BB來了

《BB來了》大團圓大結局 三大催淚位 反思婚姻的真義!

最新娛聞

廣告

TVB劇集《BB來了》開播以來贏盡口碑,靠寫實劇情,俘虜一眾港媽!早前大結局中,劇中幾對夫妻伴侶經歷咗廿集風風雨雨之後,亦終於有個了斷!一齊重溫吓,透過主角們嘅經歷,為觀眾帶嚟幾多對婚姻,對家庭嘅反思。

撰文:Sunday Kiss 圖片:MyTVsuper截圖

《BB來了》大結局 三大催淚位

原來從來都冇怨過!

飾演李佳芯爸爸媽媽嘅羅樂林同陳秀珠,一直係觀眾眼中嘅「怨偶」,因為後生時爛賭,差啲搞散到家,所以日日畀老婆怨,當個女喺婚姻出現危機時,都話唔想第時好似阿爸阿媽咁。但係陳秀珠一段剖白,先令觀眾明白,原來佢從來都冇怨過!

匿埋衣櫃聽到晒⋯⋯

婚姻,就係難得搵到一個同自己配合,就算幾多怨懟,經過幾多歲月,都依然無悔嘅人!

有多少愛可以重來?

徐榮同楊卓娜呢一對「有過去的人」,男嘅外表粗聲粗氣,講說話不留餘地,但係內裡其心細心體貼,對阿妙兩母子照顧有加。但係阿妙以為惡奶奶盧宛茵唔可能接受到自己,所以諗住帶埋個仔走,唔想再令徐榮做磨心!最終徐榮就以一首成日唱嘅有《多少愛可以重來》,令阿妙回心轉意!

當兩個有經歷嘅人,搵到一個值得等待,值得去愛嘅人,就會搵到去愛嘅勇氣,圓滿不完美嘅人生。

真實嘅婚姻,就係柴米油鹽,一啲都唔浪漫,一啲都唔完美!?

劇集尾段講到,李佳芯同黎諾懿因為價值觀出現咗嚴重嘅分歧,陷入婚姻危機,佳芯BB仲一度同老公分居,甚至考慮要離婚。但係經歷一次「平行時空」嘅夢境,兩個同時夢見自己如果冇遇到對方,人生就會出現大逆轉後,至發覺原來可以遇到對方係一件幾幸運嘅事!加上黎諾懿終於都知錯反省,終於令佳芯BB回心轉意,重建幸福之家!

如果因為一個電話,佢哋冇喺埋一齊⋯⋯

佢同咗佢一齊⋯⋯

佢又同咗佢一齊⋯⋯

至會發覺遇到對方有幾好⋯⋯

黎諾懿終於知錯喇~

終於好番喇!

「只有做咗人父母,至會明白上一代對我哋嘅付出,父愛同母愛唔係天性,係一個好漫長嘅學習過程,BB成長,父母都一齊成長,係佢令我哋明白生命嘅底蘊,就係苦樂參半,同喺不完美嘅人生裡面體現愛。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!