黃凱芹搭飛機 唔影相唔簽名 空姐O嘴：佢乜水？

「我今日唔影相，唔簽名。」

Facebook專頁「空姐與男空姐」日前出post，分享網民「林太」的一個小故事，配上一張雙眼打格的男士照片。表示某日有位男乘客在飛行途中，突然走到機艙廚房，然後「Chok住」咁同服務員講咗句：「Excuse me，我今日唔影相，唔簽名。」當時兩位90後年輕服務員即大感困惑，之後回應：「哦……」並心想點解會有人無啦啦話自己唔簽名？

而空姐不知道黃凱芹…

事後翻查乘客名單，先發現原來係80年代紅極一時的歌手黃凱芹！原post更引述當時有位資深服務員表示：「哦！原來係佢！難怪你哋(年輕人) 唔識！」此post一出即引來網民熱烈討論，不過「空姐與男空姐」專頁事後已刪post。

網民反應兩極

網民最鍾意食花生，唔少留言都指黃凱芹都已經甚少露面，甚至可以話係已經過時，認為佢自戀耍大牌，惹來瘋狂恥笑！

不過亦有網民持相反意見，因為黃凱芹話晒係80年代紅極一時的「情歌王子」，曾任港台DJ，演唱過唔少膾炙人口的經典金曲，包括〈傷感的戀人〉、〈雨中的戀人們〉等，當年真係迷倒萬千少女！而且人哋可能真係想靜靜休息，所以先禮貌主動提出唔影相唔簽名？加上呢段故事只係服務員的一面之辭，真假難辯。

全文完