金宵大廈2

《金宵大廈2》全新造型曝光 陳山聰李施嬅劇透

最新娛聞

廣告

上年無綫套《金宵大廈》叫好叫座,原班人馬開拍《金宵大廈2》,繼續大sell懸疑愛情穿越元素,靈魂人物陳山聰同李施嬅日前終於開工拍外景,《金宵大廈2》全新角色與造型曝光,大家最關注嘅「阿蕭」同「Alex」會唔會再出現呢?《金宵大廈2》新故事同上一集有冇關係呢?等兩位主角劇透吓先!

撰文:東方新地 圖片:無綫影片截圖及李施嬅IG

《金宵大廈2》故事主幹好唔同

《金宵大廈2》終於開拍,呢日兩位主角陳山聰同李施嬅一齊喺咖啡店取景時自拍合照,演員之一嘅張彥博仲亂入搶鏡。
《金宵大廈2》終於開拍,呢日兩位主角陳山聰同李施嬅一齊喺咖啡店取景時自拍合照,演員之一嘅張彥博仲亂入搶鏡。

《金宵大廈2》除咗有舊大廈故事骨幹,陳山聰同李施嬅嘅故事仲會發生喺一間咖啡店入面,陳山聰會飾演咖啡師,日前喺咖啡店開工,目測兩位主角嘅造型都同上集好唔同。

《金宵大廈2》雖然係《金宵大廈》續集,但根據兩位主角陳山聰同李施嬅所講,角色係全新嘅,大家拭目以待。
《金宵大廈2》雖然係《金宵大廈》續集,但根據兩位主角陳山聰同李施嬅所講,角色係全新嘅,大家拭目以待。

李施嬅爆有少少連繫

對於《金宵大廈2》內嘅新角色同故事,李施嬅接受無綫娛樂新聞台訪問時就話:「同第一輯又唔係完全冇connection嘅!有少少嘢嘅!有好多嘢我好想講,但又完全唔講得!但我哋兩個嘅角色係全新嘅,所以會諗到頭都爆埋,哎呀我又唔講得喇!」

陳山聰喺《金宵大廈2》變身咖啡師,劇組專誠搵了一間別緻嘅咖啡店實地拍攝。
陳山聰喺《金宵大廈2》變身咖啡師,劇組專誠搵了一間別緻嘅咖啡店實地拍攝。

為《金宵大廈2》狂練沖咖啡

陳山聰就補充:「今次我哋無論喺造型同角色設定上,監製、編審同我哋都𢱑爆頭,好多嘢都商討得好好,傷好多腦筋。」至於喺《金宵大廈2》飾演咖啡師,陳山聰已經喺屋企狂練習,仲話好友袁偉豪送咗一部工業用嘅咖啡機畀佢日日操,不過李施嬅就話唔敢試佢啲咖啡,因為佢成日都加酒入咖啡。

為演好咖啡師角色,陳山聰喺屋企日日苦練。
為演好咖啡師角色,陳山聰喺屋企日日苦練。
陳山聰仲話受好友袁偉豪影響開始對咖啡有研究,對方更送咗部咖啡機畀佢。
陳山聰仲話受好友袁偉豪影響開始對咖啡有研究,對方更送咗部咖啡機畀佢。
李施嬅同陳山聰一齊接受無綫娛樂新聞台訪問,只肯劇透少少。
李施嬅同陳山聰一齊接受無綫娛樂新聞台訪問,只肯劇透少少。
《金宵大廈2》嘅劇情同上一輯有少少連繫,兩位主角講啲唔講啲,李施嬅差啲忍唔住爆響口。
《金宵大廈2》嘅劇情同上一輯有少少連繫,兩位主角講啲唔講啲,李施嬅差啲忍唔住爆響口。

《金宵大廈2》親熱戲替身代勞

故事情節唔可以劇透咁多,不過李施嬅日前就透露《金宵大廈2》十個單元故事全部都好特別,其中飾演嘅現代角色,同陳山聰有好多激情親熱戲,笑言多到麻木,幸好上一輯已熱身同有晒默契,上次李施嬅有場露背戲要替身拍攝,因監製知佢怕醜,今次大量床戲親熱戲,李施嬅都會由替身代勞。相反操肌操到好大隻嘅陳山聰就比佢專業,再加上冇男替身嘅身形比佢靚,所以佢會親自上陣。

《金宵大廈2》新加入小鮮肉丁子朗,飾演咖啡店外賣仔。
《金宵大廈2》新加入小鮮肉丁子朗,飾演咖啡店外賣仔。
丁子朗話第一日開工拍《金宵大廈2》竟然係拍自己最後一場戲,跳過晒所有中間嘅情緒同故事發展,好特別!
丁子朗話第一日開工拍《金宵大廈2》竟然係拍自己最後一場戲,跳過晒所有中間嘅情緒同故事發展,好特別!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!