Ian陳卓賢打尖出歌破雪藏傳聞 Jeremy第二胎被押後花姐被質疑「大細超」

Ian出歌打破雪藏傳聞花姐出post撐

Ian陳卓賢早前被力數四宗罪，指他人品差得罪高層將被雪藏，兼且埋怨公司冇落力宣傳自己單飛作品。不過他今日（15日）出新歌，更趕及紅館演唱會前推出，睇嚟又可以造勢。Ian出歌花姐都有出post撐，她寫道：「這段距離曾經令人感到沮喪，但相信大家肯一起踏前，很快就會將二人拉近。」

Ian陳卓賢 Ian有得出歌仲要花姐開聲撐，唔通逃過雪藏命運？ — Ian有得出歌仲要花姐開聲撐，唔通逃過雪藏命運？（圖片來源：IG@iancychan）

Ian陳卓賢花姐都有出post撐Ian。 — 花姐都有出post撐Ian。（圖片來源：網頁截圖）

陳卓賢張敬軒都有即時留言歡呼。 — 張敬軒都有即時留言歡呼。（圖片來源：IG@iancychan）

Ian出歌疑搶Jeremy檔期花姐被質疑

MIRROR 12位成員被網民以人氣劃分成上弦、下弦，Ian一直處於上弦，而下弦成員Jeremy李駿傑本身計劃今個月出歌，事前亦出post宣布，據知MV已一早完成，更曾透露過於6月會推出。如今Ian出歌令鏡粉聯想到「打尖」搶期，Jeremy的fans紛紛到花姐IG留言，問：「首先，恭喜Ian出歌。然後花姐我想問Jeremy 2胎九尾bb去咗邊？」、「真係好過份」。據消息指花姐為平息民怨，將會安排Jeremy盡快出歌，但有Jeremy則埋怨，若然短時間內兩首成員的歌互相競爭，到時又變成自己人打自己人互相傷害。

Ian陳卓賢 Jeremy雖然身處下弦位置，但本身計劃今個月出歌，依家就俾Ian打尖搶期。 — Jeremy雖然身處下弦位置，但本身計劃今個月出歌，依家就俾Ian打尖搶期。（圖片來源：IG@jeremy_0908）

Ian陳卓賢有指花姐為平息民怨會盡快安排Jeremy出歌。 — 有指花姐為平息民怨會盡快安排Jeremy出歌。（圖片來源：IG@ahfa0908）

重溫Ian被數格衰4宗罪

1.拍MV小事化大躁隊友

有指MIRROR去年拍攝《WARRIOR》MV時，Ian到場後發現有隊友攞錯其歌衫並著上身，他即時大發脾氣；到拍攝完成後，仲嬲到即刻除衫掉落地，結果要工作人員執手尾。

Ian陳卓賢陳卓賢消息指Ian拍《WARRIOR》MV時，因隊友攞錯佢套衫而即場發火，事後仲掉衫走。 — 消息指Ian拍《WARRIOR》MV時，因隊友攞錯佢套衫而即場發火，事後仲掉衫走。（圖片來源：IG@iancychan）

2.累花姐孭鑊

承接上述MV發火事件，Ian格衰驚動公司高層，有指經理人花姐要出面代Ian向公司道歉。

Ian陳卓賢陳卓賢有指Ian拍MV發脾氣一事驚動公司高層，累到花姐要親自代Ian道歉。 — 有指Ian拍MV發脾氣一事驚動公司高層，累到花姐要親自代Ian道歉。（圖片來源：ViuTV）

3.公私不分同女友片場鬧交

Ian臭脾氣現場發火不止一次，有消息人士指，他與女友盧慧敏拍攝定情作《無限斜棟有限公司》時，二人撻著冇耐就喺片場鬧交，當時Ian同女友趕晒所有人出門口，二人衝入化妝間隨即傳出激烈的爭吵聲，在場演員及工作人員都聽到。

Ian陳卓賢陳卓賢有指Ian同女友Amy Lo撻著冇耐，喺片場突然趕晒所有人出門口鬧大交。 — 有指Ian同女友Amy Lo撻著冇耐，喺片場突然趕晒所有人出門口鬧大交。（圖片來源：《無限斜棟有限公司》劇照）

4.冇歌出冇宣傳埋怨公司偏心

消息指公司MakerVille一直不滿Ian的態度，同樣Ian亦不甘心被公司冷待，多次向身邊人埋怨公司唔幫佢出歌；及後推出歌曲《留一天與你喘息》及《Got U》後，Ian又怨公司宣傳唔夠落力，覺得公司偏心姜濤與Anson Lo身上。

Ian陳卓賢陳卓賢 Ian係MIRROR隊中第一個出solo的成員，但人氣不斷下滑，有指他狂怨公司唔幫佢出歌做宣傳。 — Ian係MIRROR隊中第一個出solo的成員，但人氣不斷下滑，有指他狂怨公司唔幫佢出歌做宣傳。（圖片來源：IG@iancychan）

舊同學翻出更多Ian黑面舊帳

Ian格衰消息傳出後，隨即引起網民討論，有網民翻出更多他黑面舊帳。年頭舉行的2021年度叱咤樂壇流行榜頒獎典禮中，不論在觀眾席或者在台上表演，Ian表情呆滯毫不投入，與其他成員形成強烈對比。又有網民重提Ian在綜藝節目《MIRROR GO》中，因不滿Anson Lo出矛招憤然掉衫離場。亦有網民表示自己是Ian同學，指對方鏡頭前、後兩個樣，並指他私下性格一樣臭脾氣。