IT狗 IT狗 Johnny仔

IT狗|Johnny仔原來係餐廳太子爺 鄧子超坎坷身世披露 背後故事勁勵志

最新娛聞

廣告

由凌文龍、岑珈其、陳漢娜、楊樂文、余逸思等主演的ViuTV原創劇《IT狗》最近掀起不少話題,除了收視4.1點高收之外,半年前拍畢的劇集更成功預言了「NFT」以及「陶大宇」兩大熱話,深受網民追捧!而故事中靠「畫作」披皮而發跡的「Johnny仔」更因為其身形而成為討論話題之一!其實Johnny仔原名鄧子超,喺13年前已經入行做演員,而且來頭猛料,天生就係一個勵志故事!

文:東方新地(部份內容來自SundayKISS)|圖:SundayKISS、《IT狗》截圖、《IT狗》劇照、IG@victorbb、IG@lawrencekan26

IT狗 Johnny仔
Johnny仔嘅外形的確非常突出。(圖片來源:《IT狗》劇照)
IT狗 呢隻「披皮」就係Johnny仔喺劇入面嘅驕傲。(圖片來源:IG@lawrencekan26)
呢隻「披皮」就係Johnny仔喺劇入面嘅驕傲。(圖片來源:IG@lawrencekan26)

IT狗 Johnny仔一角憑黑色幽默爆出

Johnny仔為劇集帶嚟唔少喜劇元素,患有「先天性軟骨發育不全症(侏儒症之一)」登場時被凌文龍以為是一位「小朋友」,勸他不要喝酒之餘又爆出一句「上天攞走你一啲嘢,一定會畀返啲嘢你」,極具黑色幽默。本來以為屬於「大配角」的Johnny仔主要負責搞笑,但原來他亦牽引住整個故事,而且每次出場都非常搶鏡。劇中Johnny仔所畫的「披皮」成功在NFT大賣進帳1560萬脫貧,更打救了主角阿信(凌文龍飾)的科創公司。劇集大約在2021年拍畢,當時NFT還未成為香港人的熱話,但到了近日,「NFT」已成為不少港人茶餘飯後的熱話,碰巧播上這個情節,實在令不少網民更有共鳴。

一頭白髮的Johnny仔,原次出現都會有笑位。(圖片來源:《IT狗》截圖)
一頭白髮的Johnny仔,每次出現都會有笑位。(圖片來源:《IT狗》截圖)

IT狗Johnny仔創作「披皮」真面目

劇中由Johnny仔創作的「披皮」雖然一直被劇中的同伴睇死,但最後因為「NFT」而致富,所有人的態度亦180度轉變。不過,「藝術」嘅嘢,現實中大家都係「識條X」,貌似醜樣的「披皮」近日受到網民熱捧,更表示希望能夠推出「披皮」相關產品。事實上,「披皮」是由《IT狗》導演簡君晉所創作的,他更在IG中表示:「我用咗1分鐘喺電話畫,然後美術組幫我無限複製,原檔仲喺我舊手機度…至於周邊產品,剛剛拍完時都有呢個念頭,不過所有版權全部屬於Viu TV,所以大家都係問返Viu TV啦。」

(圖片來源:IG@lawrencekan26)
畫作嘅嘢,大家鍾意咪得囉!(圖片來源:IG@lawrencekan26)
導演簡君晉仲聯絡到曾俊華客串演出《IT狗》。(圖片來源:IG@lawrencekan26)
導演簡君晉仲聯絡到曾俊華客串演出《IT狗》。(圖片來源:IG@lawrencekan26)

36歲Johnny仔身世披露

Johnny仔,原名鄧子超(小B)現時36歲,自小患有先天性軟骨發育不常症,身高有1.32米,其身體機能與常人無異,坊間多稱他們「侏儒」。在2008年,小B因為馮德倫而獲得第一次演出機會而踏上演員之路,當時他是拍攝陳奕迅作品《倒帶人生》的MV。及後又到過主題樂園工作、亦參演過張家輝執導的電影《陀地驅魔人》扮演其中一隻鬼魂;亦。其實在開啟演員路之前,鄧子超是一間餐廳的太子爺,但經歷2008年金融海嘯之後家道中落,唯有自力更新。不過近年小B又再重操家族故業,在發展演藝事業嘅同時亦都協助屋企打理餐廳。

馮德倫帶佢入行㗎!(圖片來源:IG@victorbb)
馮德倫帶佢入行㗎!(圖片來源:IG@victorbb)
小B仲有邀請拍檔去餐聽食嘢同拍攝。(圖片來源:IG@victorbb)
小B仲有邀請拍檔去餐廳食嘢同拍攝。(圖片來源:IG@victorbb)
上年仲有機會同郭富城合作添!(圖片來源:IG@victorbb)
上年仲有機會同郭富城合作添!(圖片來源:IG@victorbb)

「人生冇順暢過」

鄧子超曾經在接受訪問時表示,自己的人生心「冇順暢過」。由細個開始已經因為其外型而受盡白眼,廿多歲年少氣盛時,他幫家人到灣仔街市買餸,一名路人帶有挑釁性地全身打量他,他按捺不住,說了一句含粗口的「望X完未呀!」結果被街市檔販及行人群起而攻之,最終只能急步離場,「不論自己多有道理,說了粗口,就是錯。」而亦因為自己與「普通人」有異,很多工作亦不能勝任,「那時,我不得不面對自己與正常人的分別。社會上患有此症的人,多數派傳單、貼街招或到慈善機構工作,部分人躲在家中做家務。」胡思亂想下得不出結論,更不願外出見人。

鄧子超慶幸家人和朋友對自己寵愛有加,勇於追夢去。(圖片來源:SundayKISS)
鄧子超慶幸家人和朋友對自己寵愛有加,勇於追夢去。(圖片來源:SundayKISS)

想過輕生谷底翻身

「那時,覺得前面是絕路,由小到大,父母保護下進入了正常世界,現實是,我根本格格不入,我想過輕生,一了百了。」當時,他做了正確的決定,致電給好友傾訴,被罵了一場,當頭棒喝,清醒過來,「人的一生,注定要經歷生、老、病、死,我還想看最終結局,為何就此了結?而且,投胎之後,還可以遇到此生的父母嗎?」自此,輕生念頭完全消失了。

鄧子超喺《IT狗》成功搶鏡。(圖片來源:IG@victorbb)
鄧子超喺《IT狗》成功搶鏡。(圖片來源:IG@victorbb)

導演一句「good take」開心到無法形容

鄧子超近日憑住《IT狗》彈起,他自己亦都樂在其中之,幾乎每日都會在個人IG上分享相關的相片和工作點滴,睇嚟小B真係好響住自己嘅演藝事業,正如他之前接受訪問時提到:「實很多事都無法做得,演戲讓我試到很多可能性,過程很緊張,克服到恐懼,得到導演一句『good take』,已經很開心,言語無法形容!」

令Johnny仔引而為傲的唔係「披皮」,而係佢自己!(圖片來源:SundayKISS)
令Johnny仔引而為傲的唔係「披皮」,而係佢自己!(圖片來源:SundayKISS)

《IT狗》FAQ
問:《IT狗》中的Johnny仔之前拍過哪些作品?
答:《IT狗》演員陣容包括凌文龍 、 Lokman(楊樂文)、 陳漢娜 、 岑珈其、 Frankie( 陳瑞輝)、 Stanley( 邱士縉)等,其中飾演Johnny仔的鄧子超早已參演過不同電影作品,詳情請看專訪「鄧子超飾Johnny仔 小鬼跳出井底 尋演戲夢」

問:《IT狗》全劇幾多集?何時大結局?
答:《IT狗》全劇20集,1月10日首播,如果不受賀年特備影響,大結局將在這天播放⋯⋯按此看詳情

《IT狗》全劇幾多集?何時大結局?

《IT狗》全劇20集,1月10日首播,如果不受賀年特備影響,大結局將在這天播放⋯⋯按此看詳情

《IT狗》中的Johnny仔之前拍過哪些作品?

《IT狗》演員陣容包括凌文龍 、 Lokman(楊樂文)、 陳漢娜 、 岑珈其、 Frankie( 陳瑞輝)、 Stanley( 邱士縉)等,其中飾演Johnny仔的鄧子超早已參演過不同電影作品,詳情請看專訪「鄧子超飾Johnny仔 小鬼跳出井底 尋演戲夢」