TVB

TVB劇集愛加「甜」 朱晨麗以外仲有大把鹽花

最新娛聞

廣告

TVB早前傳出頒發「限奶令」,不過大家似乎多慮了,明明女藝人繼續性感,劇集繼續有好嘢益觀眾,好似朱晨麗日前喺《特技人》勁谷34D上圍就夠晒震撼!其實大台劇不時都愛灑鹽花,有唔少令人難忘的經典,以下畫面你記唔記得?

撰文:東方新地|圖片:TVB截圖

TVB劇集愛加「甜」 朱晨麗 以外仲有大把鹽花

《特技人》朱晨麗bra top盡34D上圍

早前一集《特技人》中,除剩件運動bra top的朱晨麗,谷盡34D噴血上圍,成個畫面真係好震撼!劇中朱晨麗咁靚女又身材索爆,不過就男仔頭好麻甩,睇佢呢個飲嘢動作幾咁豪邁!

|谷胸小睡片刻

|譚俊彥睇到呆晒

之後男主角譚俊彥出現,返到屋企見到朱晨麗咁樣瞓喺度,當堂呆一呆!而朱晨麗亦係嚇到即時彈起身,仲撞親腳!

|沙發睡美人

原來呢場戲仲未完!畫面一轉,見到依舊著住bra top的朱晨麗喺沙發瞓著,譚俊彥怕佢著涼,好心行埋去叫返入房啦,點知……

|朱晨麗 譚俊彥深情錫錫

等咗咁多集,朱晨麗同譚俊彥終於迎來第一吻!兩人仲愈咀愈激動,正當譚俊彥推低女方之際……

|原來係一場綺夢……

同場加映:朱晨麗激罕晒水着

早前一集中,講述朱晨麗為美女演員秦臻 (傅嘉莉飾) 做替身拍廣告,要著上運動型泳衣打沙灘排球,朱晨麗話佢選完港姐之後已經好少着泳裝,所以好擔心觀眾嘅反應:「呢場戲講我做替身,着住沙灘排球衫拍飲品廣告,係戲中戲,同時我要做高難度動作,喺彈床度跳來跳去,拍嘅時候係夏天,好曬,拍完真係成身散晒!」

《愛.回家》蘇韻姿久違的泳衣

《愛.回家之開心速遞》中,由前港姐蘇韻姿(Andrea)飾演的熊心如「紅衫魚」頗受觀眾歡迎,其中一集講到池子孝(阮政峰飾) 同熊心如去沙灘玩水,蘇韻姿著上久違的三點式泳衣大騷索爆身材,看得一班觀眾心心眼!

但其實所有蘇韻姿著三點式的畫面,都係阮政峰FF出嚟!不過觀眾都要多謝佢豐富的想像力啦!

《賭城群英會》高海寧胸爆Mon

去年大台劇《賭城群英會》乃王晶導演出品,有連場香豔畫面是常識吧!其中有一幕係高海寧、文凱玲、何浩文及黃浩然一齊喺泳池中嬉戲,一個近鏡見到高Ling超級導彈從水中衝上水面,睇到觀眾都「眼凸凸」!

《溏心風暴3》陳敏之從演最激一次

《溏心風暴3》呢幾場戲相信大家記憶猶新,陳敏之瘋狂愛上唐文龍,做小三都在所不惜。其中一幕濕身陳敏之將白恤衫鈕扣逐粒解開,喱士黑Bra誘惑,捉住唐文龍隻手摸落去!

|辦公室打得火熱

唐文龍本來仲係欲拒還迎,但最後都係頂唔順要就範,喺辦公室打得火熱!

|回家最好不過

喺office始終就住就住,敏之同唐文龍之後咀到返屋企,上到大床繼續瘋狂車輪戰,唐文龍仲雙手一嘢扯低敏之條bra帶!呢幕除了敏之玉背吸引外,唐文龍對麒麟臂同樣吸睛!

|火辣浴室激戰

之後敏之同唐文龍再上演一場火辣辣浴室親熱戲,今次《溏心3》演出都可算係敏之從演以來最激一次,唔知敏之老公有無睇到眼火爆呢?

《誇世代》陳偉琪自淋香檳

上年台慶劇《誇世代》,第一集就帶俾觀眾眼球上的震撼!有34E彈彈波之稱的陳偉琪第一集就濕身誘惑陳豪,果然好濕好Hungry!

劇中陳偉琪飾演進擊的女職員,為討好上司陳豪而準備了一個surprise,突然間喺枱底彈出,仲將香檳淋喺身上,充滿名酒的上衣,酒色俱備,男人點忍!

《喵喵星》楊秀惠黑絲誘陳豪

台慶劇《來自喵喵星的妳》中,其中一集楊秀惠一身低胸黑色晚裝,一對黑色絲襪非常煞食,加埋若對隱若現的42吋長腿,隔住個mon都睇到慾火焚身,今次真係叔叔不行了!唔知面對造型性感嘅楊秀惠,人夫陳豪頂唔頂得住呢?

講講吓,仲成隻腳遞到陳豪面前,叫人點忍……

睇都未夠,楊秀惠 仲捉實陳豪隻手摸自己小腿,不過呢幕嘅重點係陳豪個樣……

送到埋口嘅腳,陳豪嚇到眼定定冇晒反應。楊秀惠 見佢目瞪口呆就再玩大啲:除絲襪!楊秀惠首先企起身,之後鏡頭就影住絲襪頭,「啪」一聲,對黑絲就順住對腳跌,然後… 冇然後啦……

《幕後玩家》黃翠如玩水中「蕭」

《幕後玩家》呢集由真情侶黃翠如及蕭正楠上演火辣辣一幕!鏡頭前本來只有蕭正楠赤裸上半身沖涼,之後疑似全裸的翠如BB突然拉開浴簾,仲露出一個好嫵媚的笑容,之後就一發不可收拾,濕晒身又攬又咀!兩人呢場戲表現得相當投入,好似世界得番佢哋兩個,非常火辣香艷!相信平時做慣做熟,先拍得出呢個效果?

|咀到要扶牆

有眼利觀眾更發現兩人咀得超投入,蕭正楠更失重心企唔穩要扶牆借力,可能翠如BB實在太索,連蕭公子都腳仔軟!唔知平時翠如BB係咪咁主動㗎呢?

《師奶兵團》陳法拉益郭政鴻

呢幕都算係經典啦!2006年劇集《師奶兵團》,選完華姐不久的陳法拉飾演郭政鴻的上司Angela,劇中多次色誘已婚的郭政鴻!其中一場戲開船P,著上比堅尼的法拉叫郭政鴻幫佢搽太陽油,仲要一臉陶醉,不知恨死多少男士!

《有營煮婦》陳法拉浴室露bra

又係陳法拉,法拉喺2009年劇集《有營煮婦》飾演鍾景輝及李司棋的女兒,唔知點解會無啦啦加一幕浴室換衫戲,除衫露bra,令人費解,得益的只有觀眾眼睛!

《衝上雲霄II》林芊妤沙灘壓馬明

2013年的《衝上雲霄II》中,飾演花心機師的馬國明同林芊妤(Coffee)有場沙灘調情戲,Coffee狂騷逼爆上圍,仲要反壓馬明,視覺效果一流!但相信呢個組合都唔會再出現了。

《古靈精探B》胡定欣谷胸鋼管舞

2009年《古靈精探B》,劇情圍繞郭晉安帶住一班雜牌軍查案, 其中一集講到胡定欣參加鋼管舞比賽,一身性感舞衣上陣,谷盡上圍,成為網絡經典Cap圖之一!

《棟仁的時光》朱晨麗晒舞技

除了視后胡定欣,朱晨麗喺今年《棟仁的時光》中一樣有鋼管舞演出,性感舞衣就基本啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!