馮盈盈IG宣布與醫生男友分手

馮盈盈IG宣布與醫生男友分手!半年前曾瞞父母畀首期買樓同居

最新娛聞

廣告

馮盈盈宣布與醫生男友分手!自入行以來,馮盈盈都亳不諱言地提到自己的醫生男朋友(寶寶),甚至以「老公」來叫對方,早前,兩人還提到夾份畀首期買樓兼同居生活,被外界認為「打風都打唔甩」。

圖文:新Monday、東方新地

但今早約9點左右,馮盈盈IG突然上載了一張黎明景色的照片,並留言寫下:
「從2015年開始
這四年間我們互相勉勵
互相扶持
一起經歷許多高高低低
見證了對方不同階段
在往後日子
即使我倆再不是情侶
我們仍然會支持對方
也互相祝福各自的將來。」

盈盈的影迷們看到後,都紛紛留言「加油」來支持,而好友陳煒也有留下一句「Take care dear」來安慰對方。

今年年中馮盈盈還被報導瞞住父母主動貼首期,想不到還未踏入2020年就由婚訊變分訊,重溫之前的報導:

重溫:瞞父母畀首期!馮盈盈猴擒做醫生夫人

2018唔單止有「粗口港姐」之稱,馮盈盈 更因主持《後生仔傾吓偈》言論大膽被封 「性博士」,憑著率性敢言又夠放成功出 位,近期在新劇《白色強人》首演醫生入 型入格,原來多得十優醫生男友鍾文浩 (Martin)私下教路。有個高大靚仔醫界 筍盤男友,馮盈盈拍拖三年來就不停高 調放閃宣示主權,為免 人乘虛而入, 更帶男友融入自己圈子,實行公私都行 孖 。為進一步箍實筍盤,早前Martin 買樓做業主,馮盈盈更瞞住父母主動貼首期,即使物業冇名亦在所不計,最緊 要可以入屋做女主人,咁猴擒咁chur都 係想盡快坐正做醫生夫人!

撰文:東方新地 圖片:新傳媒圖片、ig

馮盈盈猴擒做醫生夫人

「語不驚人誓不休」絕對最啱形容25歲16年冠軍港姐馮盈盈,當 選以來新聞多多,試過在社交網爆粗被封「粗口港姐」,主持節目又 表現豪邁出位,大談性話題面不改容,唔介意公開分享個人性經 驗,三句唔埋就講「寶寶」(醫生男友Martin 暱稱),高調狂晒醫生女友身份無非為宣示主權。據知情者透露:「Martin唔單止係10A高材 生,因為生得高大靚仔,喺醫院好受歡迎,唔少女護士同女醫生甚至病人都嗒佢糖,仰慕者真係唔少,Crystal( 馮盈盈)一早收到風,梗係緊張啦!為咗mark實男友,出親嚟咪開口埋口都提住男友囉!無非想宣示主權!」

同醫生男友Martin拍拖三年,馮盈盈經常高調晒出兩人親暱合照宣示主權,攬啜已是家常便飯。

 

融入男友醫生堆

在新劇《白色強人》演心胸肺外科醫生,馮盈盈演得似模似 樣,原來開拍前曾向醫生男友取經,落力做準備除咗為演好角 色,亦趁機融入男友醫生圈子。據知情者透露:「佢話想更了解男友 嘅工作情況,想知平時醫生講嘅學名同術語,等自己可以更投入演 出,咪乘機做埋跟得女友,跟埋去男友班醫生朋友圈子啲活動,攞 料為名監視男友為實,擺明係想樹立佢女友嘅身份,等班嗒男友糖 嘅傾慕者知難而退,仲會一日幾call主動向男友匯報大小事,其實 咪又係想知晒男友身邊發生緊乜嘢事,為咗掌控男友,佢真係乜機 會都唔放過!」

馮盈盈出錢幫男友畀首期買樓做業主,卻未獲在新居加名,不過最緊要有機坐正做醫生夫人,已遷入新居同男友過同居生活的她,日前出席完新劇宣傳活動,便一個人坐Uber去咗沙 田幫新居添置家品,連揀枱墊都揀得非常仔細。

一手包辦買家居用品,馮盈盈連睇兩間家品店,家中微細用品如枱布同垃圾桶都 精挑細選,更大爆每日執屋做到凌晨一、兩點。

 

 

耗盡積蓄

成為港姐後,馮盈盈經常被拍到孖男友煙韌出巡,出名夠主動 進擊,早前男友掟過千萬置業,她便瞞住父母貼首期幫男友做業 主,即使物業不獲加名,都要做新居女主人。據知情者透露:「一聽 到男友話想買樓,Crystal 已經主動話幫手畀一份首期,本來佢想同 男友聯名做屋主,點知Martin話想佢留番個首置Quota,層樓都冇加佢個名,雖然係咁,為咗入埋屋同居,最後Crystal都照畀首期,始終筆錢數目唔細,佢將自己呢兩年辛苦賺嘅錢,全部貼畀男友買樓,事前完全唔敢同爹哋媽咪講,始終父母思想傳統,已 經成日提佢做女人要識得保護自己,梗唔贊成個女貼錢冇名冇份同人同居,Crystal 都係先斬後奏,等買咗樓先畀屋企人知。」

成功進駐男友新居做女主人,浴巾、床單同餐具又點少得,馮盈盈踎低慢慢揀。

 

為細佬讀營養學

雖然瞞父母貼錢益男友,不過馮盈盈亦是孝順女,去年拍《美 女廚房》時,馮母心臟病突發,血管栓塞緊急入院做通波仔手 術,馮盈盈接到細佬電話已經嚇到大喊,幸好有醫生男友安排一 切,搵著名心臟科醫生幫馮母做手術,又在身邊照顧周到,令她放 心又感動。除咗孝順,馮盈盈更是好家姐,為照顧患腎炎細佬健康 飲食,在港大選修食物及營養學系。據知情人士說:「佢細佬兩歲就 患上慢性腎炎,呢個病係唔能夠完全康復,只能靠藥物同食物控 制,情況嚴重嘅時候只能夠食青菜同白烚肉,唔可以接觸高鹽、高 糖同高鈉食物,試過長時間都唔可以喺外邊食飯,怕細佬食錯嘢影 響病情,買每樣食物佢都會好細心睇清楚食物標籤,所以立志讀營 養學,希望照顧好細佬!」

不但經常將男友掛喺嘴 邊,馮盈盈更要男友融 入自己工作圈子,同演 出拍檔麥明詩、陸浩明 及何廣沛聯誼都要男友 陪同出席,mark實筍 盤無所不用其極。

入行未夠三年,出名演出夠放夠博,馮盈盈去年憑 《果欄中的江湖大嫂》小狼女一角,力壓宿敵麥明詩 在《萬千星輝頒獎典禮》奪「飛躍進步女藝員」獎。

獨自去入貨

近日已經進駐男友豪宅做女主人,馮盈盈出席宣傳活動時冧爆 同居生活:「真係冇覺好瞓,晚晚都搞到一、兩點,身水身汗咁做家 務!」冇花冇假,日前馮盈盈就做廿四孝女友,出席完劇集《白色強 人》宣傳活動後,一個人乘Uber去沙田連睇兩間傢俬家品店,為新 居添置家居用品,由枱布、垃圾桶、到浴巾、床單都精挑細選,揀 足兩個幾鐘,稱住大袋戰利品離開,唔怕辛苦落力為男友布置安樂 窩,睇怕呢個醫生老婆唔娶唔得!

在新劇《白色強人》演醫生,拍埋一班阿哥阿姐郭晉安、馬國明、李佳芯 及唐詩詠,馮盈盈表現淡定有戲,都要多得醫生男友教路。

貴為冠軍港姐,馮盈盈當日做完活動 離開時,就被粉絲包圍集郵,馮盈盈 好識做來者不拒。

冇男友喺身邊,馮盈盈一個人拎住 大袋戰利品行去搭車,過馬路時更 被風吹到頭髮凌亂。

參選港姐時已經公開有個十優醫生男友的馮盈盈,早前被本刊拍到同男友Martin煙韌拍 拖,對住男友更全程表現主動。

無論逼喺拉麵店食嘢,定去到停車場,馮盈 盈都𤠣擒主動攬啜男友,表現熱情。

除咗經常語出驚人,馮盈盈打扮亦夠放,不 時po相大晒澎湃身材、騷長腿派福利。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!