盧凱彤有份參與新碟 陳奕迅：我係好掛住佢！
撰文：東方新地 ｜圖片：新傳媒圖片、盧凱彤IG
陳奕迅 構思開免費個唱
陳奕迅（Eason）為新歌《可一可再》舉行網上直播活動，吸引10萬人次觀看，現場超過30家媒體到場採訪，他表示這張Duo Band唱碟籌備了6年，由Duo Band創作這張唱片，而碟內最後一首歌《可一可再》是Eason自己創作，在5月時進行錄音及拍MV，唱片封套亦已完成拍攝，預計唱片會在2019年前推出，MV亦陸續推出緊。
Eason透露亦會舉行Duo Band一個免費演唱會，由他一手包辦，只會在香港演一場，暫時構思是招待弱勢社群欣賞，不設售票。
自爆患上強迫症
在facebook直播中，主持問到他有否怪癖時，Eason說自己不是有怪癖，而是強迫症：「依家愈嚟愈普遍係強迫症，我去酒店住，酒店有咁多毛巾，我只用一條，用完對角褶，想畀毛巾多啲時間抖氣。沖完涼之後，我會用腳掃番啲水，又鍾意用花灑淋牆，平時冇人會用花灑掃牆，牆上面咪好乾，所以我會去掃。就算去公廁，我都會抹到好乾淨先至走，公廁沖水條繩，我會拉最頂白色部分。」
他表示自己唔使瞓，好似擁有三個靈魂：「全港有八個人有三個靈魂，我係其中一個。你唔好話我黐線，可以唔信，不過其他七個人你哋唔識。（三個靈魂有乜嘢任務？）一個係天使、一個係英國女人、一個來自另一星球。啲人話我唱歌有親切感，有能力影響到人，所以我好信。由於佢哋三個嘅瞓覺時間唔同，所以我有時唔使瞓。」
講到DUO band再度演出，但成員之一嘅盧凱彤(Ellen)今個月初墮樓身亡，DUO band將會少咗一位成員，Eason話：「呢個都係一個問題，佢唔喺度我唔可以搵第二個去替佢，唔通搵林二汶？咁樣對大家都唔公平，但我好慶幸我哋曾經一齊做過呢件事，佢彈嘅聲音永遠都留低喺度，我哋錄起咗，或者到時演唱會上照播我哋跟住彈。」
直播中，Eason被要求扮其中一位duo成員嘅表情，Eason話︰「都係阿妹(Ellen盧凱彤)啦！」佢隨即「碌大對眼」扮Ellen嘅表情，然後話︰「真係㗎？」Eason說︰「你無論同佢講啲咩，佢等一個反應都會係︰真係㗎？而當嗌佢上台，佢就會即刻︰『哦！』就上台喇。」
Ellen有份拍MV
談到喺《可一可再》嘅MV中，Ellen有份參與其中，Eason話：「早喺六月MV出街前，我叫阿妹上我Office一齊睇呢個MV，當時佢有提出少少意見，好彩有畀佢親眼過目，MV最後有跟足佢意思做咗少少修改，雖然佢走咗但我好掛住佢，呢個係佢帶畀大家嘅作品。」
at17成員盧凱彤墮樓身亡
at17女子組合成員盧凱彤(Ellen)疑情緒病發，今個月5日在跑馬地成和道寓所墮下，當場死亡。警方到場調查，以帳篷將屍體遮蓋遺體，初步相信她由20多樓單位跳下，現場未檢獲遺書，墮樓原因仍有待調查。
阿詩女助手哭成淚人
好友何韻詩及其女助手Jelly到場，助手哭成淚人需要何韻詩攙扶。據知過往Ellen飽受躁鬱症困擾期間，好友Jelly一直陪伴左右，Ellen也曾公開感謝她﹕「我和Jelly住得很近，Jelly照顧我，陪伴我最多。」
蘇永康下午駕車經過跑馬地，被大批傳媒追訪，他直言對事件感到難過。蘇永康稱之前說了好久想和她合作，又讚揚對方才華橫溢，是「我好欣賞嘅女性結他手」，對於Ellen離世感到好可惜，希望大家保重身體及關注情緒病。
2014年患躁鬱症
Ellen在2013年首次入圍台灣金曲獎，同年籌備首個個人大型演唱會，但因壓力過大，情緒出現問題，其後Ellen在好友黃耀明勸喻下求醫，2014年證實患上躁鬱症及人群恐懼症，一度要暫停手上工作接受治療，經過一年藥物控制及心理輔導，漸漸康復過來！
曾經自殘 感謝Eason、明哥開解
過去Ellen接受傳媒訪問時談到，她曾被躁鬱症困擾2年期間，試過做出傷害自己的事情，如曾經用手捶牆令手流血，她很感謝黃耀明和陳奕迅給她力量。Ellen說：「黃耀明叫我看醫生，服精神科藥物，陳奕迅清晨6點也願意陪我去海邊聊天，我只要有人聆聽我的聲音就夠了。」Ellen表示已懂得更愛自己，不再受躁鬱症所苦，學習慢活。
於2015年底，Ellen躁鬱症病情穩定後，重返樂壇，推出單曲《廿九歲的遺書》。該曲由Ellen作曲，由黃偉文填詞，歌詞記載着她過去經歷情緒病的痛苦，以及努力治療的心情。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
