胡希婷

「超可愛Les界情聖」胡希婷Kitty分享戀愛經歷自爆曾出軌!

最新娛聞

廣告

郭嘉駿(193)主持的ViuTV節目《戀講嘢》日前邀請了胡希婷(Kitty)做嘉賓,她自參加《校花校草2022》的選秀節目後人氣大增,日前她大談感情事,大尺度分享令193和網民都十分驚訝。

胡希婷獲封超可愛Les界情聖?

Kitty有「超可愛Les界情聖」之稱,節目一開始193大爆Kitty年紀輕輕已有豐富的戀愛經驗,加上每次都無縫接軌,甚至感情有重叠。現年19歲的Kitty被193問到戀愛次數時坦白已經拍拖6次,更表示自己「鍾意拍拖,而且淨係鍾意女仔。」後來被問到是以外貌還是智慧令其他人愛上自己時,Kitty自信地表示:「我覺得佢哋(過往的伴侶)係睇樣嘅!」Kitty表示自己的伴侶多數在交友app上面認識的,而她對同性戀使用的交友app也十分熟悉。

胡希婷 出席ViuTV《戀講嘢》節目
Kitty在《戀講嘢》分享情史。(圖片來源:ViuTV《戀講嘢》截圖)

接吻嘗試了數天才成功

中小學都就讀女校的Kitty談到初戀是在12歲,由9、10歲開始暗戀一位比自己年長兩年的同級女生,當時自己十分高調,跟身邊所有人都表示自己喜歡那位女生,後來那名女生主動WhatsApp她,Kitty問:「你係咪鍾意我?」對白也坦白承認,繼而成為情侶。而確認成為情侶是透過初吻,她透露該次接吻和初戀女友嘗試了數天才成功。問到如何確認自己喜歡同性而非異性?Kitty表示:「有一樣嘢就係…我同普通朋友冇咩身體接觸嘅,即係通常女仔同女仔之間會拖手、會攬。我冇㗎,我淨係對住鍾意嘅女仔先會想攬住佢哋,呢個係一個indicator。」

胡希婷 談第一次確認喜歡同性經歷
Kitty大談第一次確認喜歡同性經歷。(圖片來源:ViuTV《戀講嘢》截圖)
胡希婷 笑談初吻
Kitty笑談初吻要試幾天才成功。(圖片來源:ViuTV《戀講嘢》截圖)

193問Kitty點追女仔

後來193再問Kitty是不是喜歡跟長髮的女生一起時,Kitty稱:「我有同長頭髮嘅一齊,都有同短頭髮嘅一齊。」聽後193再問:「咁你係點樣勾引佢哋鍾意你嘅呢?」Kitty笑稱:「我會扮到好似對佢好有興趣。」Helen追問:「咁係咪漁翁撒網?」Kitty表示:「我會睇下佢靚唔靚先,或者有冇咩特別嘅地方。譬如我現任呢佢感情狀態嗰欄寫住離婚,我覺得呢個人好好笑。」後來在主持追問下,Kitty道出現任女友曾在冰島結婚,但只能是冰島居民才可離婚,聽畢三位主持對此感到十分有趣。

胡希婷 對於冰島離婚手續感到好笑
Kitty對於冰島離婚手續感到好笑。(圖片來源:ViuTV《戀講嘢》截圖)

同另一半相處模式

193對於Kitty和另一半的相處模式,若另一半也很女性化時,此時Kitty語出驚人地指出:「同現任嘅話我係做男性化嘅角色。」193難以置信地表示Kitty說話很嬌氣,無法想像她是男性化角色。Kitty表示:「佢(現任)嗲我嘅時候好似啲3歲小朋友咁hi個頭,跟住我就會摸下佢個頭。」她回憶道有次和另一對情侶double dating時發現那名男友的行為和平時自己十分相似,不知不覺間其實自己做了男性化角色,會幫女友穿外套,餵食等行為,又表示:「鬧交嘅時候如果佢(現任)喊得勁過我,我就會攬返佢。」由此可見Kitty主要是男性化角色。

胡希婷 Kitty甜美和Man的形象都可以駕馭
(Kitty甜美和Man的形象都可以駕馭 圖片來源:ViuTV《戀講嘢》截圖)

自爆出軌經歷

談到重點出軌問題時,193問:「其實兩個女仔一齊係咪難出軌啲嘅呢?」聽後Kitty表示:「我係好容易鍾意人囉,我會好容易同人拍緊拖,跟住又無啦啦鍾意第二個,跟住我就會…(飛咗第二個)」她續說:「我有個Ex係短頭髮嘅,然後我哋嗰陣喺交友app識啦,咁佢超主動,我同佢一齊嘅時候我係有女朋友嘅。」193驚訝大叫:「What?」Kitty:「我同個女朋友就快分手,佢係長頭髮嘅,我新識係短頭髮嘅,咁我本身我冇諗住出軌,係出來食完飯之後唔小心一齊。」

誤傳小三情慾短片給正印

Helen聽後問Kitty是因為什麼而導致後來「不小心在一起」,Kitty笑著回答:「佢個樣就一副想姣我嘅樣。」193搶問:「我真係諗唔明係點樣想姣你?」Kitty回應:「係好挑逗嘅眼神,即係好似男人嗰啲眼神。」Kitty表示跟當時的女朋友正在遠距離戀愛,因此想在香港找一個女朋友,而分手的原因是當時Kitty錯將與出軌對象的情慾影片,傳送給當時的女朋友,而導致對方生氣分手,當時對方更狠罵Kitty。

胡希婷 大談出軌經歷
(大談出軌經歷 圖片來源:ViuTV《戀講嘢》截圖)

被出軌嬲到報復

Ashina表示女人是很記仇的生物,問Kitty會不會也是這樣時,她笑稱:「我係好典型女人,我超記仇囉。試過同女朋友食飯,我睇到佢手機發現WhatsApp入面有個叫BB的聯絡人,我睇佢哋啲對話發現佢哋一齊咗超耐,一齊咗3年囉已經。我嗰吓咩都諗唔到,我冇諗過自己會俾人呃,冇諗過自己會咁蠢,因為嗰個女仔大我7年啦。然之後我就返屋企,跟住唔覆佢WhatsApp,之後佢就話聖誕節想見,我就心諗好啊,我要畀啲顏色佢睇吓。我就借意問佢可唔可以睇吓手機,因為手機係我買畀佢嘅,跟住攞到過下我就飛部電話出去,我仲聽到佢(手機)咚一聲落水。」

前度返兜邀做SP

Kitty表示那名前度呆了一會後,想搶她的手機掉進海。193笑言可能該名女生認為是情趣:「你掉我手機,我又掉返你先。」Helen聽後表示曾經也遇過一個女朋友把自己的手機掉爛,女生比較戲劇性一些。Kitty後來補充經過這次後那名前度依然有找她,原因只是因為性:「佢話因為佢女朋友性冷感,唔同佢做,暗示出去搵sp都可以,即係我係佢sp。」後來Kitty一怒之下跟該名前度斷絕來往。

胡希婷 承認自己超級記仇
(承認自己超級記仇 圖片來源:ViuTV《戀講嘢》截圖)

後來談到大尺度話題性方面時,Kitty表示有些人是「鐵t」代表不接受任何撫摸,她更自豪表示自己現任以前也是,但自己已經改變了她。最後更表示自己接受訪談是因為「勁想全部人都知我鍾意女仔」,更斷言沒有男人可以成功追求自己。

胡希婷 對於Kitty斷言不喜歡男生主持感到驚訝
(對於Kitty斷言不喜歡男生主持感到驚訝 圖片來源:ViuTV《戀講嘢》截圖)
胡希婷 揚言向所有人知道自己的性取向
(揚言向所有人知道自己的性取向 圖片來源:ViuTV《戀講嘢》截圖)

節目結尾193問Kitty帶了什麼「戀擺嘢」給節目,Kitty帶來了一支唇膏表示是初戀送給她的禮物,但現在覺得「keep住以前人哋畀我嘅愛係冇意思㗎嘛」所以選擇放在節目中,放下這段過去。

參加校花校草節目

胡希婷(Kitty)於2022年參加了由Youtube頻道「試當真」主辦的素人選秀節目《校花校草2022》,最後失落21強,但自從參加了該節目她開始獲得網民留意。現年19歲的Kitty於香港大學(HKU)就讀,經常在個人社交平台上分享自己的相片和生活,樣子出眾,笑容甜美的她獲得一批網民支持、留意。

胡希婷 參加《校花校草2022》
(參加《校花校草2022》圖片來源:ig@thenextera2022)
胡希婷 能駕馭不同風格的照片。
(能駕馭不同風格的照片。圖片來源:[email protected]
胡希婷 Kitty長相甜美。
(Kitty長相甜美。圖片來源:[email protected]
胡希婷 Kitty和現任女友。
(Kitty和現任女友。圖片來源:[email protected]
胡希婷
(圖片來源:喜歡與社交平台分享照片。[email protected]

《校花校草2022》目前最高票數有邊個?

經過連場「綜藝堂」之後,12名成員(6男6女)9月25日晚上迎來總決賽前的淘汰戰結果⋯⋯詳見:校花校草10強誕生

《校花校草2022》冠軍有咩獎品?

游學修在上周六的直播環節中,宣布奪冠的一花一草各自可獲10萬獎金,而亞軍季軍的獎金⋯⋯詳見:試當真比《聲夢傳奇》更大手筆!

撰文:東方新地圖片來源:[email protected]、ig@thenextera2022、ViuTV《戀講嘢》截圖