黎明

黎明榮升爸爸 傳阿Wing早產誕B女

最新娛聞

廣告

早前本刊獨家爆出51歲黎明離婚六年感情再有滋潤,去年開始寵幸失婚女助手Wing Chan,兼阿Wing狗年報喜將榮升人母,陀B七個月!上月黎天王黎明在facebook宣布喜訊,承認與32歲、同樣離過婚的阿Wing交往,且女方已懷孕!今日有報道指阿Wing早產一個月誕下B女,因為早產嘅關係,所以比較輕,只有五磅左右,如今阿Wing為黎明誕下女兒,四大天王齊齊做「外父」!

撰文:東方新地|圖片:新傳媒圖片庫

51歲黎明做爸爸!

今日有報道指黎明正式榮升爸爸!據悉阿Wing早產一個月誕下B女,母女平安,真係可喜可賀!不過由於係早產的關係,所以B女比較輕,只有五磅左右。現時四大天王,可以改名做「四大外父」了!

黎天王上月認戀

黎明上月在其FB專頁寫著﹕「兩個經歷過離婚的人,有機會走在一起已是一種缘份,有了的小生命更將令我成為父親,并帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon” 」

出席活動 預告不接受訪問

黎明早前出席活動,事前張揚話不會受訪,活動後會即刻閃人。活動上黎明身穿白裇衫襯蝴蝶冷衫現身,他獲大會安排坐於嘉賓席,見Leon面露微笑和同場嘉賓有傾有講,心情明顯靚爆。

活動後急返家

活動結束後,黎明未有回應記者提問,急坐七人車返回位於上水雙魚河St.Andrews Place的6千呎獨立屋。

黎明女助手新寵曝光

一個多月前,外界都一直以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,阿Wing更狗年報喜將榮升人母,現時陀B六個月!

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
黎明