劉德華

Chok爆射飛靶 劉德華泰國廣告曝光

最新娛聞

廣告

藝人 劉德華 (華仔) 今年1月17日在泰國拍廣告時發生意外,在馬上摔倒墮地,導致盆骨撕裂及腰脊骨裂,其後乘醫療專機返港送院。在養和醫院留院51日後,華仔今月10日終於宣布可以出院,粉絲們可以鬆一口氣啦!而華仔當時拍攝的綠茶廣告今日正式曝光,着上西部牛仔裝的華仔非常有型,在牧場玩飛靶射擊,不過就未見到佢騎馬英姿。

華仔:我回家了

華仔一月在泰國受傷後,隨即乘乘醫療專機返港送院,之後一直在養和醫院接受治療。直至本月10日,華仔及其經理人公司齊發聲明,指佢傷勢恢復的相當順利,盆骨骨折癒合情況理想脊椎骨裂、坐骨神經系統、肌肉及跟腱拉傷,則慢慢修復當中,可以出院。華仔亦上載一張對鏡頭致敬的相片,宣布自己回家了,多謝大家關心!

型爆射靶

今日華仔拍攝的綠茶廣告正式曝光,片中見到佢着上全套西部牛仔裝束,手持長槍在牧場踱步。之後見佢走到一大片草地,原來係玩緊飛靶射擊!

鏡頭一轉,飛靶接二連三向天空射出,華仔隨即瞄準開槍,而且更是例不虛發,將全部飛靶一一擊得粉碎。之後畫面再遠遠影着華仔抬頭望向天的背影,相當有型有款!

Chok爆歎茶

咁都未係最有型,射完飛靶後,戴番黑超的華仔坐埋一邊休息,雙腿放上欄杆,然後一臉寫意咁飲綠茶。不過大家都知道華仔係被馬踩傷,但呢個廣告中未見有馬,似乎就仲有第二輯廣告未出街啦!

 

廣告全片:

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!