鄭俊弘升呢六億附馬何雁詩笑晒回應：我剩係知自己今年蝕咗好多錢

鄭俊弘何雁詩被心儀之婚禮場地坐地起價

鄭俊弘和何雁詩這對相戀以來新聞多多，二人都攜手衝破，現在修成正果，去年尾宣布訂婚，可惜好事多磨，本計劃在外地擺酒大搞，奈何疫情下有隔離令親朋難以配合，二人逐改為在港宴客，不過又遇上限聚令，現只能低調進行。早前鄭俊弘到何家過大禮，甚為大陣仗，之後著手搵婚禮場地，原本屬意在一所歐陸式餐廳舉行婚禮，但餐廳一直採取拖字訣遲遲不肯報價，到最後限期才回覆，更獅子開大口，令倆小口嬲爆之餘再臨時另覓場地，據知，最後在相熟公關幫助下終落實在沙田某酒店的戶外園林草地行禮，而晚宴照舊於該歐陸式餐廳舉行。

鄭俊弘準新郎錫準新娘額頭，不過硬甫士晒巨鑽戒更搶眼。 — 準新郎錫準新娘額頭，不過硬甫士晒巨鑽戒更搶眼。

鄭俊弘梗係要晒！皆因婚禮無論攝影、花類、禮服、鑽飾婚戒以至愛犬都有贊助，為何雁詩爸爸慳唔少！ — 梗係要晒！皆因婚禮無論攝影、花類、禮服、鑽飾婚戒以至愛犬都有贊助，為何雁詩爸爸慳唔少！

鄭俊弘升呢六億駙馬何雁詩自爆蝕好多錢

對於有指鄭俊弘升呢成「六億駙馬」，何雁詩接受訪問時口窒窒笑住回應：「都係啱啱朋友sent俾我睇(相關報道)，六億咩真定假呀哈哈哈…」突然又一本正經謂：「唔知呢，屋企人財政狀況我一於冇理嘅，我剩係知我今年自己蝕好多錢啫，我爸有幾多錢我就唔知。」然後帶記者遊花園表示希望搞個得體的婚禮，而婚禮大部份事項都由她和鄭俊弘處理的，暗指婚禮財政上有支出，不過何雁詩強調因為何父剛巧70歲大壽，所以會順道慶祝。

鄭俊弘早前過大禮，何雁詩承認在婚禮上，爸爸都有出錢協助。 — 早前過大禮，何雁詩承認在婚禮上，爸爸都有出錢協助。

鄭俊弘不過最重要一家開開心心，過大禮大日子，姊妹團陳瀅、蔡思貝和賴慰玲等都陪到實。 — 不過最重要一家開開心心，過大禮大日子，姊妹團陳瀅、蔡思貝和賴慰玲等都陪到實。

何雁詩錫住鄭俊弘玩死兄弟團

準人妻何雁詩出po話呢公私兩忙，所謂吊頸都抖吓氣，所以相約友人去暢泳玩水，不但水著示人仲同男友人坐池邊邊飲邊吹水，真係歎﹗何雁詩話呢排既要籌備11月婚事，又忙於為新歌宣傳，加上即將到廿八歲的生日大日子，三喜臨門，所以何雁詩話雖然好忙但忙得好開心﹗早前何雁詩咁歎原來都係為了未來老公鄭俊弘，而坐在旁邊的男友人原來是姊妹團之一，大家正商討在結婚之日的玩新郎遊戲，何雁詩仲話要玩到班男仔「攤攤腰」，不過有友人留言指條腰對男人好重要，整親條腰會浪費了洞房花燭夜，何雁詩九秒九改口要錫住未來老公，表示只係玩死班兄弟團喎，繼續閃盲大家對眼。