陳柏宇

陳柏宇你問我答大解放 自爆性經驗中一睇鹹帶學嘢 曾一腳踏兩船

最新娛聞

廣告

陳柏宇(Jason)最近成為首位香港歌手,兩度登上SONY YouTube Channel「The First Take」獻唱兩首歌《你瞞我瞞》及《有天》而人氣急升,兩條片分別錄得360萬及100萬點擊。他日前亦特別在自己的YouTube頻道出片,與大家分享拍「The First Take」的感受,兼玩你問我答,結果卻自爆曾一腳答兩船,又透露中一時到同學屋企齊齊睇鹹帶,因而學會自慰。

談錄影「The First Take」感受

原本陳柏宇的YouTube頻道節目叫做「陳柏宇宙論」,日前上載新片,竟取其原名陳廣偉的名字,將節目改名做「廣偉論」,他更指今集變成第一集見大家。影片一開始就提到錄「The First Take」的感覺就似唱Live,個人感覺更放鬆,聲音也更開。Jason又透露現場有六部攝影機同時運作,而只有一名工作人員控制,讓他可以更專心演唱,第二首歌《有天》也有改動編曲,不過就更貼近原作。

陳柏宇成為著名音樂Channel「The First Take」首位香港歌手演唱《你瞞我瞞》,他更指現場有六部攝影機同時拍攝。
陳柏宇成為著名音樂Channel「The First Take」首位香港歌手演唱《你瞞我瞞》,他更指現場有六部攝影機同時拍攝。(圖片來源:YouTube@The First Take)
第二度登上「The First Take」的陳柏宇,就唱了較新的歌曲《有天》。
第二度登上「The First Take」的陳柏宇,就唱了較新的歌曲《有天》。(圖片來源:YouTube@The First Take)

唔阻阿女婚前性行為 希望越遲越好

有網民問到「應唔應該因為信仰唔同而放棄男同女之關嘅關係?」Jason聞言表示自己有很多跟進問題要問,所以難以評論,又指不知對方幾多歲,如果涉及性行為,更難討論。工作人員就問他,如果18歲拍拖時另一半因信仰而拒絕婚前性行為,Jason會如何選擇,他笑言:「若然係去到嗰一刻先話你聽,我唔會有啲咩問題㗎,我會接受㗎,但係我諗都會好快分手嘅,哈哈!」他更指不抗拒婚前性行為,若囡囡將來大個,亦會接受她有婚前性行為,但就希望是18-20歲才開始。

陳柏宇 談到婚前性行為,Jason自言如果女友因宗教原因拒絕,應該之後很快會分手。
談到婚前性行為,Jason自言如果女友因宗教原因拒絕,應該之後很快會分手。(圖片來源:YouTube@陳柏宇)
被問到女兒如果想有婚前性行為,陳柏宇表示不會阻止,但希望年齡是18-20歲之後。
被問到女兒如果想有婚前性行為,陳柏宇表示不會阻止,但希望年齡是18-20歲之後。(圖片來源:IG@ckw720)

忘記首次自慰感覺

越到後期,網民問題越大膽,有人問:「想好奇陳伯當年第一次自慰有咩感覺?」Jason聞言即露出超尷尬笑容,不過都有認真回答:「我第一次自慰嘅時候,我真係唔記得啊,我已經唔記得第一次係點樣樣㗎喇,真係唔記得,唔係我唔想話你知!」工作人員就問他是自己學識還是經朋友介紹,Jason即說:「我記得我哋中一嘅時候,一齊去朋友屋企睇鹹帶囉!(齋睇啫!)係囉,即係冇人會攞條X出嚟自慰囉,即場!」

被問到首次自慰感覺,陳柏宇即露出尷尬大笑掩飾。
被問到首次自慰感覺,陳柏宇即露出尷尬大笑掩飾。(圖片來源:YouTube@陳柏宇)
被問到是如何學識自慰,陳柏宇竟爆出中一上朋友屋企睇鹹帶的事蹟。
被問到是如何學識自慰,陳柏宇竟爆出中一上朋友屋企睇鹹帶的事蹟。(圖片來源:YouTube@陳柏宇)

講出軌專家上身

提到有網民問「男朋友出軌,應不應該原諒佢?」Jason直言曾經出軌者,再次出軌的機率是較高的,但他也直言:「咁代唔代表你唔可以原諒佢,同代唔代表佢一定會再犯錯呢?咁呢個就係你自己要承擔嘅風險啦!有時我哋會做啲好愚蠢嘅決定,無辦法嘅!有時不一定是佢個本質好花心,即使佢本質唔花心,但有個女仔接近佢,可能就會令佢有興趣!」

陳柏宇在片中自爆曾一腳踏兩船。
陳柏宇在片中自爆曾一腳踏兩船。(圖片來源:YouTube@陳栢宇)

自爆未甩拖已追第二個

工作人員就問Jason有沒有試過出軌,他即坦承:「我試過兩個女朋友疊住,即係嚴格來講係一腳踏兩船,一次!但係女朋友A係幾個禮拜冇傾偈,冇打電話冇剩啦,咁其實有一種不了了之嘅感覺,咁之後就同咗第二個一齊,但係最終,我好似有正正式式咁樣再分手。」翻查資料,陳栢宇只公開承認曾與裕美拍拖,當年二人在11年分手,而同期陳栢宇則因拍攝電影《喜愛夜蒲》結識現任老婆曉薇(Leanne),未知他所提及的曾一腳踏兩船,是否正是這兩任女友之間。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:YouTube@The First Take、YouTube@陳柏宇、IG@ckw720