IT狗

IT狗|Frankie@MIRROR由隱形人育成金句王 堂妹原來是富貴港姐

最新娛聞

廣告

ViuTV新劇《IT狗》被稱為Mirror「下弦」之一的陳瑞輝Frankie,一直被外界指存在感低,終於有個人作品出街,在劇中飾演一位經常放負的IT人Never,但不時拋出金句,喜感十足﹗陳瑞輝Frankie原來小學及中學同學都係娛樂圈人,堂妹更是前港姐

文:東方新地|圖:《IT狗》劇照、IG@frankie729

IT狗|花姐指陳瑞輝Frankie如隱形人 不介意被指「下弦」

《IT狗》中MIRROR三子陳瑞輝Frankie、楊樂文Lokman和邱士縉Stanley有份演出,由於外界以先出單曲被力捧的姜濤、盧瀚霆Anson Lo、呂爵安Edan、江熚生AK、陳卓賢Ian及柳應廷Jer稱作「上弦」,而餘下的Lokman、Frankie、Tiger邱傲然、王智德Alton及李駿傑Jeremy稱為「下弦」,連花姐都指Frankie是隱形人﹗

IT狗 陳瑞輝 Frankie
33歲陳瑞輝Frankie是MIRROR中的大哥哥,年紀最大﹗(圖片來源:IG@frankie729)

《IT狗》Frankie在劇中卻有突出表現,角色鮮明又有喜感,Frankie接受訪問時指唔在意外界指他為「下弦」,因為自參加《全民造星》時習慣被批評,已學識調節心情,更指沒有要求一定要出單曲,覺得先在演戲方面發展也不錯﹗

IT狗 陳瑞輝 Frankie
Frankie因為一直未有個人作品出街,被指在MIRROR中的隱形人﹗(圖片來源:IG@frankie729)

IT狗|Frankie劇內劇外都是金句王

Frankie在《IT狗》中飾演的Never經常放負,被稱為「氣氛小偷」,但卻因爆出不少金句如「是但啦,反正我都冇say」、「如果生活先將你擊倒,那就躺下!」、 「失敗乃成功之後母」、「人真係膚淺」 等,破壞氣氛卻走出一條暗黑搞笑路線,令觀眾留下深刻印象,每次出場反而成功製造喜感﹗而現實生活中,Frankie雖然每次在團隊中表現沉靜,但每一次發言都有金句,被MIRROR成員封為金句王﹗

IT狗 陳瑞輝 Frankie
Framkie在《IT狗》中飾演一名經常放負的IT人Never﹗(圖片來源:《IT狗》劇照)
IT狗 陳瑞輝 Frankie
Frankie在《IT狗》中不時拋出金句,角色鮮明,表現突出 (圖片來源:《IT狗》劇照)

中小學同學、堂妹早入娛樂圈

33歲陳瑞輝Frankie入行前是一名舞蹈員,小學就讀聖若瑟小學,與許廷鏗是小學同學,中學就讀東區Band 1的中華基金中學,與Supper Moment主音Sunny是中學同學﹗中學畢業後就讀香港理工大學酒店業管理學士, 18年參加《全民造星》而入行,三十強止步,但憑其高顏值被揀選加入MIRROR﹗身邊人早已入行,原來親人當中都有人早已加入娛樂圈,就是13年港姐陳偉琪Vicky,五強止步,雖然落選但成為無綫藝員,代表作當然是《愛回家》中「細龍太」一角﹗但被無綫雪藏後被踢出劇組,之後約滿離場﹗

IT狗 陳瑞輝 Frankie
Frankie之前曾在新年時貼出與陳偉琪拜年時片段,才揭出原來二人是堂兄妹關係﹗(圖片來源:IG@vthechan)
IT狗 陳瑞輝 Frankie
Frankie曾分享與陳偉琪新年到對方家拜年的片段﹗(圖片來源:IG@frankie729)
IT狗 陳瑞輝 Frankie
Frankie留言指陳家基因好強,指陳偉琪是他的「靚靚妹」,實質是堂妹﹗二人感情不俗﹗(圖片來源:IG@frankie729)
陳偉琪之前與父到馬場,原來Mirror的Frankie是親戚﹗(圖片來源:IG@vthechan)
陳偉琪之前與父到馬場,原來Mirror的Frankie是親戚﹗(圖片來源:IG@vthechan)

用情專一 拍拖十四年女友

Frankie用情專一,有一個舞蹈員女友Hei,拍拖十四年,入行後未有收埋女友,一直公開認愛,被指長情又專一﹗Frankie(皮皮)一向是隊中的顏值擔當,而是更是隊中公認的痴心情長劍!事關他曾經在《MIRROR 100問》感情篇表示自己已經與圈外女友拍拖逾十年,當問到理想型時,更甜蜜地回答:「就係我依個呢個囉!」

Frankie同女友拍拖十二年,用情專一﹗(圖片來源:IG@h3il)
Frankie同女友拍拖十多年,用情專一﹗(圖片來源:IG@h3il)
Frankie同女友外型合襯﹗(圖片來源:IG@h3il)
Frankie同女友外形合襯﹗(圖片來源:IG@h3il)

Frankie接受美國華語訪問:我努力咗可能公司未睇到﹗

近日Frankie接受美國華語節目《偶像名人堂》越洋訪問,主持提到Frankie曾在《調教你MIRROR》中提到自己步伐較Mirror其他成員慢而感到不快,Frankie就話:「其實我哋Mirror每一個人都有唔同發展,有人行得快啲,有人行得慢啲﹗可能因為我性格問題,我都要去爭取多啲嘢嘅時候,我又可能個力度又唔夠大,自己久而久之會有少少唔開心嘅,就係我努力咗可能公司未睇到﹗但聽到麥子樂講,其實我只係蚊同牛比,可能我只係有時有少少攰,但熱情係仲喺度﹗」

接受美國華語節目《偶像名人堂》訪問,直言自己以往的性格害羞又被動,要戒掉這種性格。(圖片來源:《偶像名人堂》截圖)
接受美國華語節目《偶像名人堂》訪問,直言自己以往的性格害羞又被動,要戒掉這種性格。(圖片來源:《偶像名人堂》截圖)

花姐讚在《IT狗》表現佳

Frankie在《IT狗》演出被讚,他在訪問中指經理人花姐都有讚佢演得好,立即鬆一口氣,Frankie又指比較喜歡演戲:「我覺得做戲係繼跳舞之後,另一樣畀到我攞到自己多啲唔同方面嘅嘢出嚟,希望可以喺呢一方面發展落去﹗」主持又問到Frankie想唔想出個人單曲,Frankie話想但自己要求亦高,同時要克服心理關口:「隊友Jer同Ian咁勁先出Solo,所以自己要沉澱番少少,我冇好刻意想出Solo,依家戲劇安排都OK,想繼續去做,歌可以等自己再進步先﹗」

花姐曾狠批做事半途而廢 演唱會solo表演令人耳目一新

MIRROR經理人花姐曾在《調教你MIRROR》中直言在《全民造星》中沒有發現Frankie,是因簽人入MIRROR時,拍檔寶姐要求一定要簽Frankie因為佢好靚仔﹗花姐更在節目中狠批他唔夠積極,無論學戲或學結化他都半途而廢﹗而經過「被調教」後,MIRROR十二子的演唱會上,Frankie的solo表演,被花姐激讚為唱功大躍,演出令人喜出望外﹗

IT狗 陳瑞輝 Frankie
Frankie在演唱會中騷肌,表現出色﹗(圖片來源:IG@frankie729)
IT狗 陳瑞輝 Frankie
Frankie在演唱會的個人表演中,被外界指好有驚喜﹗(圖片來源:IG@frankie729)
IT狗 陳瑞輝 Frankie
花姐由狠批Frankie到激讚他努力下有好成果﹗(圖片來源:IG@ahfa0908)
Framkie、Lokman同阿妹一起主持周日的節目《識碳一定係咁歎》。(圖片來源:《識碳一定係咁歎》截圖)
Framkie、Lokman同阿妹一起主持周日的節目《識碳一定係咁歎》。(圖片來源:《識碳一定係咁歎》截圖)

常見問題:

問:Frankie在ViuTV原創劇《 IT狗》中飾演什麼角色?
答:Frankie在ViuTV原創劇《 IT狗》中飾演IT人Never,他是一位…詳情請看。

問:Frankie的堂妹是誰?
答:Frankie的堂妹原來曾經參選香港小姐,不過落敗,後來成為了…詳情請看。

問:Frankie在ViuTV原創劇《 IT狗》中飾演什麼角色?

答:Frankie在ViuTV原創劇《 IT狗》中飾演IT人Never,他是一位…詳情請看

問:Frankie的堂妹是誰?

答:Frankie的堂妹原來曾經參選香港小姐,不過落敗,後來成為了…詳情請看

圖片來源:《IT狗》劇照、IG@frankie729