隆鼻

隆鼻後個鼻無感覺 日本整容孖妹公開後遺症

最新娛聞

廣告

整容有咩後遺症?介紹你識日本整容孖妹吉川千惠、吉川千加,佢哋早前出咗條YouTube片大講「整容後不能做的事」,點擊率過百萬,仲有逾千個留言。

撰文:Iris|圖片:YouTube截圖

吉川千惠、吉川千加係模特兒,因為想令自己增加自信而去整容,6年間,先後割雙眼皮、去眼袋、拉面皮、做瓷牙套等等。至於個鼻,甚至植入咗耳仔軟骨,令個鼻睇起嚟直啲。整到呢個地步仲未整完,未來仲會修修補補。為咗變靚啲,佢哋已經喺整容上面使咗超過1,000萬日圓!

咁整法有咩後遺?千加話,依家個鼻好似梗咗咁,笑嘅時候個鼻唔會郁,更做唔到翁鼻嘅動作。個鼻亦好似無咩感覺,就算流鼻水都feel唔到,係有啲麻煩。

至於拉面皮後,有一至兩星期成塊面都扯住,笑得唔自然。而且面皮是拉向頭頂兩邊,頭部傷口要兩個月以上先埋口,其間洗頭又驚整親,好唔方便。
當然,割傷眼皮後,唔敢捽眼;做完瓷牙套,又唔敢咬硬嘢,因為驚整崩個牙套,一隻要成10萬日圓!

雖然整容有咁多後遺,不過兩姊妹都講得好開心,網民留言都好正面,大讚佢哋好靚女,完全唔似整過,又有人講笑:「有花粉症嘅人都該去整整個鼻啦!」雖然做整容界KOL令佢哋一炮而紅,但真係搵命搏㗎。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!