黯夜守護者

黯夜守護者大結局|謝東閔又做Final Boss勁冇驚喜 江嘉敏淚崩爆發演技

最新娛聞

廣告

由徐正康和吳冠宇聯合監製、鄭成武編審的一連20集劇集《黯夜守護者》,今晚(30日)大結局。繼上集Rocky(陳國峰飾)被「神秘人」殺死、Da姐(陳敏之飾)在上一集亦告身亡,全城競猜的終極「Big Boss」身份終告曝光,「眾望所歸」是經常神出鬼沒的李文杰(謝東閔飾),而另一驚人秘密則為文杰原來是黑幫大哥大輝哥(歐瑞偉飾)的兒子。

黯夜守護者 神秘人的嘅真正身份係!?
神秘人的嘅真正身份係!?(圖片來源:TVB截圖)
黯夜守護者 原來是黑幫大哥大輝哥歐瑞偉飾)的兒子。
原來是黑幫大哥大輝哥(歐瑞偉飾)的兒子。(圖片來源:TVB截圖)

陳敏之慘死 江嘉敏爆喊場面催淚

上回講到威爺(李國麟飾)睇到「神秘人」真身,尾二一集文杰走進病房準備殺人滅口,豈料遭輝Sir(陳展鵬飾)撞破事敗,而目睹文杰用電槍電擊輝Sir的Da姐則被追至天台,並於掙脫期間意外墮樓身亡。在殮房認屍一幕,Da姐女兒小寶(江嘉敏飾)情緒大爆發,怒吼之餘還嚎啕大哭,場面催淚。江嘉敏透露拍攝當日,敏之的「死人妝容」一直保持神秘,直至Roll機一刻,江嘉敏才首度目睹對方「遺容」,她坦言自己因而迅速進入狀態:「一打開個屍袋,個感覺好真實,大家嘅反應好真,見到佢塊面咁多傷痕都好唔開心,拍完呢場戲我同敏之都不停喊。」

黯夜守護者
(圖片來源:TVB截圖)
黯夜守護者
(圖片來源:TVB截圖)
黯夜守護者
(圖片來源:TVB截圖)

江嘉敏5年時間大崩壞

由於最近無綫晚上重播《誇世代》(2017),觀眾一晚可以睇足「誇世代」的江嘉敏,然而5年前後的對比實在差得太遠,有網民Cap低兩劇近似的角度,江嘉敏的顏值和「腫脹程度」實在太令人崩潰,有網民更笑言「浮屍咁」、「呢5年你到底經歷咗啲咩」、「點然個下巴咁圓潤」等等

立即睇睇對比圖:

黯夜守護者 清楚見到鎖骨。
清楚見到鎖骨。(圖片來源:TVB截圖)
黯夜守護者 冇咗個下巴。
冇咗個下巴。(圖片來源:TVB截圖)
黯夜守護者 包實佢吧啦。
包實佢吧啦。(圖片來源:TVB截圖)
黯夜守護者 脹得太明顯喇!
脹得太明顯喇!(圖片來源:TVB截圖)
黯夜守護者 江嘉敏 將以短髮Look 姿態在台慶劇《四十二章經》中回歸。
江嘉敏 將以短髮Look 姿態在台慶劇《四十二章經》中回歸。(圖片來源:TVB截圖)
黯夜守護者 江嘉敏 將以短髮Look 姿態在台慶劇《四十二章經》中回歸。
江嘉敏 將以短髮Look 姿態在台慶劇《四十二章經》中回歸。(圖片來源:TVB截圖)

陳展鵬為角色「頹廢」到真人都攰

跟Da姐關係曖昧的輝Sir認屍現場雖看似冷靜,實質難過又自責,甚至一度諗唔開撞車自殘;及後在海旁的Solo剖白戲,更充分表現出他對於一次又一次間接令摯親離世的愧疚及無力感。陳展鵬事後受訪時坦言抽離角色有一定難度:「同以往好唔同,今次演一個比較有深度、有質感嘅人,我喺呢個角色度踩得好入,成個狀態係幾唔開心同辛苦。」展鵬又謂為了營造「頹廢」感,刻意搞到自己成日都好攰:「就算可以早收工,我都會做運動同夜少少瞓,等自己精神好攰、好疲態。」展鵬又特別感激監製及編審願意接納演員的想法,不斷修改劇本達致最佳效果:「好開心套劇一路有正評,多謝香港同海外觀眾支持。」

黯夜守護者 陳展鵬演得好唔開心。
陳展鵬演得好唔開心。(圖片來源:TVB截圖)
黯夜守護者 頹爆陳展鵬。
頹爆陳展鵬。(圖片來源:TVB截圖)

謝東閔又做Big Boss好冇驚喜!

至於Big Boss則眾望所歸是謝東閔,除了是殺手、亦是毒販「挪亞方舟」;對於Big Boss身份終於「見光」,東閔笑道:「好多人都一早估到,但為咗令大家睇得投入啲,就算同事問我係咪真係Big Boss,我都冇認呀。」東閔坦言今次角色內心世界複雜,最難是大部份劇情需用眼神交代,故事前自己下了不少準備功夫:「最難忘係個結局,因為有好多動作戲又開槍,大家花咗好多心思去設計同演呢一場,我都好期待。」對於部分網友嫌東閔角色木獨,監製吳冠宇解釋謂:「因為我哋想佢有突破,所以表情同聲線都刻意要求佢做得Under啲。」

黯夜守護者
(圖片來源:TVB截圖)
黯夜守護者
(圖片來源:TVB截圖)

即睇精華重溫!

《黯夜守護者》Finall Boss黑衣人真實身分有驚喜?

《黯夜守護者》大結局劇情劇透原來神秘毒販「挪亞方舟」與陳展鵬當年做卧底有關⋯⋯按此看16-20集大結局劇情劇透

《美麗戰場》其實係現代版「攻心計」?

最新預告片中,不但鏡頭穿插了陳瀅充滿心事和心計,方力申疑似是選美比賽的評判,對陳瀅一見鍾情,又穿插方力申與朱晨麗的熱烈擁吻畫面⋯⋯按此看《美麗戰場》劇情劇透

撰文:東方新地圖片來源:TVB截圖資料或影片來源:YouTube@TVB (official)