鄭欣宜

鄭欣宜演唱會｜Do姐做嘉賓被問TVB同ViuTV二選一神回答獲網民大讚急才勁！

Mar 17 2023

廣告

歌手鄭欣宜昨晚（16日）在紅館舉行一連三場的演唱會，頭場更邀請到鄭裕玲（Do姐）擔任特別嘉賓。雖然Do姐並沒有獻唱，但就同欣宜玩「大問答」互揭秘密。期間，欣宜更大膽要求Do姐於TVB同ViuTV中二選一，Do姐的神回答獲網民大讚急才夠勁！

Do姐歌手鄭欣宜近日在紅館舉行一連三場的演唱會，頭場邀請到鄭裕玲Do姐）擔任特別嘉賓 — 歌手鄭欣宜近日在紅館舉行一連三場的演唱會，頭場邀請到鄭裕玲（Do姐）擔任特別嘉賓。（圖片來源：大會提供）

鄭欣宜 Do姐擔任嘉賓的鄭裕玲Do姐雖然冇唱歌，但上台講足10分鐘，睇到觀眾都非常過癮！ — 擔任嘉賓的鄭裕玲Do姐雖然冇唱歌，但上台講足10分鐘，睇到觀眾都非常過癮！（圖片來源：大會提供）

Do姐做欣宜演唱會特別嘉賓被要求於TVB同ViuTV中二選一

鄭欣宜今次一連三場的紅館演唱會，邀請到鄭裕玲（Do姐）擔任特別嘉賓，兩人在台上玩「大問答」互揭秘密。欣宜一嚟就問Do姐揀電視台定電台，Do姐表示兩樣都要。欣宜就再追問邊樣賺錢更多？Do姐就回覆道：「依家本人做嘢係為興趣，最緊要我開心！」當欣宜再追問「TVB定ViuTV？」時，轉數快嘅Do姐就話「梗係『開電視』啦！我就嚟要拍旅遊節目！」，即刻贏得全場掌聲！

鄭欣宜 Do姐兩人在台上大玩「大問答」，欣宜問Do姐「TVB定ViuTV？」時，Do姐轉數極快咁話：「梗係『開電視』啦」，瞬間贏得全場掌聲！ — 兩人在台上大玩「大問答」，欣宜問Do姐「TVB定ViuTV？」時，Do姐轉數極快咁話：「梗係『開電視』啦」，瞬間贏得全場掌聲！（圖片來源：大會提供）

被問救Jackson定姜濤 Do姐：最近多咗個任時完

講完工作，兩人就開始講感情問題。欣宜問Do姐：「如果得個一水泡，你救Jackson Wang定姜B？」Do姐就話：「最近多咗個任時完，不過佢哋識游水，唔使我擔心。」當被欣宜問到點解IG唔Follow自己時，Do姐就簡單以「時機未成熟」而帶過問題，場面非常搞笑！

鄭欣宜 Do姐 Do姐一直出名對姜濤情有獨鐘，之前有一段時間IG上都只有關注姜濤和Jackson王嘉爾。 — Do姐一直出名對姜濤情有獨鐘，之前有一段時間IG上都只有關注姜濤和Jackson王嘉爾。（圖片來源：IG@do_do_cheng）

鄭欣宜 Do姐最近任時完到香港出席「亞洲電影大獎」時，得到Do姐青睞，成為Do姐IG第三個關注嘅人。 — 最近任時完到香港出席「亞洲電影大獎」時，得到Do姐青睞，成為Do姐IG第三個關注嘅人。（圖片來源：IG@do_do_cheng）

Do姐感性大讚欣宜叻女：肥姐大肚嘅時候，我已經知道你嘅存在

此外，Do姐一登場好感性咁話欣宜在肥姐沈殿霞的肚裡面已經認識欣宜，一路睇住對方長大，一直都覺欣宜好叻女：「憑良心講，欣宜無嘢唔好，睇佢長大，佢好尊重自己嘅體態，佢做返自己，我好開心。佢對於鍾意嘅事，即係唱歌演出，會付出100% ，叻女到喺紅館開演唱會我引以為傲。」

鄭欣宜 Do姐 Do姐在台上大讚欣宜叻女 — Do姐在台上大讚欣宜叻女（圖片來源：大會提供）

鄭欣宜 Do姐一登場又感性咁話欣宜在肥姐沈殿霞的肚裡面已經認識欣宜，一路睇住對方長大。 — 一登場又感性咁話欣宜在肥姐沈殿霞的肚裡面已經認識欣宜，一路睇住對方長大。（圖片來源：大會提供）

將來還有什麼演唱會值得留意？

有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

週末可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點，絕對是假日消遣的必然之選！

關鍵詞

鄭裕玲 do姐鄭欣宜

撰文：東方新地圖片來源：大會提供、IG@do_do_cheng