Coffee Liddy陀緊B 一班「Sing之天使」依家去晒邊？

撰文：東方新地｜圖片：新傳媒、Instagram

一班「Sing之天使」依家去晒邊？

2009年大台節目《耳分高下》，由庾澄慶、鄧健泓主持，節目中的遊戲都係同聲音、唱歌等有關，另外仲有一班年輕貌美的靚女擔任「Sing之天使」，視覺效果提升不少！

雪梨 －林婉霞(即林芊妤Coffee)

第一位林芊妤(Coffee) 都唔需要多介紹啦，Coffee經過最出名的「Gathering」事件後，離開大台向瑜伽導師之路發展，成績相當理想！現時已吸納了一大班粉絲，喺網上人氣強勁～

Coffee身形確係一絕！唔少女生的目標～

身形咁靚，著三點式泳衣當然索爆啦！

依家大緊肚都係咁靚～

柑桔 －陳蕊蕊

今年35歲的陳蕊蕊，都仍然活躍於娛樂圈，除了早幾年自組女子組合「HunterZ」外，近期更積極發展「美人魚泳術學校」，專心教人做一條美人魚。蕊蕊自早年與金剛分手後，都好似冇聽到佢有新戀情？

檸檬－李婷(即李悅彤Liddy)

當年仲係叫李婷的李悅彤Liddy，娛圈成績冇咩人記得，最記得記係佢2014年時介入導演彭順與李心潔的婚姻。後來Liddy家中發生巨變，令其受到多重打擊，消失於娛樂圈。

現時Liddy已為人妻，而且最近被爆已懷孕約七、八個月，恭喜恭喜～

藍莓－劉俐

大家都仲記得佢外號「藍莓」的劉俐，早年約滿TVB後就轉行做售貨員，之後又擔任客戶服務員等工作，最近仲見到藍莓似乎十分熱衷於拉丁舞。雖然藍莓曾表示唔抗拒幕前工作，不過近年都已經好少見到佢。

菠蘿－郭穎橋

今年32歲的郭穎橋，退出娛圈後轉行做秘書兼攝影師，曾到台灣讀攝影。2017年，佢菠蘿喺viuTV攝影節目《攝·太帥》以參賽者身份亮相幕前，另外又曾為電影《大樂師·為愛配樂》拍劇照等。

蜜瓜－關宛珊

關宛珊都有份咩？當年關宛珊曾於《耳分高下》客串「蜜瓜」，呢位靚女高妹現時仍活躍於大台，不時參與劇集演出，包括《逆緣》、《深宮計》等，不過多屬客串角色。