MIRROR 前夫 Mirror

前夫關注組「反口」押後關閉群組 網民唔鬧仲要好尊敬|MIRROR演唱會

最新娛聞

廣告

MIRROR在28日舉行的演唱會發生嚴重事故,舞蹈員李啟言(阿Mo)被大型屏幕壓傷,情況危殆。事情發生後,MIRROR演唱會亦宣佈取消餘下8場演唱會。「我老婆嫁左比Mirror導致婚姻破裂關注組」的版主RC亦在今天(31日)宣佈表示延遲關Group的決定,表示:「演唱會未完,我地嘅責任都未完,勿忘初衷。」

前夫關注組決定延遲關閉群組

原定一連12場的MIRROR演唱會在28日發生嚴重事故後,宣佈取消餘下8場演唱會。演唱會開始之前,因為演唱會的安排而感到不滿的「我老婆嫁左比Mirror導致婚姻破裂關注組」版主曾經決定在演唱會結束後關閉群組,但當演唱會發生嚴重事故之後,版主決定延遲關閉群組。

MIRROR 版主表示會押後關閉群組
版主表示會押後關閉群組(圖片來源:Facebook@我老婆嫁左比Mirror導致婚姻破裂關注組)

押後關閉群組 全因「1理由」

版主RC發文表示,他決定現在並不是關閉群組的好時機:「我prefer happy ending,演唱會未完 我地嘅責任都未完。勿忘初衷,我開group嘅時候係想大家都開心,之後close group嘅時候大家依然都開心,亦都係唯一目的!」

呼籲網民不要參加「眾籌」

版主RC在文中寫道:「​​喺未有正式調查結果出嚟之前,希望大家將怒火保留住唔好吹熄,香港人唔好咁善忘,今次事件一定要有人負責。」他亦呼籲網民不要參加坊間的「眾籌」,Soching和ERROR肥仔都表示他們並沒有為阿Mo發起眾籌活動,希望大家能夠小心,不要「被人濫用善意」。

網民表示贊成決定

當版主宣佈押後關閉群組公告之後,一眾網民紛紛留言表示支持版主決定,表示版主並非「反口」,而是體恤民情,同時感激版主願意與12子和粉絲們共渡難關。

MIRROR 網民都表示支持版主決定
網民都表示支持版主決定(圖片來源:Facebook@我老婆嫁左比Mirror導致婚姻破裂關注組)
MIRROR 網民都表示感謝版主願意在艱難時期與12子和鏡粉們共同進退。
網民都表示感謝版主願意在艱難時期與12子和鏡粉們共同進退。(圖片來源:Facebook@我老婆嫁左比Mirror導致婚姻破裂關注組)
MIRROR 網民紛紛留言表示支持決定
網民紛紛留言表示支持決定(圖片來源:Facebook@我老婆嫁左比Mirror導致婚姻破裂關注組)

版主宣佈押後關閉群組全文:

事情發生咗幾日
希望大家嘅情緒都可以稍為平復
各位仲有漫長嘅路要行

以下3樣嘢係我同兩位admin商量後得出嘅共識:

1)呢幾日有好多post同pm係同姦夫打氣
開group以嚟我都堅持呢度係前夫group唔係fc
所以嗰d post我唔可以出
但姜太同我講大家需要一個出口
一陣我會將已投稿嘅我會cap低一次過出哂
如果你有說話未曾講
可以去嗰d post集中留言講

2)喺未有正式調查結果出嚟之前
希望大家將怒火保留住唔好吹熄
香港人唔好咁善忘
今次事件一定要有人負責
琴日soching同肥仔都講過佢地無為呀mo眾籌

請大家唔好比人濫用你地嘅善意

3)你話我反口就反口啦
但我地認為而加唔係適當時候close group
我prefer happy ending
演唱會未完 我地嘅責任都未完
勿忘初衷,我開group嘅時候係想大家都開心,之後close group嘅時候大家依然都開心,亦都係唯一目的!

#mo早日康復
RC 31/7 13:15

「我老婆嫁左比MIRROR導致婚姻破裂關注組」曾宣佈永久關閉

這個人數超過35萬人的群組,在去年7月3日成立,影響力強大,管理員為今次演唱會售票安排大感不滿,發文指鏡粉在MIRROR需要支持時一向出盡全力,但是次安排卻令人失望:「一睇個Floor plan,喂黑洞咁嘅樣嘅?」買到飛的機會極微。

MIRROR 版主表示「如果你唔知我嬲乜,你試下將上面『鏡粉』呢兩個字換做我老婆/我老母/我個女,咁可能會投入啲」
版主表示「如果你唔知我嬲乜,你試下將上面『鏡粉』呢兩個字換做我老婆/我老母/我個女,咁可能會投入啲」(圖片來源:Facebook@我老婆嫁左比Mirror導致婚姻破裂關注組)

「我哋成日鬧黃牛 你哋就自己做大黃牛」

管理員列出是次主辦單位的多宗罪,以比喻方式指出鏡粉需要光顧多個贊助商,才有機會抽到演唱會飛。據悉在日前售票日結束後,香港電訊推出MIRROR演唱會門票抽奬活動,被抽中後需於指定時間選購指定的服務計劃,才可以獲得指定的門票兩張。

狠批主辦單位「食相難睇」

管理員認為主辦單位的食相難睇,貼文下亦有不少網民表示失望,反映面對無限的「321」、 呆望電腦十個鐘,仍然一無所獲。管理員直言:「我哋成日鬧黃牛,你哋就自己做大黃牛。唔洗驚,今次實有人睇架,下次?唔知嚕。」相關貼文不足兩小時已引來1.5萬個讚好。

MIRROR 有網民表示:「我入到6次,買到2次,當中有6部機,有3部機中,但係有4次睇住佢到數直到夠鐘買唔到!其實都係撞彩」
有網民表示:「我入到6次,買到2次,當中有6部機,有3部機中,但係有4次睇住佢到數直到夠鐘買唔到!其實都係撞彩」(圖片來源:SundayKISS)

群組將於MIRROR演唱會後永久關閉

組員大表支持 對於群組管理員的申訴,不少群組成員都分享自己的心聲,不少聲音認為主辦單位今次真係過份咗! 發文後三小時已有超過4,000留言回應,以下是精選留言:

「Can’t Agree more! 衰過施捨!殺雞取卵!為咗賺錢,完全犧牲左Mirror,令成件事變得Negative」

「今次紅館買飛事件,令我感覺自己,好似中咗祈福黨。 」

「完全明白 公司同贊助商可唔可以明白 冇鏡粉支持 公司嘅「重要資產」什麼都不是, 食相真係好肉酸…申請MOX,為演唱會,最後等咗四個鐘,乜都冇。 俾錢做Miro會員,得個吉。 實名制公售,坐係電腦面前10個鐘,買唔到,而家仲要我HKT 課唔知幾多金……我真係覺得好攰,過埋今次,紅館⋯⋯真係想放棄」

「內部認購,差不多個個歌手演唱會都有。但坐響所謂”VIP”座位上嘅,係咪真係欣賞你先黎?定因為人脈、關係、身份等,才會出現於席上?Mirror 由一步一腳印, 先黎到今時今日,真正愛佢地嘅粉絲,有需要“披荊斬棘”才能支持偶像嗎?」

「睇場演唱會好似乞你咁,又唔係免費,仆去申請咭、仆去開戶口、仆去做miro,31號玩成十個鐘尿都唔敢all多篤⋯⋯最後去123結界得個吉,鬼叫你班人想睇就要玩呢啲遊戲(吹咩)今日見到咩抽到飛仲要加監加一大堆服務,不如你打劫我地好L過啦, 可以激慶咁多人,家架下安樂啦?」

「鏡粉前夫」上過ViuTV

其實「我老婆嫁左比Mirror導致婚姻破裂關注組」嘅版主與ViuTV亦有淵源,早在群組成立初期,就曾帶領一班「鏡粉前夫」上過《又要威又要戴頭盔》節目,前夫們都好勇敢現身說法,除咗萬能KEY事件之外,仲有Staycation事件、高達音樂會事件等等,同場仲唔小心爆埋前妻啲小秘密出嚟,越講越high咁。

MIRROR 版主真面目!
版主真面目!(圖片來源:《又要威又要戴頭盔》第273集)

前夫關注組取消閉頁決定為何得到網民支持?

版主RC發文表示,他決定現在並不是關閉群組的好時機……詳見: 前夫關注組押後關閉群組獲支持

張敬軒為涉事舞蹈員提供什麼援助?

張敬軒早年曾患抑鬱症,他明白目擊事件的舞蹈員此刻的需要,更發文向公眾解釋此舉的必要性……詳見:張敬軒Ian聘專家團隊提供心理輔導

圖片來源:Facebook@我老婆嫁左比Mirror導致婚姻破裂關注組、SundayKISS