陳展鵬

陪未婚妻學車 陳展鵬 單文柔 高調拍拖

最新娛聞

廣告

去年被斷正拍拖後,陳展鵬刻意把戀情低調,單文柔也配合男友作風,未有把感情事掛嘴邊。直到近半年二人愈來愈高調,早前出尖沙咀食飯遇本刊記者,坐定粒六做陳太的單文柔,笑得好開心。

撰文:東方新地|圖片:新傳媒圖片庫、Instagram、微博

陳展鵬陪未婚妻學車

早前煎Pang把其座駕停泊在大球場附近,然後坐上女友單文柔駕駛的貨van陪學車,現場所見,煎Pang全程坐在後排位置,貨van兩邊窗拉上黑簾,非常神秘。

騰雞cut線

學神單文柔為考棍波貨van牌學車多個月,不過她表現非常騰雞,更被本刊記者影到爬頭cut線驚險百出,唔知考牌時有冇肥佬呢?

極速竄上車

等單文柔學完車,煎Pang極速上番自己架車離開。

高調拍拖

早前陳展鵬同單文柔出尖沙咀食飯遇本刊記者,坐定粒六做陳太的單文柔,笑得好開心。

煎Pang喜歡出去按摩消除疲勞,單文柔亦投其所好,早前二人去跑馬地按摩,非常識享受。

英法影婚照

陳展鵬於周一 (10日) 宣布做老襯,他曾經講過:「每次拍拖,我都以結婚為目標,就算我20歲時拍拖,亦希望結婚,但感情冇人可保證到。」而他與單文柔拍拖只有一年半,感情一日千里,早前二人到英國及法國旅行,還影了一輯婚紗照,煎Pang每張相都chok爆,準新娘就笑得好甜。

41歲陳展鵬宣布迎娶28歲單文柔,雖然年紀相差13年,但外形非常相襯。

跪地求婚

單文柔自爆煎Pang兩度求婚的經過:「喺香港時,有日佢趁我瞓覺將一隻摺咗心形嘅紙戒指套入我手指求婚,我話呢個唔算數。之後我哋喺英國影婚照時,佢睇到一架英國巴士就立即下跪再一次求婚。」她馬上接過對方花束,驚喜又感動。

為了影婚照,單文柔近月減肥略有成績,穿起deep V婚紗非常搶眼。

成輯婚照煎Pang都冇戴眼鏡,飲咖啡都深情對望碰杯,甜到漏!

陳展鵬(香港)(@rucochan)分享的貼文 張貼

Phoebe Sin 單文柔(@smyphoebe)分享的貼文 張貼

Phoebe Sin 單文柔(@smyphoebe)分享的貼文 張貼

Phoebe Sin 單文柔(@smyphoebe)分享的貼文 張貼

陳展鵬(香港)(@rucochan)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!