陳自瑤

【天命】玩遊戲勁兇狠!陳自瑤狠推女藝人落水⋯

最新娛聞

廣告

「視帝」王浩信太太陳自瑤(Yoyo)上月初盛傳婚變分居,但隨住二人多次澄清,而早前又合體出席女兒的畢業活動,一家三口樂也融融,應該是雨過天青!

難怪日前Yoyo同陳展鵬、譚俊彥、李施嬅、姚子羚等出席無綫《天命》之「能者對弈 誰與爭鋒」宣傳活動,眾人於泳池大鬥一番,Yoyo都心情大靚而且狀態大勇,平日斯斯文文嘅佢,玩遊戲時勁狼死,大力扯大力推,最後將位女藝員推落水……

撰文:東方新地 |圖片:新傳媒圖片

陳自瑤狠推女藝人落水⋯

Yoyo出席劇集《天命》宣傳活動,落水玩遊戲期間表現兇狠,佢事後對記者笑說:「我平時好柔弱,因為我唔想跌落水,所以唔係你死就我亡,先下手為強!」

開始前,兩隊先來個合照,何雁詩當時仲擺晒甫士影相,懶神氣,好打得咁款…之不過表面冇乜殺氣嘅Yoyo,原來諗住「唔係你死就我亡」,佢之後瞓身玩!

影相時,要擺個唔打得都要睇得嘅甫士,點知比賽開始冇耐,何雁詩企起身想行埋去拉YoYo落水,不過大家睇,YoYo擘開坐幾咁穩陣,之後佢出力拉何雁詩…

之後YoYo找緊時機半推半掟何小姐落水,頓時水花四濺,睇吓身後嘅李施嬅,齋睇都好驚青姐手姐腳咁,好在係YoYo上陣迎戰咋!

Yoyo因為唔想下水,所以一定要贏,結果真係畀佢贏咗,開心到呢!好耐冇見過佢喺公開場合笑得咁燦爛喇!

顏射李施嬅

咪睇陳展鵬份人咁正經外表又有啲cool,查實不知幾玩得,呢日佢拎住支水槍見女藝人就射,仲要顏射李施嬅(Selena)。喂呀!人哋化行妝O架!

人哋進行緊遊戲,佢又射射射…淨係射女唔射仔!

YoYo背脊都唔放過,人哋都話唔想濕身,至掟何雁詩落水啫!佢係要整濕人…

何雁詩 胸頂煎Pang頭

鬼妹仔性格嘅何雁詩梗係玩得放啦!同煎Pang騎膊馬,佢就冇避忌之餘仲成個身烏前,對胸頂住煎Pang個頭!

食飽波餅,睇相都知煎Pang開心啦!因住單文柔嬲豬呀…

話煎Pang玩得真係冇錯,何雁詩狂塞啲冰塊入佢件tee內,而煎Pang居然撥啲冰去姚子羚(Elaine)個心口!

煎Pang大反撃,冇桶喺手嘅佢索性就地取材除咗頂帽,裝住勁多冰碎向何雁詩兜頭淋,之後仲慌死唔夠,質啲冰埋去!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!