TVB

ISWIM|Stanley被批單腳游水膠味濃!超越網民嚴選TVB十二大「膠爆」畫面?

最新娛聞

廣告

Viu人氣劇集《I SWIM》Stanley單腳游水戲被網民批膠味濃,甚至話睇返大台《戀愛自由式》破冰轉身都冇咁嬲,唔知呢幕有冇可能同以下十二個TVB劇 「膠爆」場口有得鬥?創下新經典?

TVB iswim 負傷上陣,左腳腫到豬蹄,單腳自由泳游贏對手﹗
負傷上陣,左腳腫到豬蹄,單腳自由泳游贏對手﹗(圖片來源:ViuTV《ISWIM》截圖)

ISWIM|劇情大暴走網民力數7大膠位 全套劇勁多錯處逐項捉

TVB膠劇 徐子珊不死之身 破冰轉身 家族榮耀 TVB TVB膠劇 TVB劇集「精彩」場面多
TVB劇集「精彩」場面多(圖片來源:無綫電視截圖)

1)唐寧破冰轉身

TVB膠劇 徐子珊不死之身 破冰轉身 家族榮耀 TVB TVB膠劇 唐寧拍攝《戀愛自由式》時只有21歲
唐寧拍攝《戀愛自由式》時只有21歲 ,青春可人(圖片來源:TVB USA Official@YouTube )

ViuTV嘅青春劇《i.SWIM》播放在即,但早喺接近20年前,無綫已經製作呢類以游水為題材嘅偶像劇,《戀愛自由式》由鄧麗欣、陳文媛、蕭正楠、唐寧及黃宗澤主演,經典場面不得不提唐寧為咗喺比賽中勝出,使出絕招「破冰轉身」,模仿着溜冰鞋溜冰嘅原理,身體減少咗同水嘅接觸後,包住佢嘅水立即結冰,當一發力嗰陣,唔止啲冰碎晒,仲一支箭咁向前飆,贏咗本來領先好多嘅對手,當年有觀眾話仲因為呢場戲,真係去咗研究點樣「破冰轉身」。

TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:TVB USA Official@YouTube)
TVB膠劇 徐子珊不死之身 破冰轉身 家族榮耀 TVB TVB膠劇 游水游到溜冰咁,唔講劇本,當然TVB喺特技上都花咗唔少心思。
游水游到溜冰咁,唔講劇本,喺特技上都花咗唔少心思。(圖片來源:TVB USA Official@YouTube)
TVB膠劇 徐子珊不死之身 破冰轉身 家族榮耀 TVB TVB膠劇 就算唔係「破冰轉身」,劇中其他泳姿都非一般。
就算唔係「破冰轉身」,劇中其他泳姿都好非一般,例如呢招片石轉身。(圖片來源:TVB USA Official@YouTube)

2) 姚子翔被撞飛

TVB膠劇 徐子珊不死之身 破冰轉身 家族榮耀 TVB TVB膠劇 姚子羚喺《黃金有罪》被車撞呢幕,被網民話又慘又好笑。
姚子羚喺《黃金有罪》被車撞呢幕,被網民話又慘又好笑。(圖片來源:《黃金有罪》截圖)

前年播出嘅《黃金有罪》,有場戲講姚子羚手上因為有張兆輝嘅罪證,所以張兆輝逼佢交出嚟,兩人爭奪期間,姚子羚衝出馬路被車撞飛,一飛仲飛得好遠好高,有幾遠?足足有幾個身位,但姚子羚落地之後,除咗嘴角有血兼暈咗,頭髮竟然冇咩亂,仲保持到個靚樣,身手拍得住漫威英雄。

TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:《黃金有罪》截圖)
TVB膠劇 徐子珊不死之身 破冰轉身 家族榮耀 TVB TVB膠劇 被車撞完仲咁靚,睇嚟導演好錫住姚子羚。
被車撞完仲咁靚,睇嚟導演好錫住姚子羚。(圖片來源:《黃金有罪》截圖)

3)徐子珊不死之身

其實TVB嘅女藝人真係百般武藝,個個身手了得,其中徐子珊就係佼佼者。佢喺《神鎗狙擊》飾演一名督察,要去儆惡懲奸,就當然會遇到危險場面,劇中講徐子珊遇到嘅槍戰、爆炸、跳樓逃生嘅戲,可能多過講佢食飯嘅戲,佢仲炸極都唔會死,動作場面十足荷李活級製作。有集講子珊趕到案發現場時就發生爆炸,逃生嘅佢即飛撲遠離身後嘅建築物,個姿勢喺奧運體操項目話唔定會攞到滿分。

TVB膠劇 徐子珊不死之身 破冰轉身 家族榮耀 TVB TVB膠劇 呢場戲子珊大顯身手,先喺樓梯跳起反身對抗犯人,再避過炸彈襲擊後,由高處跳落地面成功捉到犯人,非常厲害。
呢場戲子珊大顯身手,先喺樓梯跳起反身對抗犯人,再避過炸彈襲擊後,由高處跳落地面成功捉到犯人,非常厲害。(圖片來源:《神鎗狙擊》截圖)
TVB膠劇 徐子珊不死之身 破冰轉身 家族榮耀 TVB TVB膠劇 唔知徐子珊有冇考慮向動作演員方向發展
子珊或者可以考慮向動作演員方向發展(圖片來源:《神鎗狙擊》截圖)
TVB膠劇 徐子珊不死之身 破冰轉身 家族榮耀 TVB TVB膠劇 呢個姿勢咁優美,成為網民最喜愛的meme圖之一。
呢個姿勢咁優美,成為網民最喜愛的meme圖之一。(圖片來源:TVB 截圖)

4)謝天華單手攀石

TVB膠劇 徐子珊不死之身 破冰轉身 家族榮耀 TVB TVB膠劇 謝天華單手攀石,世上有幾多人做到
謝天華單手攀石,世上有幾多人做到(圖片來源:TVB USA Official@YouTube )

同樣係《神鎗狙擊》,謝天華單手攀石呢一幕都係經典。場戲喺講謝天華喺戶外攀石期間,突然電話響,佢諗都唔使諗就左手拎個電話出嚟聽,右手繼續抓住嚿石,完全冇做安全措施喺半空輕鬆傾完個電話,面不改容地繼續攀上頂。不過咪以為咁強勁嘅臂彎係得謝天華獨有,《換命真相》嘅譚俊彥都可以凌空曲手抽起蔣家旻,同樣臂力驚人。

TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:《換命真相》截圖)

5)石修催眠大法

石修喺劇中催眠法簡直係神級,仲要唔止運用過一次。喺2004年《隔世追兇》,飾演心理學專家嘅石修追捕駱應鈞期間,被對方手下用槍威嚇,生命受威脅嘅一刻,石修使出催眠大法:「你流緊血,你睇地上,一滴、兩滴、三滴」,用10秒嘅時間就成功催眠咗對方,得以脫險。橋唔怕舊,就緊要受!2011年台慶劇《荃加福祿壽探案》,石修用番同一個催眠法搞掂咗戴耀明,自抽咁高招,令觀眾笑到反肚。

TVB膠劇 徐子珊不死之身 破冰轉身 家族榮耀 TVB TVB膠劇 石修喺《隔世追兇》用10秒催眠咗想殺佢嘅人,網民覺得佢嘅水準已經超越世界級
網民覺得石修嘅催眠水準已經超越世界級(圖片來源:TVB USA Official@YouTube截圖)
TVB膠劇 徐子珊不死之身 破冰轉身 家族榮耀 TVB TVB膠劇 《荃加福祿壽探案》嘅編劇似乎念念不忘石修喺《隔世追兇》嘅催眠大法
《荃加福祿壽探案》嘅編劇似乎念念不忘石修喺《隔世追兇》嘅催眠大法(圖片來源:《荃加福祿壽探案》截圖)

6)關禮傑彈跳力驚人

喺2014年《叛逃》飾演警務人員嘅關禮傑為捉拿恐怖分子,向下屬示範點樣由大廈天台跳到對面嘅大廈,飛簷走壁嘅彈跳力十分驚人,劇集播出後,呢一幕令關禮傑成為咗萬能Key,被網民由大廈Key到佢出太空再返番地球。而講到彈跳力,一定要講埋《學警出更》嘅陶大宇,為躲避槍擊嘅佢,亦都跳過咗對面大廈,如果佢兩個去參加跳遠比賽,肯定有得鬥。

TVB膠劇 徐子珊不死之身 破冰轉身 家族榮耀 TVB TVB膠劇 關禮傑示範跳過對面天台,劇組多角度拍攝,可見非常重視程度
關禮傑示範跳過對面天台,仲有多角度,可見劇組非常重視(TVB USA Official@YouTube )
TVB膠劇 徐子珊不死之身 破冰轉身 家族榮耀 TVB TVB膠劇 《學警出更》嘅陶大宇亦都係跳遠高手,
《學警出更》嘅陶大宇亦都係跳遠高手,(圖片來源:《學警出更》截圖)

7)《大冬瓜》滑稽程度出晒事

TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:《大冬瓜》劇照)

2009年播出嘅《大冬瓜》靈感嚟自民間故事《十兄弟》,誇張嘅表達方式令人覺得真係 「好」創新。似乎仲想向《寵物小精靈》致敬,劇中有晒圖鑑、法寶,大冬瓜當精靈球,再加上滑稽嘅劇情,被網民指就算有智叔精湛嘅演技幫補,都救唔到收視。

8)古裝《強劍》學龜波氣功

2007年《強劍》本身賣嘅就係古裝特技,又有黃宗澤和鄭嘉穎兩大小生做主角,本來套劇好好地地,點知臨尾就疑抄《唐伯虎點秋香》,仲無啦啦學識咗「龜波氣功」,叫追咗10幾集嘅劇迷情何以堪。

TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:《強劍》海報)
TVB膠劇 徐子珊不死之身 破冰轉身 家族榮耀 TVB TVB膠劇 《強劍》版嘅「龜波氣功」
《強劍》版嘅「龜波氣功」,冇睇過《龍珠》嘅人應該都認得個招牌手勢(圖片來源:《強劍》截圖 ;《龍珠》截圖)

9)《無雙譜》CG好「復古」

2015年《無雙譜》係一套古裝神話劇,翻拍無綫1981年同名自家作,黎耀祥、黃宗澤、郭羨妮等人主演,演員需一人分飾兩角。而觀眾記得嘅係扮鯉魚精嘅岑麗香,事關佢喺水中嘅電腦特技場面,網民話一路睇一路好有親切感,似足細個嗰陣嘅兒童節目式特技效果咁粗糙。其實另一套劇《張保仔》斥資千萬嘅CG都好「出事」,被指係小學雞之作。

TVB膠劇 徐子珊不死之身 破冰轉身 家族榮耀 TVB TVB膠劇 《無雙譜》呢種特技效果真係好有特色
《無雙譜》呢種特技效果真係好有特色(圖片來源:TVB USA Official@YouTube截圖)
TVB膠劇 徐子珊不死之身 破冰轉身 家族榮耀 TVB TVB膠劇 網民表示呢種質數嘅CG,好有親切感,似足細個睇兒童節目。
網民表示呢種質數嘅CG,好有親切感,似足細個睇兒童節目。(圖片來源:《無雙譜》截圖)
TVB膠劇 徐子珊不死之身 破冰轉身 家族榮耀 TVB TVB膠劇
(圖片來源:《無雙譜》截圖)
TVB膠劇 徐子珊不死之身 破冰轉身 家族榮耀 TVB TVB膠劇 《張保仔》嘅CG都唔比《無雙譜》遜色
《張保仔》嘅CG都唔比《無雙譜》遜色(圖片來源:《張保仔》截圖)

10)鄭少秋神級接波術

角色嘅必殺技又點止得石修有,秋官喺2009年《桌球天王》嘅球技,一樣咁神乎其技。當中不得不提劇中嘅屠龍Cue同倚天杆Cue,有火焰有龍捲風襯住「出場」,視覺效果一流。秋官同徒弟鄧健泓嗰場終極大戰,仲幾難落袋嘅波都難唔到佢。同郭政鴻對戰嗰集,秋官甚至將個波玩到出神入化,職業球手傅家俊落到場都未必夠打。

TVB膠劇 徐子珊不死之身 破冰轉身 家族榮耀 TVB TVB膠劇 原來桌球係咁樣打,傅家俊又識唔識呢?
原來桌球係咁樣打,傅家俊又識唔識呢?(圖片來源:《桌球天王》)
TVB膠劇 徐子珊不死之身 破冰轉身 家族榮耀 TVB TVB膠劇 秋官咁接波,係咪好型?反正網民就改咗做meme圖
秋官咁接波,係咪好型?反正網民就改咗做meme圖(圖片來源:《桌球天王》截圖)

11)《掌上明珠》譚真一去廁所

還是小朋友時期的譚真一,在劇中打算自己去廁所,去到之後其尿兜的高度比人更高。照理來說譚真一應該無法順利排出尿液,不料譚真一繼續去,或者在轉場景之時他一下子跳起再小便吧。

TVB膠劇 TVB劇集
(圖片來源:《掌上明珠》截圖)
TVB膠劇 TVB劇集
(圖片來源:《掌上明珠》截圖)

12)《潮拜武當》炸蕃薯

《潮拜武當》中有一幕郭政鴻用微波爐叮蕃薯的場景,其蕃薯突然爆炸,由微波爐衝出嚟,而在其面前靜靜等待的郭政鴻就被蕃薯炸開。成個場面睇落去十分好笑,特效其實做得都相當不錯。

TVB膠劇 TVB劇集
(圖片來源:《潮拜武當》截圖)
TVB膠劇 炸到佢飛勁遠!
炸到佢飛勁遠!(圖片來源:《潮拜武當》截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:Viu、《強劍》海報 、《強劍》截圖、 《龍珠》截圖《學警出更》截圖 《換命真相》截圖 、《神鎗狙擊》截圖 、《張保仔》截圖、《無雙譜》截圖 《桌球天王》截圖、《荃加福祿壽探案》截圖 、《隔世追兇》截圖 、《黃金有罪》 TVB USA Official@YouTube 《神鎗狙擊》