阮兒

被爆拍拖買大床 阮兒認愛 中秋仲會帶衛志豪去⋯

最新娛聞

廣告

31歲的大台新咪神阮兒,早年憑《愛.回家》彈起,之後又不時在節目中大騷35C身材索爆身材,近年屢傳與「譚詠麟愛將」衛志豪(Michael)撻着,不過兩人一直未有承認,但日前二人再被影到拖手買大床,昨日阮兒出席公開活動直認二人拍拖,仲話中秋節會帶男友去見家長,佢又認同男友形象花弗,叫傳媒幫手𥄫實男友!

撰文:東方新地 |圖片:阮兒IG、新傳媒圖片

衛志豪拍《同盟》撻著阮兒

一個係有線過檔娛樂主持、一個係06年落選港姐,本來大纜都扯唔埋,多得余詠珊出手幫愛將一把,衛志豪拍《同盟》時遇上身材火爆、個性亦主動的阮兒,而阮兒亦抵不過衛志豪一貫口甜舌滑細心體貼,火速撻著!

譚詠麟洩親密關係

去年衛志豪只敢帶阮兒出席明星足球隊長輩級成員聚會,當見家長。本來阮兒事業剛起步、衛志豪亦剛剛加入戲劇組,二人有默契低調處理,奈何以阿倫譚詠麟為主明星足球隊成員及晨曦班主周文曦一班老友當正阮兒「弟婦」,不慎洩露「家庭照」,令二人親密關係通晒天。

崔嘉寶生日 阮兒再現身

去年8月周文曦太太、前無綫藝人崔嘉寶生日,又係同一班人腳飯聚切蛋糕,拍拖半年,阮兒一早被阿倫、志偉等人當正係弟婦,大家一家咁對待。

衛志豪為余詠珊愛將

衛志豪2000年加入有線電視成為娛樂新聞主播,雖然星運麻麻,但靠把口同交際手腕,猛料圈中好友反而大把,其中同譚校長老友鬼鬼,已經唔簡單啦!

阮兒《愛·回家》演徐榮新抱

至於06年落選港姐阮兒係中越混血兒,自幼隨家人往荷蘭定居,所以有鬼妹仔性格,同屆三甲陳陳茵媺、周家蔚、呂慧儀紛紛嫁埋上埋岸,唯獨 阮兒 浮沉8年,曾同當時同樣冇乜名氣的楊明拍過拖,直至14年參演《愛‧回家》做羅天宇老婆才開始入屋,最出名係不吝嗇34.5C好身材,成為無綫新咪神,不時在IG晒水著照。其實兩位都遲起步,又難怪拍拖要收埋先。

早年和母親到新加坡旅遊的Chloe,將水着照放到社交網上,被網民激讚身材正!

阮兒不時都派福利照益網民!

男友緋聞多 叫傳媒幫手睇住

日前再有傳媒踢爆衛志豪同阮兒拍拖睇大床,昨日阮兒到大埔出席一公開活動,承認同拍拖半年多,佢仲大爆因為之前臉「生蛇」出唔到街,多得他悉心照炓而被打動。佢仲話男友追咗一段時間佢至應承拍拖。講到衛志豪形象花弗,佢直認係,所以畀多啲時間觀察,仲叫傳媒幫手睇住男友,認真搞笑!

中秋拍拖返荷蘭

講到中秋節點過?佢就話會帶男友返家鄉荷蘭探家人,順道為旅遊節目做資料搜集。但佢強調二人未有同居,問到已到適婚年齡嘅Michael係咪結婚對象,阮兒笑話:「咁你哋幫我好好監察吓佢先!」

View this post on Instagram

Sunday kiss 😘 #love

A post shared by YuenYee 阮兒 Chloe Nguyen (@yuenyeechloe) on

歐綺霞

其實又難怪阮兒對衛志豪冇乜信心嘅,因為衛志豪多年來都同過唔少索女藝人傳緋聞及拍拖!首先係當年有「有線之花」稱號的歐綺霞(Monique) ,有靚樣有身材,喺有線做主持時有唔少粉絲,仲同過唔少紅星藝人拍過MV!衛志豪1995年時與歐綺霞相戀逾七年,不過最後都係以分手告終。歐綺霞早年嫁咗俾一位生意人老公,現時過住幸福少奶奶生活。

|李珊珊

2006年時,李珊珊與錢嘉樂傳分手的新聞鬧到熱哄哄,當時衛志豪被發現不時陪伴在李珊珊左右,包括頻頻相約睇波及結伴夜蒲等,衛志豪更被指為導致李珊珊錢嘉樂最終分手的第三者。

1996年港姐冠軍李珊珊,擁有36E逼爆上圍及非常優美的身體曲線,可算是一代性感女神,不過近年已經淡出娛樂圈,甚少出席公開活動,更有傳佢患有腦瘤。

|陳嘉桓

去到2013年,衛志豪被指與年輕17歲的陳嘉桓撻著,兩人被指到韓國拍攝節目《 快樂地球》時擦出愛火,兩人當時更以「皇上」、「皇后」互稱,不過陳嘉桓一直堅持兩人只係朋友關係。

現年25歲的陳嘉桓樣子甜美,擁有176cm身高及豐滿上圍,外在條件一流!

不過陳嘉桓最近發福唔少,剪短頭髮令包包面更突出,咩雙下巴、副乳通通出晒嚟,似乎真係要諗諗計修身!

|駱文捷

唔單止娛樂圈中人,衛志豪同新聞主播都似乎好friend!衛志豪早年同無綫新聞小花駱文捷傳過緋聞,不過雙方都未有回應,緋聞好快不了了之。

駱文捷現時已離開無綫,轉任市場推廣及公關,去年更與任職總督察的老公拉埋天窗。

阮兒 成功入屋劇接劇

至於06年落選港姐阮兒係中越混血兒,自幼隨家人往荷蘭定居,所以有鬼妹仔性格,同屆三甲陳陳茵媺、周家蔚、呂慧儀紛紛嫁埋上埋岸,唯獨阮兒浮沉12年,曾同當時同樣冇乜名氣的楊明拍過拖,直至14年參演《愛.回家》做羅天宇老婆才開始入屋。

近兩年,她在大台演出機會不斷,包括:《使徒行者》、《名門暗戰》、《殭》、《火線下的江湖大佬》、《一屋老友記》、《城寨英雄》、《幕後玩家》及《BB來了》等。

 

童年跟隨家人移民荷蘭,家底豐厚的阮兒14年重回無綫後,即為方便入住電視城附近熱門新盤峻瀅。

 

同屆女星已做人妻

06年港姐選美中,除Chloe(前排左一)還有陳茵媺(冠軍及國際親善小姐)、周家蔚(亞軍及最上鏡小姐)、呂慧儀(季軍)和徐淑敏(旅遊大使),她們都已為人妻和人母了。

曾組五人女團

不過唔講唔知,喺2010年Chloe(圖左一)曾和四女組成跳唱組合Lacee Lacey,可惜尚未出碟便解散,令她12年暫退娛樂圈。

徐榮新抱

大家對Chloe在處境喜劇《愛.回家》中演高秀蘋一角也不會感陌生,對此Chloe說:「呢套劇令我好有滿足感同過足戲癮,由原來冇人知我叫咩名,到出到街個個都叫我喺劇中英文名Pinky,真係好開心。」

Chloe經五次casting,面見九位編審,和劇中老公羅天宇對戲才獲《愛.回家》的高秀蘋一角,「起初有網民唔like我,連導演都鬧我,但到寫我走啲網民就鬧爆無綫,到寫我返去個PA同我講今日收視最高係你,多得編審寫到個咁好嘅角色。」

當中她更感激劉丹、林漪娸、郭少芸、黎諾懿和徐榮等的教導和幫忙,「佢哋教我嘅,對我日後拍劇好有幫助,而且嗰段時間大家都相處得好開心。」此外,她亦承認因劇集帶挈多了接job機會,Instagram人數由幾千增至現在兩萬多人,可見她成功入屋,連公司也器重她而劇接劇。

《幕後玩家》拍得最癲

在《一》劇中演胡定欣媽咪後生版的Chloe說:「雖然只客串六場戲,但每場戲造型都唔同,其中一場俾演我爸爸嘅修哥(胡楓)摑一巴,仲要堅摑,好彩一take就ok。」在未播映劇集《城寨英雄》和《幕後玩家》Chloe也佔較重戲份,她說:「喺《城》劇中我會同陳芷尤、張名雅、周麗欣飾演四朵金花,大晒姊妹情深。」而《幕》劇更是前所未有咁好玩,「好正,係我入行以來拍得最癲一部劇集,張繼聰和黃宗澤都當正我哋好似兄弟姊妹,完全冇架子,有時去阿聰屋企BBQ,又會到Bosco間蠔Bar飲飲食食,一個月切蛋糕都切幾十個,個個收到通告都好開心,甚至唔捨得收工。」

Chloe在劇集《殭》中的金髮造型,甚為突出。

拍劇獲劉松仁提點

Chloe最想演一些較特別、令人難忘的角色,問到會否介意性感演出?她曾說:「其實我最想係可以拍旅遊節目,就算要着三點式都可以,而攞親獎嘅電影都好似一定有裸露,若果日後真係俾我遇到部好電影、好導演,我都可以豁出去,去到好盡!」而和劉松仁跟隨同一個唱歌老師學唱歌的Chloe更說:「希望嚟緊可以同松哥有更多合作機會同交流,皆因佢提點過我好多,我拍《愛.回家》時佢俾咗我好多實質建議。」

 

阮兒出海大晒噴血泳衣

31歲的阮兒(Chloe)著起泳衣出海降降暑氣!從她上載的相中可見,擁有34C火辣身材的Chloe今次著起火紅色單膊一件頭泳衣,加上一面非常享受晒太陽的樣子,真係令氣溫再度升多幾度!

就連龔嘉欣見到啲相都亂入,大讚Chloe:「好索!」

原來今次Chloe係孖住好友出海,而且二人同樣著住一件頭,一紅一藍襯到絕咁大哂美腿,認真養眼!

Chloe仲留言:「If you’re alone I’ll be your shadow.If you want to cry, I’ll be your shoulder.If you’re not happy, I’ll be your smile. If you need me, I’ll always be there for you. 」雖然有緋聞男友衛志豪,但都依然好重視朋友,絕對唔係「有異性,冇人性!」

其實Chloe平日都經常晒靚相,又露腰又哂腿咁,真係幾性感!

阮兒自爆「他的角度」

早前,Chloe更於個人社交網上載分享喺池邊拍攝嘅泳衣照,大擺誘人pose,索爆身材表露無遺,性感之餘,仲要仲加多句曖昧嘅「他的角度」,究竟係邊個他嘅角度?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!