陸永趁老婆生日送貼心禮物 太太被網友封為「幸福人妻」

撰文：Sunday | 圖片：missussix IG| 編輯 : 東方新地

陸永趁老婆生日送貼心禮物

昨日係陸永太太Reina個生日，佢就喺Instagram晒出老公送的生日禮物，並冧爆咁話：「從來未收過咁sweet 嘅生日禮物！」隨即一眾網友大直呼：「好甜！」、「甜到漏！」，仲被一眾網友封為「最幸福人妻」。

究竟「愛妻號」陸永送咗咩貼心禮物令老婆咁感動？之前見陸永成日有老婆接送，原來陸永一直唔識揸車唯有依賴老婆。今次老婆生日陸永就鼓起勇氣送驚喜：「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」

除咗去揸車，陸永買咗部相機幫屋企三位「少女」留下美好回憶，「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」真係Sweet到爆呀！

陸永 5 歲細女做捧場王 網民：「老竇跟阿女學嘢啦！」

陸永日前在 IG 上載一條細女 Simsim 聞歌起舞的短片，片中 年僅5歲的Simsim 聽住爸爸的新歌，好有節奏咁興奮熱舞，不少網民大讚她非常有天份，紛紛留言：「SIM真係表演能力極強」、「點解個 groove 可以咁襯」、「老竇學嘢啦！」

其實Simsim平時已經非常有表演欲，鐘意跳舞之餘，仲好鍾意自己琢磨演技，甚至指導父母配合。看來SimSim真的遺傳晒爸爸的藝術細胞！