世界盃2022 世界盃

ViuTV世界盃女主持|三大女神鬥講波 港女 vs MK妹 vs 人妻

最新娛聞

廣告

世界盃2022正式開鑼,ViuTV 除左有免費現埸直播外,賽事前後都有節目加強收視,更搵黎多位人氣KOL女神坐陣,當中疑似受到力棒嘅杰寧(潘杰寧Kelena)、Ah Gi(樊沛珈)、嘉盈(王嘉盈)3位無論個性、外型、風格都屬於不同類型,似乎想大包圍迎合不同觀眾口味。而3位女神各有千秋,亦引起網民討論:3大女神點揀好?

人妻潘杰寧(37歲)美貌智慧並重

人稱「杰寧公主」嘅潘杰寧(Kelena)現年37歲已貴為人妻,但外表相當逆齡,不但長相清純甜美,外表亦充滿知性溫婉氣質。而杰寧曾效力過有線電視,主持過不少體育節目,因而亦收割一批粉絲。而杰寧自稱係女球迷,自12歲睇咗1998年世界盃當時18歲嘅英格蘭球員奧雲(Michael James Owen)嘅英姿後即被迷倒,從此更成為利物浦忠粉。

今次參與世界盃節目應該對杰寧毫無難度,不時表現出頭頭是道,可見對足球運動有一定認識。她除了擔任體育節目主持外,本身是一名心理輔導員畢業於香港大學心理學學位及社會科學(輔導學)碩士,現時為香港專業輔導協會會員及候選認證輔導師。

世界盃2022 潘杰寧 潘杰寧本身是足球狂熱分子。
杰寧除了擔任體育節目主持,亦是一名心理輔導員畢業於香港大學心理學學位及社會科學(輔導學)碩士。(圖片來源:ViuTV截圖)
世界盃2022 潘杰寧 點睇都唔似三字頭。
點睇都唔似三字頭。(圖片來源:IG@kelena.kitning)

Ah Gi(32歲)黑面女神

樣子標緻嘅樊沛珈(Ah Gi)現年32歲,輕熟女外型滲出陣陣女人味,加上一雙均稱美腿迷倒唔少網民。與眾多KOL女神唔同嘅係Ah Gi俾觀眾嘅印象好cool,因照片十居其九「口黑面黑」,被網民形容「靚女得黎成日西面,港女形象代表」。但正因如此,反而深受網民喜愛。離開短片平台「啱Channel」後Ah Gi投身MakerVille,今次係Viu TV擔任世界盃女神似乎受到力棒,而網民發現Ah Gi形象亦有所改變,不但除低「西面面具」,節目上表現積極,更不時露出甜笑,令網民大呼好治癒!

世界盃2022 Ah Gi現年32歲,輕熟女外型滲出陣陣女人味。
Ah Gi現年32歲,輕熟女外型滲出陣陣女人味。(圖片來源:IG@ahgigiha)
世界盃2022 2022世界盃 Ah Gi被網民封「西面女神」。
Ah Gi被網民封「黑面女神」。(圖片來源:IG@ahgigiha)

嘉盈絕種MK妹

「熊仔頭」FHProductionHK成員嘉盈(王嘉盈 Kaying)因甜美外貌及姣好身材而受到網民關注,其出位嘅言論亦引起不少話題,被喻為「MK女王」、「絕種MK妹」嘅嘉盈IG上更擁有近25萬粉絲,可謂極俱人氣。而自稱擁有33E嬌人上圍嘅嘉盈以往鏡頭前打扮一向大方,不時作清涼打扮大派福利,但喺世界盃節目上嘉盈似乎打算「封胸」不再性感示人,打扮傾向可愛日系少女風格,雖然獲得不少網民大讚好清新,不過亦有網民認為失色不少,加上鏡頭不時影到嘉盈掛住食零食而甚少參與話題,被嘲似「現場觀眾」。

世界盃2022 嘉盈 亦試過戴上眼鏡,做「眼鏡娘」。
嘉盈封胸做主持,被網民柴台!(圖片來源:ViuTV截圖)
世界盃2022 2022世界盃 嘉盈不時在社交媒體上大派福利。
嘉盈不時在社交媒體上大派福利。(圖片來源:IG@kaaying219)
世界盃2022 2022世界盃
嘉盈有時走MK路線,有時走純情路線。(圖片來源:IG@kaaying219)

李蔓瑩(32歲)挑戰講波

32歲李蔓瑩 Renee 陪你睇世界波!本身係足球迷嘅李蔓瑩,在世界盃開波前,幫快餐店宣傳出Post,十分落力嘅Renee,拎住個波講波,仲叫大家挑戰佢⋯⋯

Renee咁講「我的確好期待世界盃!!!練聲打氣之餘~係要嗌”Gooooooo”啊~~👊🏻」

世界盃2022 李蔓瑩 世界盃 plt 李蔓瑩帶你睇世界波
李蔓瑩帶你睇世界波 (圖片來源:reneebobo@IG)
世界盃2022 李蔓瑩 世界盃 plt
李蔓瑩在世界盃開波前,幫快餐店宣傳出Post。(圖片來源:reneebobo@IG)
世界盃2022 李蔓瑩 世界盃 plt
Renee咁講「我的確好期待世界盃!」(圖片來源:reneebobo@IG)
世界盃2022 李蔓瑩 世界盃 plt
本身係足球迷嘅李蔓瑩,十分落力練氣中!(圖片來源:reneebobo@IG)
世界盃2022 李蔓瑩 世界盃 plt
李蔓瑩獲球迷勁讚。(圖片來源:reneebobo@IG)


Renee真係好鍾意睇波!

杰寧完勝 網民:重點係識睇波

對於3位KOL女神嘅表現,網民們似乎各有所愛,但論最受歡迎非杰寧莫屬。全因杰寧係一位真球迷,喺節目上對比Ah Gi同嘉盈嘅表現,杰寧明顯係一位「識波之人」,有不少網民大讚從杰寧喺節目嘅言談中表現出對足球運動有一定認識:「杰寧識啲嘢」、「杰寧公主真球迷」、「話明世界盃女神就應該識睇波」,因而更受網民喜愛。

世界盃2022 2022世界盃
(圖片來源:LIHKG討論區)

靚女主持講波勁吸睛

now TV評述員團隊陣容強勁,女將李佩芝(佩芝)和關珮姿(KK)都好靚女搶鏡,而體育主持張嘉殷(Ayanna)、麥麗怡(Lily)及《90分鐘狂熱倒數》羅允芝(Giann)更跨台亮相ViuTV,備受網民熱捧,睇靚女講波份外開心。

世界盃2022 李佩芝是now TV靚女主持之一。
李佩芝是now TV靚女主持之一。(圖片來源:IG@gigilee2008)
世界盃2022 張嘉殷有份主持《FIFA世界盃2022》。
張嘉殷有份主持《FIFA世界盃2022》。(圖片來源:ViuTV截圖)
世界盃2022 27歲的麥麗怡是now TV體育節目主持。
27歲的麥麗怡是now TV體育節目主持。(圖片來源:ViuTV截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部份內容轉載自New Monday)圖片來源:TVB《愛回家之開心速遞》、[email protected]、IG@ahgigiha、IG@kaaying219、LIHKG討論區、ig@reneebobo、nowTV截圖資料或影片來源:原文刊於NewMonday