關嘉敏拍墮樓戲連累蔡思貝意外受傷 何廣沛衰多口被兩女夾勁尷尬

蔡思貝新劇雙雙墮樓 擦傷手臂

早前蔡思貝與關嘉敏、何廣沛一同為TVB新劇《你好，我的大夫》拍攝跳樓場面。該場戲講述關嘉敏企跳，衝上前救人的蔡思貝因為捉實唔放關嘉敏，所以雙雙墮樓！為了拍攝此場面，蔡思貝更加唔小心擦傷手。

當何廣沛在訪問中提到蔡思貝擦傷後要人氹的時候，蔡思貝便馬上裝可愛地表示自己弄傷了手臂，因為甩咗層皮所以好痛。何廣沛在一旁亦忍不住調侃蔡思貝，表示傷勢並不嚴重：「如果唔Zoom In都睇唔到啊！」

關嘉敏拍劇拍到腿軟

在訪問時，當關嘉敏被問到拍跳樓戲感想的時候，關嘉敏表示雖然有威吔，但初初站上天台邊的時候，依然十分緊張，嚇到腳震！

張振朗路過爆笑：「好似睇緊歡樂滿東華」

雖然拍攝初期驚險萬象，但到後期關嘉敏和蔡思貝在氣墊上面玩得非常開心。兩人不但不停在氣墊上跳來跳去，而且不停自拍！玩得如此開心的她們亦吸引到路過的張振朗和李日朗圍觀。張振朗邊笑邊表示：「好好睇啊，好似睇緊《歡樂滿東華》咁啊！但係籌唔到錢，因為蔡思貝！」

何廣沛夾喺兩女中間 反露尷尬神情？

此外，當何廣沛接受訪問的時候，亦發生了尷尬事件！事源蔡思貝在訪問中表示自己經過玩跳彈床之後，與關嘉敏的感情變得更加親密。當蔡思貝與關嘉敏熱情雙擁的時候，無視了何廣沛夾在中間的手臂，令何廣沛馬上露出尷尬神情！

即睇跳樓戲精彩花絮：

即睇新劇《你好，我的大夫》拍攝花絮