竟然惹起網民熱烈討論!

《過時過節》Anson Lo角色海報被指撞樣狄易達

電影《過時·過節》的6張角色海報中,以Anson Lo的角色造型最受網民關注,有近千個網民都認同指其海報中的樣貌勁似狄易達,亦有網民指似Dee哥(何啟華)和Alton(王智德),以及同戲演出的馮素波。有網民就認為這張海報特登放大了Anson Lo臉上的缺點,好大整蠱,有網民就認為Anson Lo在這部戲只是客串演出,所以才會特登化個和他平時不一樣的妝,以免喧賓奪主。

過時過節 Anson Lo海報被網民指撞樣狄易達
Anson Lo海報被網民指撞樣狄易達(圖片來源:官方提供)
過時過節 狄易達早已被網民發現同Anson Lo撞樣,早前他在無綫節目喊住講入行故事。
狄易達早已被網民發現同Anson Lo撞樣,早前他在無綫節目喊住講入行故事。(圖片來源:TVB截圖)

網民爆笑留言獲近千讚好:

過時過節
(圖片來源:網民留言截圖)
過時過節 好耐冇見嘅狄易達,依家係咁嘅樣。
好耐冇見嘅狄易達,依家係咁嘅樣。(圖片來源:IG@di2da)
過時過節 仲有呢個係Dee哥。
仲有呢個係Dee哥。(圖片來源:IG@deegor_hkwa)

《膠戰》阿正自爆右邊面激似Hillary前度狄易達

在最後一集《膠戰S2》尾段,6膠大玩「膠人之最」Q&A環節,阿正曾自爆自己被指與狄易達撞樣:「Hillary第一次見就話我好有親切感,佢話我似一個男明星﹗」岑珈其大叫:「畀個側面人睇啦﹗」然後又扮跳舞﹗Hillary笑到心花怒放﹗

過時過節 阿正爆料﹗
阿正爆料﹗(圖片來源:《膠戰S2》截圖)
過時過節 Hilary 狄易達 阿正
在膠戰S2最後一集,阿正大爆與Hillary初相識時,Hillary表示她的樣子跟其某個朋友右邊面「好相似」。(圖片來源:東方新地)
過時過節 過時·過節 Anson Lo同馮素波一向被指撞樣,有網民將兩人的相片拼埋一齊,發現五官及神態都非常相似,難怪被指是失散母子!
仲有年輕時的馮素波,亦一向被指同Anson Lo撞樣,有網民將兩人的相片拼埋一齊,發現五官及神態都非常相似,難怪被指是失散母子!(圖片來源:新傳媒資料庫)

毛姐情緒大爆發鬧謝君豪

說回電影內容,預告中毛舜筠展現多向演技,一面是疼錫子女的好媽媽,另一面卻是神情悲戚的妻子,預告一開首毛姐已經情緒大爆發,對飾演老公的謝君豪悲痛呐喊「呢個世界永遠都係得你自己一個,你望唔到其他人㗎!」讓影迷引頸以待這對夫妻的關係將如何發展。

過時過節 過時·過節
(圖片來源:官方提供)

毛姐開Live: 「係一份愛不釋手的劇本」

毛姐早前同導演連線的IG Live難得開口:「我真係好鍾意呢部戲」而且仲係佢愛不釋手的一個劇本:「起初收到劇本時候,已經好喜歡裡面所講嘅嘢,家人之間嘅關係,都好似同我哋每一個人有關。呢部電影入面,爸爸媽媽同仔女之間係好真實,好似發生喺我哋身邊好真實嘅事咁。我相信大家睇完會好有共鳴。」

過時過節
(圖片來源:官方提供)

毛姐:大家會見到不一樣嘅Edan

私下溫柔的毛姐,在戲中卻經常對謝君豪發脾氣,長期維持緊張關係。毛姐表示,「電影入面每場同謝君豪兩夫妻嘅戲,都展現到好多夫妻之間相處嘅困難,好似我想釋放心入面嘅情緒,但係對方無論如何都係沉醉喺自己嘅世界入面,唔善於回應同交流。劇本每一場都寫得好真實細緻,會見到我地雙方嘅情緒轉變。而一班新生代演員,好似兩個女仔談善言、袁澧林簡直係好勁,大家會見到不一樣嘅Edan,而Anson嘅表現亦都相當之好!」

謝君豪則表示:「故事入面,喺個仔Edan離家出走之後,我同毛姐兩夫妻嘅角色各自承受住內心嘅悲痛,冇辦法面對亦冇辦法跨越,所以長期都係停滯不前嘅狀態,導致大家漸行漸遠。導演俾好多空間我哋去表現角色微細嘅情緒變化,而呢個屋企入面人與人之間嘅關係都會互相帶動同影響,令角色充滿真實感。」

過時過節
(圖片來源:官方提供)

Edan同袁澧林齊齊學嘢偷師

而飾演兒子阿陽的呂爵安亦需要應付不少情緒稍重的戲份,他透露事前也有請教毛姐和豪哥:「參演呢部電影好開心好難得,前輩們都好無私教咗我好多野,袋咗好多錢落我袋,好似毛姐會提點我拍攝嘅時候,要投入角色當下嘅狀態,唔好諗住咁多野,要捉住嗰刻嘅情緒。而豪哥私下好玩得好挑皮,會成日同我講笑之餘,提醒我嘗試放慢節奏,令我感覺更加穩定,可以順住佢嘅步伐去演。」

飾演家中長女的談善言則笑言拍攝此片有不少偷師機會:「我同袁澧林特別喜歡睇毛姐同豪哥嘅對戲,即使冇我哋嘅戲份,我哋都會一齊去拍攝現場從旁欣賞,親身感受兩位前輩點樣從容去處理情緒咁重嘅場面。」袁澧林同盧瀚霆的角色,喺角色海報上面帶笑容,二人對故事推進亦具有重要的影響力,開啟了眾人之間的連繫,勢必引發觀眾的懸念與期待。

過時過節
(圖片來源:官方提供)

故事簡介:

《過時·過節》講述八年前一場「混亂冬至飯局」發生後,串連出事件之中各個家庭成員,從不同的角度引發出的矛盾,而家中眾人為一頓齊齊整整的冬至飯傷盡腦筋。

過時過節
(圖片來源:官方提供)
過時過節
(圖片來源:官方提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部分內容轉載自New Monday)圖片來源:《過時·過節》劇照及海報、IG@di2da、IG@deegor_hkwa、《膠戰S2》截圖