firstlove 初戀

First Love 初戀︳八木莉可子 vs 滿島光!林日曦睇到流淚但係怒插4宗罪

最新娛聞

廣告

八木莉可子 與滿島光在Netflix日劇《First Love 初戀》分別飾演女主角野口也英的少女版和成年版,劇集單係預告已經引起唔少轟動,全因該劇用宇多田光經典歌曲《First Love》的歌詞作為基礎創作故事,簡直係80、90後的「回憶殺」。《First Love 初戀》喺Netflix一上架無耐,已經上榜香港頭2位,掀起久違的日劇潮,不少藝人都陷入煲劇潮!不過現時旅居日本的林日曦,就在北海道現場撰文寫劇評,怒插《First Love 初戀》4宗罪!

firstlove 初戀 First Love 初戀 《First Love 初戀》喺Netflix一上架無耐,已經上榜香港頭3位
《First Love 初戀》喺Netflix一上架無耐,已經上榜香港頭3位(圖片來源:《first love》)

個個係度大讚Netflix日劇《First Love 初戀》時,前100毛腦細林日曦就寫千字文怒插,雖然林日曦都表示自己都忍唔住睇到流下男兒淚,套劇亦有佢好睇之處,但都要鬧一鬧套劇。

firstlove 初戀 First Love 初戀 前100毛腦細林日曦
前100毛腦細林日曦旅居日本,強調札幌就好似佢第2個屋企咁。(圖片來源:ig@lam1hey)

批評1. 迴旋處成出戲位

首先迴旋處問題,林日曦指佢一口氣睇晒9集,主要原因都因為佢正身處劇集取景的北海道札幌,林日曦強調札幌就好似佢第2個屋企咁,近7、8年都斷斷續續喺札幌居住,所以佢特別留意劇中每個場景。但故事開始時女主角揸住架的士入迴旋處的時候,就被林日曦發現札幌係無迴旋處,仲上網搵到嗰個迴旋處係距離札幌兩個鐘車程嘅另一個城市旭川。林日曦就表示「咁你話人哋接到幾個order由札幌揸去旭川唔得呀?得……但女主角入職訓練又係揸去旭川?都得嘅……但男主角搭的士去中島公園都會經過旭川?」似乎呢個位令林日曦有所出戲?

firstlove 初戀 First Love 初戀
(圖片來源:《first love》)
firstlove 初戀 First Love 初戀
(圖片來源:《first love》)

批評2. 少女主角1米7 、去到30歲就縮水?

其次,林日曦指出劇中年輕女主角(八木莉可子飾演)生得好高,演員身高足足1.69,但大個咗之後的滿島光,雖然演員報稱1.62米,但目測就細粒好多。林日曦表示,「雖然都明人類係會隨住年齡而縮水,不過30幾步就開始縮會唔會太早」?

firstlove 初戀 First Love 初戀
(圖片來源:《first love》)

批評3. 又係「日劇跑」

第3,「日劇跑」。少女、戀愛日劇中,一定唔少得「日劇跑」呢啲劇情,不過林日曦就認為「冰天雪地唔驚跣親㗎咩?」不過佢都話呢個純粹循例講吓。

firstlove 初戀 First Love 初戀
(圖片來源:《first love》)

批評4. 失憶劇情老土《First Love》首歌都救唔返

最後,林日曦指套劇真係幾老土吓,而好彩佢個人又好鍾意老土日劇,自己寫啲劇都好老土,所以都睇到含蓄喊,仲表示套劇如果放喺佢十幾歲嗰時即頭可以上埋神檯,封埋做「神劇」,特別係仲要用埋宇多田光《First Love》呢首經典歌, 不過最尾一集真係老土到連佢都喊唔出,出埋《First Love》首歌都救唔返了。

firstlove 初戀
(圖片來源:林日曦)
firstlove 初戀 First Love 初戀 網民留言表示認同,但都係想睇
網民留言表示認同,但都係想睇(圖片來源:ig@lam1hey)

Netflix 迷補一刀 : 女主角太似余文樂!

香港Netflix討論群組亦有關於《First Love初戀》的討論,其中最熱烈談論的竟然係關於八木莉可子「女生男相」撞面余文樂的討論!原來有唔少觀眾都覺得少女主角八木莉可子某些角度唔夠靚,仲好似余文樂扮王馨平!唔少網友都表示「好彩睇咗,否則返唔到唔轉頭」!仲用以下圖片作對照!

firstlove 初戀 八木莉可子演講一幕的則面,勁似余文樂!
八木莉可子演講一幕的則面,勁似余文樂!(圖片來源:Netflix)
firstlove 初戀 同成年版的滿島光實在相差太遠⋯⋯
同成年版的滿島光實在相差太遠⋯⋯(圖片來源:Netflix)
firstlove 初戀 2001年出生的八木莉可子15歲被選為「寶礦力美少女」,當年拍攝寶礦力廣告出道。
2001年出生的八木莉可子15歲被選為「寶礦力美少女」,當年拍攝寶礦力廣告出道。(圖片來源:Netflix)

10年前《春嬌與志明》余文樂扮王馨平拍攝《別問我是誰》MV花絮

firstlove 初戀
(圖片來源:Media Asia)
firstlove 初戀
(圖片來源:Media Asia)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:ig@lam1hey、《first love》資料或影片來源:原文刊於NewMonday