Anson Lo

Anson Lo被封MIRROR傷患擔當「玻璃人」 一文睇清十大病痛

最新娛聞

廣告

MIRROR有兩大「容易受傷的男人」,包括Anson Lo盧瀚霆)與姜濤,二人久唔久就頭暈身㷫,周身都有傷患。日前Anson Lo出活動時更因嚴重脫水加感冒而暈倒,有見及此,有網民嚴選Anson Lo歷年十大傷患,教主被封隊中傷患擔當,脆弱過玻璃!

Anson Lo Anson Lo近年真係周身病痛,身子好弱。
Anson Lo近年真係周身病痛,身子好弱。(圖片來源:東方新地圖片)

Anson Lo接力做病君

人氣男團MIRROR日前以「星級應援團」身份出席保險公司活動,繼姜濤腳傷有情緒病多次缺席後歸隊,今次輪到Anson Lo突然話唔舒服,最後由經理人花姐攙扶下離開,Anson Lo之後在社交網發文報平安:「我沒事,只是暈了,未能完成訪問,對此十分抱歉,去醫院檢查。晚一點再和大家UPDATE,別擔心我。」睇完醫生再透露最新情況:「看了醫生做了檢查,休息了半日,想跟你們update一下,今天沒有拍照惟有用這一張吧,醫生說我嚴重脫水/缺水,再加上昨晚已經有一些感冒,所以身體支撐不住暈倒,其實做兩個訪問時都叫自己盡力撐住,但拍最後一個訪問時,真的Hold不住了!」

網民有感Anson Lo近年由頭傷到落腳,在連登討論區出po嚴選Anson Lo十大傷患,唔數都唔知佢真係潺成咁囉!

Anson Lo 日前在公開活動暈倒的Anson Lo,經過休息已無大礙。
日前在公開活動暈倒的Anson Lo,經過休息已無大礙。(圖片來源:IG@ansonlht)
Anson Lo Anson Lo在社交網報告自己的身體狀況。
Anson Lo在社交網報告自己的身體狀況。(圖片來源:IG@ansonlht)

1. 感冒暈低

日前Anson Lo感冒嚴重脫水,當眾不適暈倒,網民話佢同姜濤鬥身體潺弱,總之病痛要多過姜濤

Anson Lo Anson Lo算是體弱多病。
Anson Lo算是體弱多病。(圖片來源:IG@ansonlht)

2.胃抽筋

Anson Lo去年與欣宜合作開騷,教主冒生命危險拉埋最後一首歌,完騷後即時胃抽筋,被工作人員扶走。

Anson Lo 曾經在表演時胃抽筋。
曾經在表演時胃抽筋。(圖片來源:IG@ansonlht)

3.失聲ONE & ALL LIVE前夕失聲

Anson前年於ONE & ALl LIVE前夕,因嚴重過勞令聲帶發炎及結繭,導致失聲,當時有指醫生叫佢停工兩個月休息,網民笑言呢單都幾過分,應該終身收皮。

Anson Lo 又試過失聲。
又試過失聲。(圖片來源:IG@ansonlht)

4.發燒

Anson Lo工作排山倒海,成日捱更抵夜體力不支,時不時在拍劇、拍節目期間發燒,免疫系統差到一個點!

Anson Lo 發燒係家常便飯。
發燒係家常便飯。(圖片來源:ViuTV影片截圖)

5.膝蓋舊患

久唔久練舞或表演後都話傷及膝頭舊患,看來勞損情況都好嚴重。

Anson Lo 拍MV傷及膝蓋舊患。
拍MV傷及膝蓋舊患。(圖片來源:IG@ansonlht)
Anson Lo 拍MV坐得太耐都話隻腳郁唔到好痛,要人幫手。
拍MV坐得太耐都話隻腳郁唔到好痛,要人幫手。(圖片來源:IG@ansonlht)

6.撞爆額頭

拍電影《假冒女團》時,Anson Lo拍攝動作場口時,曾經唔小心撞爆額頭搞到爆缸,被指假戲真做夠晒落力!

Anson Lo Anson Lo拍電影《假冒女團》時葉問上身。
Anson Lo拍電影《假冒女團》時葉問上身。(圖片來源:IG@ansonlht)
Anson Lo 拍電影又撞傷額頭。
拍電影又撞傷額頭。(圖片來源:連登討論區截圖)

7.搭計程車扭親條腰

Anson Lo話自己前年搭計程車遇上車禍,的士突然被撞上行人路,扭親條腰,網民話香港叫「的士」唔係「計程車」,笑佢唔知邊度鄉下!

Anson Lo Anson Lo曾公開出po話自己搭的士都扭親腰。
Anson Lo曾公開出po話自己搭的士都扭親腰。(圖片來源:IG@ansonlht)

8.風濕

練舞多年的Anson Lo當然有唔少舊患,他曾自爆有關節風濕,拍MV時更觸及膝頭舊患,又要公開話畀大家知。

Anson Lo Anson Lo早前公開自爆有風濕腰痛。
Anson Lo早前公開自爆有風濕腰痛。(圖片來源:ViuTV影片截圖)

9. 對冷衫敏感一身紅印

2021年播出嘅ViuTV劇集《大叔的愛》,同劇演員娟姐練美娟於IG Story上載Anson Lo的裸背,見其背部出現大量紅色疑似抓痕,Anson Lo本人轉發解釋,指背上的紅印是他對冷衫敏感所致。

Anson Lo 事後公開背部傷痕。
對冷衫敏感搞到一背脊都係紅印。(圖片來源:IG@linkuen13)

10.拍《King Kong》 MV𠝹到爆血

Anson Lo去年拍《King Kong》MV堅持親身上陣拍打鬥場面,點知整傷手指要即時用液態膠布處理,Anson Lo痛到忍唔住大叫,真係好怕痛!

Anson Lo Anson Lo拍MV整親手指大叫好痛。
Anson Lo拍MV整親手指大叫好痛。(圖片來源:IG@ansonlht)

網民力數傷患遺珠-心理病

有網民指出,其實AnsonLo的病痛唔止十樣,其實仲有第十一樣「心理病」。

Anson Lo 網民指教主還有心理病。
網民指教主還有心理病。(圖片來源:連登討論區截圖)
Anson Lo
(圖片來源:連登討論區截圖)
Anson Lo
(圖片來源:連登討論區截圖)
Anson Lo
(圖片來源:連登討論區截圖)
Anson Lo
(圖片來源:連登討論區截圖)
Anson Lo
(圖片來源:連登討論區截圖)
Anson Lo
(圖片來源:連登討論區截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@ansonlht、東方新地圖片、連登討論區截圖