黃金剩女 生活充實 阮小儀 大把仔陪
撰文：東方新地｜圖片：新傳媒圖片庫、阮小儀IG
阮小儀 《街坊廚神》再添食
日前又見小儀孖住拍檔金剛出發拍添食完再添食的《街坊廚神》第N輯，有講有笑默契十足，話咁快有得早收仲可以行陣街㖭！你以為收咗工就係返屋企湊狗做宅女，其實小儀呢頭同金剛bye bye，嗰頭就搵到高大猛男接更陪伴睇衫又睇鞋。有商有量仲著埋同色系疑似情侶衫，唔通真係又開齋？
傍晚時分見到小儀同拍檔拉大隊現身銅鑼灣拍《街坊廚神》，記者即刻好有衝動跟住尾睇吓又有咩好嘢食介紹。
拍嘢合拍，收工後就各自精彩，見到金剛忙玩電話約人，小儀就淡定周圍望，仲以為如常返歸陪愛犬。
原來一早有人喺商場附近等小儀收工，仲著埋同色系疑似情侶衫一齊行街睇衫睇鞋，有商有量溝通十足，不過態度就不算親密，但可以話小儀嘅異性緣都好旺嘅。
小儀平日表面上唔係搵狗陪就係搵女陪，但其實佢異性緣都唔差！
仲曾經同余文樂「公開戀情」，大家都知係得啖笑，而小儀當時就話：「係開心嘅！」
街坊廚神姬路鳥取篇拍攝完畢，yeah!!!what a happy and memorable trip !!!
Kitty Yuen 🐶🙋🏻♀️🐶（@kittyyuen）分享的貼文 於 張貼
見到煎乾同我，就知道「街坊廚神」又開工喇！ @aloha6969
Kitty Yuen 🐶🙋🏻♀️🐶（@kittyyuen）分享的貼文 於 張貼
演出《降魔的》
金剛同小儀合作無間，去年就曾在人氣劇《降魔的》拍檔演出力哥力嫂，劇中兩人在30年前葬身於麵檔大火，但由於他們並不知道自己已死，因此一直不斷重複過著昔日生活。雖然他們不知道自己已經死亡，但其實鬼魂一直都是陪伴在馬季身邊，守護著他。
這兩個角色雖然出現的時間不多，但已經深受市民的喜愛。他們愛護兒子的演技更是大獲好評，不管是他們拒絕承認馬季是自己的兒子，還是得到解脫之後的深情對話，都令人感觸萬分。
「爸爸媽媽永遠愛你」
最後金剛小儀以父母身分坐馬明的士，回復往昔的甜蜜互動，金剛笑說馬明要好似自己咁娶個好老婆，而媽媽小儀就再度真情告白：「記住，爸爸媽媽永遠愛你，永遠喺你身邊，你唔係孤零零㗎！」
