陳婉衡未忘鋼管舞 擘髀兼倒奶零難度

撰文：東方新地｜圖片：陳婉衡instagram

陳婉衡擘髀兼倒奶

有咪神之稱的陳婉衡擁有驕人36E野火身材就不在話下，而她不時會於個人社交網上載索爆靚相任人睇。近日，她就上載一段短片大跳鋼管舞 ，片中見佢著住件吊帶露腰衫不停在鋼管上下轉，不時擘髀兼「倒奶」。

陳婉衡仲留言表示：「已經超過年幾冇掂過條鋼管，好彩都未忘記晒～」

陳婉衡喜愛做運動

事實上，平時陳婉衡好鐘意做運動，一有時間就會走去健身室操弗自己個body，所以佢為了擁有美好身形背後都下了不少功夫。

簡淑兒陳婉衡 著四層和服

簡淑兒同陳婉衡兩個好姊妹今次同遊日本，原來係一次慶生之旅，陳婉衡生日係上月尾，而簡淑兒就係下月中，陳婉衡話時間啱啱好：「去之前已經好期待，好想同佢一齊著和服影相，今次終於做到！」

陳婉衡又指兩人約定每年都要一齊去一次旅行：「我哋想之後去唔同國家著住當地嘅民族服裝影相，好似一個紀念咁，或者下次可以去韓國著韓服！」

簡淑兒同陳婉衡去到京都著名景點千本鳥居留影，兩個日本娃娃亦成遊客眼中嘅景點，畀人爭住求合照！

雖然獲網民大讚靚女同Kawaii，但陳婉衡就狂呻著和服好熱：「我最怕熱，件和服總共有四層，其實好熱，而且修腰又束到好實，個胃有啲頂住，所以都食唔到太多嘢！」

陳婉衡 束腰晒身材

陳婉衡仲爆兩人前兩日去埋大阪旅遊，好彩當時落住雨冇咁熱。

真係好有仙氣！個束腰仲令到陳婉衡身材好玲瓏浮凸㖭！