陀槍師姐2021

【陀槍師姐2021】宣萱投訴陳豪連累瘋狂NG 杜之克親解劇集抽起又播之謎

最新娛聞

廣告

《陀槍師姐2021》緊接周日大結局的《堅離地愛堅離地》,於周一(25日)起晚上9時半播出,《陀槍師姐2021》一度抽起改播陳山聰和姚子羚的《大步走》,但翌日公布最後定案由原定的《陀槍師姐2021》播出 ,於周六(23日)舉行記者會,一眾演員出席宣傳,新加入的主角宣萱和陳豪負責在劇中大放笑彈,宣萱投訴被陳豪搞到頻頻NG,破了她的個人NG紀錄。

文:東方新地 |圖:東星圖片、無綫娛樂新聞台截圖

《陀槍師姐2021》只有飾演「陳三元」滕麗名、其女「程莎莎」黃美棋及其母「二妹姐」朱咪咪有得留低外,全部是全新角色,並加入搞笑元素,由宣萱、陳豪負責放笑彈。

《陀槍師姐2021》是宣萱和陳豪第二度合作,已經相當有默契。
《陀槍師姐2021》是宣萱和陳豪第二度合作,已經相當有默契。宣萱指陳豪個樣好Man好型,但要做低能搞笑表情動作,搞到宣萱爆笑連場。

《陀槍師姐2021》宣萱:「我叫陳豪唔使畀戲我﹗」

《陀槍師姐2021》是宣萱繼《使徒行者2》後與陳豪第二度合作,被問到拍攝時有乜最難忘,宣萱笑住投訴陳豪:「呢套劇係我繼《難兄難弟》之後NG最多嘅劇,應該破咗我紀錄,可能我笑點太低,有場戲係講大隻佬陳豪拎住隻公仔,我狂NG,其實嗰時已經凌晨四、五點,大家都好晏瞓,但係我笑到不停NG,只要佢(陳豪)坐喺度我就忍唔住笑,佢真係好搞笑,我叫佢冇入鏡嗰啲唔使畀戲我,對手冇入鏡都做埋成場戲先叫專業,有冇聽過叫對手唔好畀戲自己㗎?但我真係笑到成泡眼淚水出晒嚟﹗」

陀槍師姐2021
宣萱還在回味拍攝《陀槍師姐2021》時,自爆拍時相當開心,搞到監制要叫佢唔好太開心,要收一收。

宣萱為陳豪破例飲咖啡

《陀槍師姐2021》中飾演「檬Sir」的陳豪,會跟宣萱及滕麗名有感情線,陳豪話拍攝時好開心,氣氛輕鬆,大讚宣萱好照顧大家,更開心是「導」到唔飲咖啡的宣萱入坑,宣萱話:「阿Mo教我飲咖啡,佢每日會帶咖啡機返工,未開工趁大家化緊妝,佢第一時間開著部咖啡機先,拍《使徒行者2》時佢已經沖畀我飲,但係我唔飲咖啡,佢都冇迫我,到今次,佢沖啲BB班都飲得,加啲奶畀我慢慢去試,又OK喎,飲咗之後鍾意咗,依家鍾意咗飲咖啡﹗」在旁的陳豪聽到宣萱話上癮,立即大叫Yes﹗

《陀槍師姐2021》主角之一滕麗名因工作在身未能出席記招,陳豪宣萱向滕麗名紙牌遞咪,搞笑又合拍﹗
《陀槍師姐2021》主角之一滕麗名因工作在身未能出席記招,陳豪宣萱向滕麗名紙牌遞咪,搞笑又合拍﹗
陀槍師姐2021
宣萱跟張嘉兒、糖妹和黃美棋合照時,也不忘搞笑。

張嘉兒色誘許紹雄上床

滕麗名有工作在身未能出席《陀槍師姐2021》記招,而身在新加坡的許紹雄、朱咪咪以及在內地開工的羅子溢(前名羅仲謙)都有拍片賀《陀槍師姐2021》出街,飾演許紹雄劇中老婆的張嘉兒在記招上透露:「會同老公(許紹雄)有親熱、有激烈床戲﹗劇中講我哋想要BB,我會著性感睡衣去色誘佢上床(同前輩演床戲有冇壓力?)冇,佢好好嘅﹗佢OK嘅﹗對住佢會成日忍唔到笑﹗」

已為人母的張嘉兒透露會跟許紹雄有床上戲,好重口味﹗另外她透露劇中跟宣萱及麥美恩是閨蜜,經常三人行。
已為人母的張嘉兒透露會跟許紹雄有床上戲,好重口味﹗另外她透露劇中跟宣萱及麥美恩是閨蜜,經常三人行。
陀槍師姐2021
鄧佩儀在劇中與演黑幫大佬的洪永城、鄭俊弘以及羅子溢最多對手戲,她笑言拍攝時男拍檔都在操肌,令她有眼福。

杜之克親解變陣真相全場爆笑

日前《大步走》預告片出街,無綫亦公布接住《堅離地愛堅離地》播出是《大步走》,正當大家以為《陀槍師姐2021》抽起後,翌日突然再次轉陣,公布《陀槍師姐2021》在周一(25日)晚播出,對於該檔期不斷變陣,無綫高層杜之克出席《陀槍師姐2021》記招時親自解說:「點解有一套劇嘅宣傳片出咗之後,第二日就出《陀槍師姐2021》嘅宣傳片呢,因為我哋時間唔係好夠,製作吓一啲話題,畀大家去討論吓,相信依家全城都關注《陀槍師姐2021》嘅﹗」講完台上台下一齊狂笑,佢自己都忍唔住。

陀槍師姐2021
杜之克指開拍時《陀槍師姐2020》,最後在今年播放故改名《陀槍師姐2021》,推遲播出是因受疫情影響。
《陀槍師姐2021》一眾演員落力宣傳。
《陀槍師姐2021》一眾演員落力宣傳。
雖則係犯罪大魔頭,但陳豪為女死為女亡,最終為救宣萱而被歡喜哥連開多槍擊斃。
宣萱和陳豪對上一次合作係《使徒行者2》,不過角色好沉重又認真,今次合作就輕鬆得多。
Scarlett+Victor 的組合迴響好一般,主要係角色太沉鬱,加上陳豪個髮型都有啲出事⋯⋯
Scarlett+Victor 的組合迴響好一般,主要係角色太沉鬱,加上陳豪個髮型都有啲出事⋯⋯

《陀槍師姐2021》搞笑預告:

《陀槍師姐2021》集有型男、Chok男、尖叫女、有搞笑、有火爆、有浪漫、有兩代恩怨,仲有埋黑幫仇殺等元素,梗有一樣啱你睇!

陀槍師姐2021 | 舉行記招 | 宣萱 | 陳豪

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!