193郭嘉駿親回Cafe「呃錢」再寸爆網民 接獲投訴原來已「嚴肅跟進」

193寸毒男係「成本x」：佢哋唔會出街食飯

早前，193郭嘉駿與微辣的霍哥和Tina一同拍攝「西貢遊記」。霍哥和Tina特意到訪193開的cafe《Tanuki Coffee》，期間193提起之前「三文治僅得麵包」被網民投訴一事，並回應「我都費事回應嗰啲人，喂，嚟得Cafe就係呃錢㗎啦」，並指這是「你情我願」。同時，193亦回應有網民控訴賣得貴等言論，「又不諗吓鋪租、裝修、人工等，我將他們稱為『成本x』，這種我不會理佢，因為佢哋基本不會出街食飯，喺屋企煮餸，梗係覺得平」。

193認有不足 涉事三明治已改進

不過其後他也有解釋因為開幕的時候很忙，店員做不來，麵包沒有切好，以致被投訴一半都是麵包，193事隔幾個月終於都承認當時有不足：「我明白啲人排咗咁耐隊仲要食啲咁嘅嘢係好失望，所以我哋而家好足料喇」，並稱現時已改良麵包會切到底和底部都有餡料，同時加入炒蛋增加濕度和轉換麵包。

193再次直接叫人不要來自己cafe

當193回應網民言論後，霍哥表示自己網上罵人已經很出位，但193更加厲害，並稱讚193「勇者無懼」，敢於直言。193則回應「我驚咩啫，你鬧我，我又係咁樣賺錢。鬧我嘅人根本不會嚟。」並指「如果你要平就不要來café，去食兩餸飯。我食燒味飯都係＄20幾30」強調質疑佢的人都係無做過生意的人！霍哥聽到都o晒咀咁，對193表示敬畏！

完整影片：

網民甘願被呃？稱「佢又講得啱喎」

不少網民表示同意193的說法，「事實上真係好多成本x，出街食又話貴，買外賣又話唔抵，咁x叻咪餐餐自己煮囉」、「今次佢又講得岩喎，連登仔下下都講成本幾錢, 跟著人地賺錢都唔得, 賺錢已經係奸商咁」、「佢講得岩，佢班傻x Fans送錢比193洗唔通唔要咩，你情我願」。也網民表示193其實「講到明呃你錢」，暗示光顧的人已知道。