郭柏妍

郭柏妍「魔音」有救 林敏驄重製好聽版 誓學唱歌一雪前恥

最新娛聞

廣告

日前《歡樂滿東華》出了一個令唔少網民都形容為「魔音」的郭柏妍,因為與林敏驄等人合唱《下流上車族》主題曲《一家人》,郭柏妍一鳴驚人,不過好彩有劇中阿爸林敏驄照住,為她重製「終極好聽balance版」,甚至寫新歌畀郭柏妍 。郭柏妍唔介意被冠以「魔音」之名,接受訪問時笑言好開心大家留意到佢,仲阿Q精神話好多謝林敏驄幫佢整咗個好聽版,決心要跟林敏驄學唱歌,希望做對方的演唱會嘉賓一雪前恥。

郭柏妍 有睇《歡樂滿皮華》的網民,對呢一幕應該非常之難忘。
有睇《歡樂滿皮華》的網民,對呢一幕應該非常之難忘。(圖片來源:《歡樂滿東華》影片截圖)
郭柏妍 郭柏妍表示唔驚自己唱得差,最驚係影響到同台的其他表演唱。
郭柏妍表示唔驚自己唱得差,最驚係影響到同台的其他表演唱。(圖片來源:《歡樂滿東華》影片截圖)

郭柏妍回應被封「魔音」

日前舉行的《歡樂滿東華》是郭柏妍入行後首次在大型節目中現場演歌,對於一開聲就爆咪被封「魔音」,郭柏妍日前接受無綫娛樂新聞台訪問時表示唔介意,她說:「我有聽返,其實係有少少魔音嘅,我覺得好開心,因為大家留意到我,《歡樂滿東華》嘛,緊係要帶啲歡樂畀大家啦!第一次唱live係一個嶄新嘅體驗,綵排時我都未開聲,點知食完辣辣壽司令到自己開咗聲,食完好快就獻唱,一開聲唱咁一聲嘅,真係唔好意思,好唔好聽唔緊要,最緊要唔好影響到其他人,佢哋真係行走嘅CD,係我耽誤咗佢哋,令大家耳朵流產了!」

郭柏妍 郭柏妍接受娛樂新聞台訪問時承認自己有少少魔音。
郭柏妍接受娛樂新聞台訪問時承認自己有少少魔音。(圖片來源:無綫娛樂新聞台影片截圖)
郭柏妍 郭柏妍表示當日綵排時未開聲,所以未見出事。
郭柏妍表示當日綵排時未開聲,所以未見出事。(圖片來源:IG@rositakpyy)

林敏驄出手拯救郭柏妍

一鳴驚人的郭柏妍初次啼聲即成為熱話,該合唱片段更被熱播,而林敏驄事後就後製咗一個「終極好聽Balance版」放上社交網,幫愛女芊芊(郭柏妍)洗白返個污名,最好笑是有網民聽完新版問林敏驄與舊版有甚麼分別,林敏驄笑言只是整細聲咗,不少網民都撐郭柏妍不是歌星,即使唱得唔好亦冇所謂,看來她甚有觀眾緣。

郭柏妍 林敏驄在社交網上載了一個好聽版。
林敏驄在社交網上載了一個好聽版。(圖片來源:Facebook@林敏驄)
郭柏妍
(圖片來源:Facebook@林敏驄)
郭柏妍
(圖片來源:Facebook@林敏驄)

郭柏妍爆林敏驄應承送新歌

郭柏妍的阿Q精神令網民加分,為此她更決心學唱歌擺脫「魔音」之名:「我決定學唱歌,進行『魔音改造計劃』,驄哥話會幫我作首新歌叫《魔性大發》,多謝佢幫我整咗個十級好聽版,仲話教我唱歌……我好期待,以佢嘅才華作歌應該一晚都起貨,嚟緊佢仲話有演唱會,我密謀喺佢個唱度一雪前恥。」呢個咁高難度嘅「魔音改造計劃」,林敏驄真係搞得掂?

郭柏妍 林敏驄仲話要作首歌畀郭柏妍,連名都叫《魔性大發》,又話要教佢唱歌,郭柏妍開心表示今次焉知非福,仲話嚟緊在林敏驄的演唱會,希望有機會可以上台一雪前恥。
林敏驄仲話要作首歌畀郭柏妍,連名都叫《魔性大發》,又話要教佢唱歌,郭柏妍開心表示今次焉知非福,仲話嚟緊在林敏驄的演唱會,希望有機會可以上台一雪前恥。(圖片來源:無綫娛樂新聞台影片截圖)
郭柏妍
(圖片來源:Facebook@林敏驄)
郭柏妍
(圖片來源:Facebook@林敏驄)
郭柏妍
(圖片來源:Facebook@林敏驄)

郭柏妍 郭柏妍唔止成為新一代力捧花旦,仲有音樂鬼才林敏驄照住,真係行運一條龍。
郭柏妍唔止成為新一代力捧花旦,仲有音樂鬼才林敏驄照住,真係行運一條龍。(圖片來源:IG@rositakpp)

林敏驄的小朋友對於父母離婚有什麼行動?

在父母離異後,跟隨母親陳伶俐生活的他,曾經主動鼓勵母親主動去…詳見:林敏驄大仔遺傳爸爸好基因

陳伶俐改嫁新加坡富豪後,居山頂億半豪宅?

陳伶俐婚後搬入夫家位於山頂富豪級地段的布力徑獨立屋,屋內面積達三千呎、全海景花園超過千呎,以市值計算,物業價值超過億半。點擊即睇:豪宅室內圖

撰文:東方新地圖片來源:IG@rositakpyy、Facebook@林敏驄、《歡樂滿東華》影片截圖,無綫娛樂新聞台影片截圖