陳宇琛

陳宇琛入行18年 趁生日發千字文爆入TVB十年離巢真相:好似畀人Betray

最新娛聞

廣告

因在ViuTV劇集《男排女將》中飾演「黃金Sir」一角而人氣急升的陳宇琛(Sam),自2003年挾著石修(原名陳碩修)兒子之名入行,不經不覺已過了18年,日前他在社交網上載了他同家人慶祝他42歲生日的相片,並發出了一篇千字文講述他入行以來的經歷,其中更著重講到他加入TVB十年後的離巢真相。

文:東方新地|圖:陳宇琛IG

陳宇琛:山頭文化令我失去好多演出

陳宇琛(Sam)於本月22日踏入42歲,他日前他在社交網上載了同家人慶祝生日的相片,並發出了一篇千字文講述他入行以來的經歷,其中更著重講到他加入TVB十年後的離巢真相,他說:「啱啱42歲生日係我入行第18年。 最近諗緊我喺呢行種種經歷,發現原來我一直抑制咗好多諗法同情緒。」

陳宇琛日前與其父母及太太林佑蔚一同慶祝他的42歲生日。(圖片來源:陳宇琛IG)
陳宇琛日前與其父母及太太林佑蔚一同慶祝他的42歲生日。(圖片來源:陳宇琛IG)
72歲石修童心未泯,與囝囝陳宇琛一齊比出心形手勢,為囝囝慶生。(圖片來源:陳宇琛IG)
72歲石修童心未泯,與囝囝陳宇琛一齊比出心形手勢,為囝囝慶生。(圖片來源:陳宇琛IG)

經常有人同我講要聽話

陳宇琛續說:「2004年嗰陣我24歲孭住『星二代』包袱入行。好多人以為係一條捷徑,但實際上係一條好艱難嘅路。入行嗰陣得到好多關注,但係我嘅成長一直好低調,所以當時唔識面對同處理。感覺好尷尬,好似畀人一直批判。加上大家對我嘅表現有好大嘅期望,而我對自己都有好高嘅要求,非常大壓力。同時間經常有人同我講要喺呢一行生存,就要聽話。因為咁,我慢慢迷失咗自己嘅定位identity,開始封閉自己。」

陳宇琛當年於英國Kingston University London主修建築系,畢業後主動要求入行。(圖片來源:陳宇琛IG)
陳宇琛當年於英國Kingston University London主修建築系,畢業後主動要求入行。(圖片來源:陳宇琛IG)
有個明星老竇,陳宇琛當年細細個已見識過唔少紅星。(圖片來源:陳宇琛IG)
有個明星老竇,陳宇琛當年細細個已見識過唔少紅星。(圖片來源:陳宇琛IG)

入TVB頭五年好充實

陳宇琛指初入TVB時都有過美好的回憶,他表示:「點都好,喺TVB頭五年都好充實有好多得益,參與過各種各樣嘅製作,我自己都非常投入因為知道機會難求。《四葉草》確實係一個美好嘅回憶,因為嗰次嘅演出終於有監製留意到,令我可以開始拍劇。我對每一個角色都放咗好多心思去設計,所以每次係街度見到fans同我講佢哋好鍾意睇我做戲,我都好appreciate。」

《撻出愛火花》負責對撼《調教你MIRROR》,6月24日起重播的《當四葉草碰上劍尖時》,就負責對撼ViuTV由6月28日開始首播的BL劇《大叔的愛》。
無綫早前曾重播陳宇琛在2003年的入行作《當四葉草碰上劍尖時》,當中陳宇琛同姚子羚是一對。(圖片來源:新傳媒圖片)

被安排做新人工作

但轉折在TVB人事大變動之後,陳宇琛文字間對TVB的「山頭文化」深惡痛絕,他說:「不過喺大台工作第五年之後,就發生人事大變動。山頭文化嘅現實,突然間令我失去咗好多我應該有份參與嘅劇集演出,幕前工作180度轉變,畀人安排做番一啲啱啱入行嘅嘢,完全唔起眼嘅節目。當時感覺好難受,好似畀人betray,對公司好信任亦付出咗咁多,拍劇捱到體力透支,身體受傷都好似白費晒。」

陳宇琛同父親石修在TVB期間合作機會不多。(圖片來源:陳宇琛IG)
陳宇琛同父親石修在TVB期間合作機會不多,陳宇琛直指「星二代」之名其實是個包袱。(圖片來源:陳宇琛IG)

每個月人工$8000

陳宇琛續說:「因為好鍾意做戲以為仲有一絲希望都想堅持落去。我唔係帶錢返工嘅人,嗰陣每個月人工係$8000,有時到月尾戶口得返$100-200,好彩自己喺出邊都接到啲jobs可以頂得住吓。不過咁都未算最谷底,大概嗰段時間,拍咗拖七年嘅未婚妻同我講要call off婚禮,感情同事業都失敗令我跌咗入一個好dark & depressed嘅位。」

同拍拖七年的未婚妻取消婚禮後,陳宇琛認識了現在的太太林佑蔚(Camille),林佑蔚是前有線電視主播,兩人於2014年開始拍拖,2017年在蘇格蘭古堡舉行婚禮。(圖片來源:陳宇琛IG)
同拍拖七年的未婚妻取消婚禮後,陳宇琛認識了現在的太太林佑蔚(Camille),林佑蔚是前有線電視主播,兩人於2014年開始拍拖,2017年在蘇格蘭古堡舉行婚禮。(圖片來源:陳宇琛IG)

考慮好短時間就過檔

最後陳宇琛選擇離巢,他憶述:「終於到我喺TVB第10年,2014年有一間籌備中嘅電視台(HKTV)搵我過檔,offer我四倍嘅人工,我考慮咗好短時間就應承咗。18年嘅故事係比較長氣啲,人生嗰啲嘢係咁㗎啦。To be continued…仲未講完。」

陳宇琛文尾講「To be continued」,似乎仲有料爆。(圖片來源:陳宇琛IG)
陳宇琛文尾講「To be continued」,似乎仲有料爆。(圖片來源:陳宇琛IG)
雖然港視最終不獲發牌,但陳宇琛過檔港視期間,都拍過不少作品,包括《我阿媽係黑玫瑰》(見圖)、《導火新聞線》等。(圖片來源:陳宇琛IG)
雖然港視最終不獲發牌,但陳宇琛過檔港視期間,都拍過不少作品,包括《我阿媽係黑玫瑰》(見圖)、《導火新聞線》等。(圖片來源:陳宇琛IG)
又同John哥合作演過《三面形醫》。(圖片來源:陳宇琛IG)
又同John哥合作演過《三面形醫》。(圖片來源:陳宇琛IG)

此外去年在ViuTV劇集《男排女將》中飾演「黃金Sir」一角,令陳宇琛人氣急升,在下月4日(星期六)播出的ViuTV節目《力圖打排球》中,他更會帶領「ERROR隊」出戰排球表演賽,迎戰Stephy(鄧麗欣)領軍的「力圖隊」。

《男排女將》內一眾演員將會在ViuTV節目《力圖打排球》中,和ERROR實地進行一場排球表演賽,大鬥球技。(圖片來源:陳宇琛IG)
《男排女將》內一眾演員將會在ViuTV節目《力圖打排球》中,和ERROR實地進行一場排球表演賽,大鬥球技。(圖片來源:陳宇琛IG)
家瑜好友黃金把任教小學的禮堂偷偷給球隊使用。
陳宇琛在ViuTV劇集《男排女將》中飾演的「黃金Sir」,同Stephy有感情線。(圖片來源:ViuTV《男排女將》劇照)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!