點只麥明詩 馮盈盈？ 學生妹女神大比拼

學生妹女神大比拼

麥明詩馮盈盈

麥明詩同馮盈盈兩位港姐冠軍無獨有偶，都係俾人感覺「貼地」，而兩人又唔係從大學畢業好耐，換上校服真係毫無違和感！

雖然第一次參演無綫劇，但其實江嘉敏拍攝經驗可不少，好似《女人多自在5》、《沒有牆的世界》及《我的家庭醫生》等港台節目，劇中角色一律都係學．生．妹！所以佢在《親親我好媽》再演學生，完全係駕輕就熟！

簡淑兒

有人話「鍾意笑嘅女仔特別受歡迎」，咁簡淑兒可能就係一個例子。簡淑兒曾經喺《愛回家之八時入席》憑住招牌腰果眼、甜美笑容加上密密短裙露長腿成為網民討論焦點。早前簡淑兒有份喺無綫劇《迷》登場飾演學生妹，雖然只係做配角，但一樣受到唔少觀眾嘅歡迎，俾網民大讚佢又靚又可愛！

簡淑兒今年27歲，只係比飾演媽媽嘅39歲田蕊妮細13年，但簡淑兒着起校服，睇落似足真嘅學生妹一樣，完全冇違和感。

簡淑兒為女子音樂組合「少女標本」成員之一，亦曾經參選2012年香港小姐選舉，大家望到佢個樣有無啲「初戀嘅感覺」？

王敏奕

王敏奕（Venus）主演的青春電影《初戀日記：賤男蜜擾》早前上映，Venus 頻頻喺instagram晒出「學生妹」劇照，有啲穿起校服展示pure一面，又着體育衫Show性感長腿，張張都影到好似寫真咁，認真令人流鼻血！

Venus坦言好彩自己無Baby Fat，都覺得甚爲滿意效果。但係就話男友曾國祥之前探班時，見到個索Look都「沒反應」，原來佢話男友曾國祥對事業型女性戀愛導師Look反應較大，話接受唔到！

其實Venus早年喺《女人俱樂部》亦有好大發揮，飾演年輕版朱莉(李麗珍飾)，劇中都有頻頻穿上校服，仲要係旗袍裙！無論係西裙定旗袍裙，Venus都輕易駕馭到！網民都覺得佢有幾份似李麗珍，甚至比李麗珍更加適合朱莉呢個角色。

《DIVA華麗之後》入面都扮過學生妹！

陳華鑫

2012年落選港姐陳華鑫(Gloria)有樣有身材，仲有一把好嬌嗲的BB聲，佢今次在劇中飾演陳敏之妹妹。雖然Gloria已經28歲，不過扮演中學生完全冇違和感，仲非常誘人！其中一場戲佢請教敏之如何升Cup，着住小背心係咁谷，睇到觀眾血脈沸騰！

Gloria真係每次出場都係短褲短裙晒美腿，小編希望佢今次有多啲戲份啦！

索學生配薯老師

飾演中學生就當然有校服look，Gloria着住校服短裙仔、小白襪黑鞋非常青春可人，之後仲會同薯到爆的中文老師沈震軒發展一段師生戀！

江嘉敏

江嘉敏早前在《親親我好媽》中飾演江美儀大女，一位17歲學生妹，因爲演技自然而大受好評！江嘉敏戲内係一位乖巧文靜，品學兼優的學生，真心純過蒸餾水！佢喺劇中同何廣沛嘅感情線，更是觀眾至愛情節！

雖然第一次參演無綫劇，但其實江嘉敏拍攝經驗可不少，好似《女人多自在5》、《沒有牆的世界》及《我的家庭醫生》等港台節目，劇中角色一律都係學．生．妹！所以佢在《親親我好媽》再演學生，完全係駕輕就熟！

李佳芯

早前大受歡迎的《踩過界》中，其中一集見到做領袖生的Ali着住灰色校服，紥起馬尾，清純氣質出晒嚟，難怪趙永洪都大讚佢純過蒸餾水！

35歲的Ali扮學生妹完全冇違和感，仲搞到小編回想起學生時代的甜蜜回憶 (如果有的話)…

鏡頭一轉 變夜蒲女神

正所謂「女大十八變」，鏡頭一轉，那些年的清純領袖生已不復見，取而代之的，係夜蒲女神！學生皮鞋變高踭鞋、校服裙變紫色貼身迷你裙，長大後做法官的Ali私生活多姿多采，熱情奔放，喜愛夜蒲，身邊男士團團轉！

「邪花」系Ali回歸

「在橫行無忌舞池內，令全場圍住也應該…」火辣Ali玩得勁投入，表情勁享受，之後再嚟一個近鏡，香汗淋漓的Ali眼睛半開合，露出一個極嫵媚的眼神，觀眾大呼不得了！Ali之前喺《律政強人》及《與諜同謀》都係比較正經的角色，發揮一般，今次終於回歸觀眾最愛佢演的「邪花」系角色！