Ana R.宣布誕下巨B 囝囝順利剖腹出世

Ana R.宣布誕下巨B

今日，陀住第二胎嘅Ana R.終於生咗喇！據了解，Ana R.囝囝重4.3kg，即約9.5磅，屬於巨B！由於佢今年38歲，屬於高齡產婦，生產會有一定風險，故Ana R.選擇剖腹生產，幸好母子平安！

就喺生b前一日，Ana R.於個人社交網上載bb喺佢肚中郁動嘅片同大家分享，仲寫住bb已經等唔住要出世，結果一如佢所料，呀仔今日就出嚟見媽咪。

30歲嘅JC於本月19日作動及順產誕下8.8磅B仔，安志杰稱太太JC整個生產過程非常順利，入產房十幾分鐘BB就出世，而且BB出世一刻，特登推掉幾個工作陪老婆生B，並對囝囝是個巨B感到十分驚喜，全家上下都好開心，又感謝上天送一仔一女俾佢。

據安志杰稱，B仔重8.8磅，身長53cm，醫生都話好勁，好少有咁大巨B。另外，佢亦已同仔仔改名，Elvis，並有趣地與已故美國搖滾樂巨星「貓王」皮禮士同名。

啱啱出世嘅Elvis雖然雙眼合起，但嘴仔望落好似笑緊咁。

老竇安志杰用強而有力嘅臂彎，溫柔抱住剛出世嘅囝囝。

據知JC生完兩日就已經出院，佢亦感謝家人及朋友關心，以及上天俾佢咁大福氣，有咁多人陪佢待產。至於會唔會再生，JC就話順其自然，因為就算再生都要等一段時間。

聽講2歲姐姐Tessa見到細佬第一眼，就已情不自禁咁不停錫細佬，對細佬又好細心，Tessa一定會係個好家姐！

Tessa又眼定定望住細佬Elvis，相信兩姊弟將來感情會好好！

一向愛錫老婆嘅安志杰錫錫JC做「獎勵」，一家四口幸福滿瀉！

而安志杰妹妹亦有上載去醫院探JC嘅合照，據知安志杰媽咪同細妹特登喺外國飛返嚟睇BB出世，而相中見到JC餵緊人奶，完全零遮掩，大方示人！

早前，陀住第二胎嘅Ana R.就公開咗一輯大肚寫真相，唔知係咪同好友Jessica C.(JC)心有靈犀，臨盤在即，同樣影咗一輯性感大肚照留念，大多照片都係只披薄紗上陣！

Ana R.或僅以薄紗護胸，見佢手腳依然纖幼！

表情cool cool地，但依然眉羽間仍表露出自然美，型格之餘，亦帶美感！

唔望鏡頭影相嘅Ana R.依然靚靚！

其中一張相，Ana R.僅以外套上陣，更中門大開，性感程度拍得住好友JC！

名模JC之前就為慶祝自己生日，放出自己嘅大肚照。

JC嘅大肚照則以黑白色為主，有別於一般色彩鮮豔嘅照片，非常有特色！

而老公安志杰亦同時放出一張一家四口嘅相，相中可見以內衣及內褲上陣嘅JC露出巨肚，躺在有六舊腹肌半裸嘅安志杰懷中，而女兒Tessa則輕撫着媽咪個肚，非常溫馨～

而另一張則係老婆JC緊緊抱住女兒Tessa，望落女兒同媽咪都有幾分相似，一樣係個美人胚。

其後，JC又再多放兩張大孕相，相嘅風格同之前都有啲似。

其實，點解兩位名模大肚都可以仲咁索？相信好多人都會好羨慕！

關鍵詞