鄺潔楹曾慘被好友撬牆腳 前度嫌佢個胸唔夠大！
廣告
憑《3日2夜》獲封「仙氣女神」的鄺潔楹（Judy）日前接受商台節目《公子會》訪問時，指曾被第三者搶男友，而該第三者更加係自己的好朋友！當以為咁樣已經夠hurt之時，前男友竟然再補多腳，直指鄺潔楹身材唔夠對方好，個胸亦唔夠人大，因而狠飛Judy，呢段分手宣言真係令女神傷上加傷！不過相信依家呢刻，大家都知佢個口賤前度走寶啦！
撰文：東方新地
圖片：《3日2夜》 截圖、《公子會》截圖、鄺潔楹 Facebook
鄺潔楹《3日2夜》 浸溫泉
近年來，深受歡迎的無綫節目《3日2夜》成功捧出多位女藝人，而獲封「仙氣女神」嘅鄺潔楹（Judy）就係其中一個啦。鄺潔楹多次以比堅尼上陣浸溫泉，加埋甜美笑容同可愛酒窩，𠴱幾幕真係令人一看難忘啊！
鄺潔楹被撬牆腳 原因係⋯
鄺潔楹日前接受商台節目《公子會》訪問時，自爆曾被撬牆腳，第三者更加係當時最好的朋友，都咪話唔hurt啊！Judy指幾年後再遇上賤格前度，問番當年分手原因時，賤格前度竟然話因為Judy身材唔夠好，個胸唔夠第三者大，所以唔揀Judy喎！
鄺潔楹：當時未發育
嘩！真係聽到都嬲啊！主持森美、劉翁同火火睇到第三者張相後，一致認為Judy正好多！Judy笑稱可能當時未發育，係囉，唯有咁樣安慰自己啦！唔知個賤格前度依家有冇睇《3日2夜》呢？睇到Judy發育完成之後，唔知賤格前度有冇揼心口呢？！
鄺潔楹有可愛臉孔加上細細粒身形，副Body又幾有睇頭，健康性感真係好吸引！人又靚又身材好，Judy完全係極度「girlfriendable」囉！賤格前度後悔莫及啊真係！呵呵～
延伸閱讀：
簡淑兒愈大愈靚 六年進化史重溫
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
