陶傑

陶傑狠批MIRROR係虛火:呢一行要真材實料 唔夠喉兩日後再挑機!

最新娛聞

廣告

男子組合MIRROR近年人氣高企,除了推出音樂作品外,有不少成員加入影壇拍電影,陶傑日前主持商台節目《光明頂》,談及華語電影問題時,就發表了一番有關MIRROR的言論,大膽焫火頭,引起好大迴響!相隔兩日,陶傑又再在節目中評論MIRROR現象!

陶傑指以前明星們可以走向不同市場

繼在周三晚(27日)的電台節目中大膽品評MIRROR係虛火後,陶傑在周五晚(29日)的節目中,繼續評論MIRROR現象,指現在MIRROR一支獨大,不成工業,他指以前八、九十年代的香港明星,走紅無政治考慮,不會強調自己身份,Fans亦無這種政治意識投射,所以在以前明星們可以走向不同市場,但在現今社會以政治取向分類的氛圍下,電視台與明星都好多掣肘,他舉例問如果李家超邀請MIRROR去大灣區表演,會不會被歌迷放棄?

陶傑 陶傑指現在MIRROR一支獨大,霸佔了整個巿場。
陶傑指現在MIRROR一支獨大,霸佔了整個巿場。(圖片來源:Facebook@陶傑)

如果自己25歲,都會轉行搞基

陶傑說並非MIRROR一定要入內地市場,但另一方面他們受歡迎,亦會受到內地權力人士關注,受政治有色眼鏡監視,就算去台灣同英國開演唱會,都會變成政治問題。陶傑強調他身為香港人,都好想MIRROR發揚光大,又指MIRROR能夠激發他行「斷背山」的興趣,如果他自己是25歲,都會轉行搞基,但他認為Fans不應該太過亢奮,要有危機感。他續指MIRROR對振興整個香港影視工業幫助不大,現在的問題是香港演藝圈缺乏一個百花齊放的生態,他指這個現象能夠講足3日3夜。

陶傑 呂爵安 MIRROR成員間經常互相開玩笑,不時互貼黑圖整蠱對方。
陶傑指如果自己是20幾歲,都可能要愛上MIRROR。(圖片來源:ViuTV)

前兩日陶傑話:睇嚟睇去都MIRROR

陶傑日前與馮智政一同主持商台節目《光明頂》,當晚節目主題原本為探討曾江猝逝一事,但當講華語電影工業時,陶傑忽然狠批Mirror,指現時香港電影工業「睇嚟睇去都MIRROR」,直指他們的爆紅只是「虛火」,實際上毫無內涵同深度!

陶傑 陶傑忽然焫火頭,拍檔馮智政左)當時都忍不住話:「你真係......」事實上,去年7月陶傑也曾和馮智政一起慶祝Anson Lo生日。
陶傑忽然焫火頭,事實上,去年7月陶傑也曾和馮智政一起慶祝Anson Lo生日,陶傑仲留言:「多謝Mirror,因為你,七月七日Anson Lo長生殿,這個日子多了愛,而不是恨的意義。」(圖片來源:Facebook@陶傑)

陶傑:MIRROR係救唔到香港任何工業同影視

陶傑爆Seed話Mirror :「依家華語片同成個亞洲嘅電影工業,基本上都有種年齡歧視,依家香港都係,睇嚟睇去都MIRROR,MIRROR唔係話唔好,你可以喺情感方面向佢投射,但12件咁嘅嘢呢,樣樣小鮮肉,搓埋一團麵粉,拉番出嚟,我唔覺得分得開邊個打邊個囉!係你有啲人話分得開啫,我唔覺得係囉,所以呢,呢啲係虛火嚟嘅,對唔住呀,你可以有一種『傘後』,即係19年之後,自己嗰種一廂情願嘅政治情感投射,但係MIRROR係救唔到香港嘅任何工業同影視嘅,真係對唔住,因為呢一行係要真材實料,係要深度同內涵嘅。」

陶傑 MIRROR的出現,成為香港一個現象,無論電視、廣告及街上都會見到佢哋嘅樣﹗
MIRROR的出現,成為香港一個現象,無論電視、廣告及街上都會見到佢哋嘅樣﹗(圖片來源:[email protected]

批後生、有觀眾緣、靚仔有肌肉就拎晒所有工作機會

陶傑認為香港娛樂圈有年齡歧視,不太著重曾江這類有深度及人生閱歷的年長演員,他說:「(喺香港)最緊要後生、有觀眾緣、靚仔有肌肉,就拎晒所有工作機會,但30歲以上就話好老,好似劉德華嘅角色就要成日30年前咁高大威猛。」他又引用曾江生前訪問的內容說:「佢講得好中肯,佢話香港做導演太年青,點解有班人對你哋咁苛責,因為好多明星演技唔合格,大陸演員好多演技高超,佢講嘅係事實,大陸嘅陳道明、葛優,佢哋唔係靠靚仔,佢哋演技爐火純青,大陸有演員有演技,無創作自由,而香港就倒轉嚟。」

陶傑 陶傑慨嘆在荷李活,像奇連伊士活這般年紀的演員,還可以做導演、做男主角,但在香港卻有年齡歧視,不太著重曾江這種有深度及人生閱歷的年長演員。
陶傑慨嘆指在荷李活像奇連伊士活這般年紀的演員,還可以做導演、做男主角,但在香港卻有年齡歧視,不太著重曾江這種有深度及人生閱歷的年長演員。(圖片來源:Facebook@陶傑)

馮智政警告:鏡粉喺英國有分部

陶傑這番說話引起網民熱討,有網民認同陶傑的言論,有網民就話「人唔喺香港就火力全開」、「好明顯陶傑攞唔到mirror飛先咁講」、「佢眼中可能得小鳳姐嗰啲先叫有實力」、「呢個世界係有偶像派」等等,亦有網民重提當年蔡楓華對張國榮所說的「名句」:「一剎那嘅光輝唔代表永恆」,將陶傑同蔡楓華相提並論。而陶傑的拍檔馮智政則在社交網預告陶傑「今晚可能繼續講mirror」,又搞笑「警告」陶傑說:「中國國安去唔到英國捉人,鏡粉係英國有分部架,陶生。」

陶傑 MIRROR演唱會《MIRROR.WE.ARE LIVE CONCERT 2022》即將在7月、8月舉行,近日已引起全城「撲飛潮」。
MIRROR演唱會《MIRROR.WE.ARE LIVE CONCERT 2022》即將在7月、8月舉行,近日已引起全城「撲飛潮」。(圖片來源:[email protected]
陶傑 陶傑目前正身在英國。
陶傑目前正身在英國。(圖片來源:Facebook@陶傑)
陶傑 毛舜筠 毛姐與姜濤及Jer在電影《阿媽有咗第二個》合作,最近入圍大阪亞洲電影節﹗
不少鏡仔已闖影壇,毛舜筠與姜濤、柳應廷在電影《阿媽有咗第二個》合作,電影繼入圍第十七屆大阪亞洲電影節競賽項目後,最近在第十四季芝加哥亞洲躍動電影節榮獲觀眾票選獎(Audience Choice Award)﹗(圖片來源:英皇電影)

MakerVille記招 杜琪峯變氣氛擔當:成日見到MIRROR都幾討厭㗎

陶傑之前,早幾日電訊盈科媒體集團旗下新成立的公司MakerVille的記者發佈會上,導演杜琪峯都批評MIRROR﹗當日發佈會上除了旗下藝人MIRROR外,還邀請到杜琪峯等嘉賓,被主持谷德昭問到熟唔熟悉ViuTV男團Mirror時,杜琪峯即表示:「又嚟?好似多咗啲喎,成日都提佢哋,多唔多得滯呀?閃嚟閃去通街都係,成日見都幾討厭㗎,個時代又要轉一轉喇。」

陶傑 MakerVille
杜琪峯被問到對MIRROR認識,他反問:「又嚟?好似多咗啲,成日都提佢地,多唔多得滯呀?閃嚟閃去通街都係,成日見都幾討厭㗎。」(圖片來源:MakerVille記者會截圖)

杜琪峯被網民鬧「廢老」

杜琪峯批評MIRROR後,在網上引起熱討,有網民斥他做「廢佬」﹗留言:「阿伯out晒,唔好怪佢﹗」、「可能佢都係前夫﹗」、「拍戲想搵MIRROR都要睇人哋肯唔肯接你啲戲﹗」、「恃老賣老」、「想請教杜Sir點睇聲夢呢?」、「啲老嘢點會明白年輕人嘅嘢,去番睇CCTVB啦﹗」等等。

陶傑 Stanley、姜濤、Anson Lo同阿Jer先後闖影壇﹗
Stanley、姜濤、Anson Lo同阿Jer先後闖影壇﹗(圖片來源:IG@stanleysc_)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
Mirror陶傑
撰文:東方新地圖片來源:Facebook@陶傑